IBRANI 7:25 - PERJANJIAN BARU NALCA YUBA

²⁵ Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

IBRANI 7:25 ပူးပေါင်းရင်းမြစ်များ

YOHANES 14:13

Neyung bek, me adya imik nenewolulaʾ aboka, ugunja or hekaʾ ok do nadya si sibuka mololonumun dara, unulumnesin.

YOHANES 14:16

”Nadyaʾ neyung bek molowanya dara, ugunuk yok arasinya eleganesil. Ugunublaboka sobaʾ ulululumaʾ aboka, ban aralemnesilnya bera dib yub ulumla Geisinya ek eleganesil.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

EPESUS 2:18

Wera Kristus pik moruwoka, Yahudi nimi yokaʾ gom, Yahudi gom nimi gom, nunda nidyaʾ ara hnonok neik Imik Neyung Geisinya edya pik uboka, Imik Neyung ak sam ban pik era seleb eiyiwoka balamab.

EPESUS 3:12

Nunda Kristus ak dib senewoka, alab ganya kwebdangoka ulumabaʾ adya, glob lobsuk pik biniboka, asaʾ ganya boboka Imik Neyung berem balamab.

EPESUS 3:20

Imik Neyung migiba nunjaʾ ganya lomok sam seleb welemlakanya, nunja ganya seiniwoka mololemabnya nera mek so bok, Imik Neyung adya dara, hyak nauba so sounuwoka yokaʾ perobaʾ nidyaʾ unululanya bek,

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

1 TIMOTIUS 2:5

Imik Neyung ara al hnonok ok ulumlakanya, nim ab Imik Neyung ab hnoumunga wiknenanya soko nang doknya bera, Yesus Kristus hnonok gobdo ulumla.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

IBRANI 11:6

Bok nim ara ganya dib senenaʾ orok dara, Imik Neyung ara perob senenggulusil. Wera anasa, heknedya Imik Neyung ak yanalanya bera, alda Imik Neyung ara aldib ulumla senewoka ulumlyekanya, alda nim Imik Neyung alak elemak nim era deknaʾ eleklesil senelelul.

IBRANI 13:15

Al nenesa, nunda Yesus pik uboka, Imik Neyung ak perob aboka gibnaʾ ara, nuk ol nebeldaleng sok unaʾ ara, nunja sibamaʾ edya alja si nek perob aboka sobaʾ giblenob.

IBRANI 2:18

Anasa Yesus ak ara, alak men bisaʾ adya sunuwoka, igin ara har soʾ kwellilisilaʾ ara, alak seleb unuwokaʾ ella umokaʾ adya, alak unu sunuwokaʾ anyek bekoka, alja mab ek sunulusilaʾ ak ab dara, alda pe aralesil.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

IBRANI 5:7

Yesus ara anam sokok an ulumok salek era, al nonga somoknaʾ ak ab blebnemoknya Imik Neyung bek, bii aboka engelemookanya, aralenelom aboka mololomok. Wera Imik Neyung ak hyak pe ganya sokok nenebdangoka giblemokaʾ adya, alja molonaʾ era Imik Neyung adya pe kelemok.

IBRANI 7:16

Wenyok yuba lenaʾ gaknya Yesus ara, alda senenggom yuba wa gaknya nenewokaʾ ara, nim adya unulumak ununaʾ ek sunuwoka yuba gaknya sekiyiwanggubuk bok, alda al nong senenggom dubnya uboka, sidyaʾ somoganamlaʾ ara oroknya bek sekiyiwok.

IBRANI 7:19

Yehudi nim edyaʾ unuwanalum an yub ulumokaʾ adya dara, nimi yokaʾ ak ara, perobaʾ nenewoka geisa nenesinaʾ ara hnon unggulumok. Wera nenesa leboka, wenyek dara, Imik Neyung adya yok perob ganya nebom anaʾ dibaʾ elegosuk adya, wera nunda an pik enyek anyeb uboka, Imik Neyung al berem ara or balamab.

IBRANI 7:24

Bok Yesus ak dara, alda embengaʾ sobaʾ ulmorulamlaʾ adya, wera alak Imik Neyung adya, anda yuba wa gaknya ulumnelam aboka elegok wa nera yok nim edya salawanggunuseng.

IBRANI 7:8

Youmaʾ yuba wa gak nang uboka sagonya Imik Neyung eleganaʾ bo bololomek nang era, nimi sirikaʾ ak adya hmenga dangoka somoklomek. Bok Imik Neyung yuba momnya dobokaʾ ara, Melkisedek be Abraham bek ab sagonya eleknaʾ dobok alalanya bera, embengaʾ ulumla.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.