IBRANI 7:11 - PERJANJIAN BARU NALCA YUBA

¹¹ Lewi nang yilaʾ yuba wa gak nang ulumek sum enyek, sik pik uboka unuwanalum an yub era Israeli nim ek ara, Imik Neyung adya elegosuk. Bok Lewi nang yilaʾ yuba wa gak nang ulumek bok, Imik Neyung wa anyek geisa wa bok pe wel daknenggulumekaʾ anasa leboka, yok yuba wa gaknya, Melkisedek be ulumok sonya benyek, Harun nang yilaʾ ak ab gom, alda yoknya bek elegosuk.

IBRANI 7:11 ပူးပေါင်းရင်းမြစ်များ

GALATIA 2:21

Nim ara unuwanalum an yub edya Imik Neyung hogung ak perobaʾ nenenaʾ dobnesibya bok dara, Kristus ara malya unaʾ amba somogomokaʾ ara, salyaʾ lelem danamso. Anasa, nara Imik Neyung adya wanaʾ uboka eleksinaʾ ak, lek aboka longgulumna.

GALATIA 4:3

Anasonya neikek numbabya, nunda anam neboka ganya kanaʾ orok salek era, sokok an ulumla ganya gong edya gouluwoka bo ulusuk.

GALATIA 4:9

Bok wenyek dara, ugunda Imik Neyung ak seleb ella ululumukanya, dib nongaʾ ara, Imik Neyung adya ugunuk seleb ella ulusil bok anasa, dolbalek sonya uboka hmeng ganya dangoka, dil beillilumaʾ ara hekamba do? Hekasa ban dolbaleknya nek saawoka oruknaʾ nang danob senelelum do?

IBRANI 5:10

Imik Neyung adyaʾ anaba, Melkisedek bek yuba wa gaknya ulumok sok, Yesus anaba yuba wa gakaʾ dubnya ulumnamla aboka, laga sekiyiwok!

IBRANI 5:6

Dara onoʾ Imik Neyung ara yokok sam hnon, ”Melkisedek be yuba wa gaknya ulumok sok, anda sobaʾ ara senenggom yuba wa gaknya ulumnelam,” hyok.

IBRANI 7:10

Nera Lewi bera anam beilinaʾ orok bok, al nang yilaʾ sikjaʾ neyung Abraham benyek, Melkisedek beb yuba sabdangoka sagonya elegok sum era, Lewi beneba Abraham bedyaʾ nong ok an seleb ulumokaʾ ak ulumla henesibya.

IBRANI 7:12

Wera yuba lenaʾ gak nang enyek, Lewi nang yilaʾ ara loboka, yok nang yilaʾ ak daneseng dara, wera Yahudi nim edyaʾ unuwanalum an yub eneba yok danamso.

IBRANI 7:13

Ban yokaʾ dok alamlaʾ ara, Nunjaʾ Wenelesilnya Yesus anyek Lewi nang yilaʾ ak ab beibnenggunumek, alda yuba wa gak nang dangoka wenggulumek nang, Yehuda nang yilaʾ ak ab beibnemekaʾ anasa lelemla.

IBRANI 7:15

Wera nunja an wenyaro lebab yub era, Melkisedek benesoʾ yok yuba wa gaknya be hnon seleb yok aboka lebnemak dara, wera damoka pe olowoka ella danamab.

IBRANI 7:21

Bok Yesus ak dara, anyek perobaʾ eleganenggen aboka, laga yuba lenaʾ gaknya ulumnelam aboka, Imik Neyung adya sekiyiwok sum enyek, Imik Neyung adya dib unuwanamna hyokaʾ ara, ”Wenelesilnya bedya seleb laga lebokaʾ ara, onoʾ saawoka yoka lebnenggunumla, anda aldib senenggom yuba wa gaknya sobaʾ amba ulumnelam,” hyok.

IBRANI 8:7

Nera men Yahudi nim ek, Imik Neyung adya unuwanalum an yub elegesukaʾ ara, perobaʾ ok ulumso dara, eimik onoʾ saawoka penenya hnon unuwanalum an yub era eleganggunususo.

IBRANI 9:6

Nidyaʾ ara anaso unulumnulum aboka orowek meewoka beibuk. Dara, lika sob-sobaʾ ara yuba wa gak nang era, e nenyek men ekla ak an, Imik Neyung ak gibnobaʾ aboka dara, wekoka yokaʾ-yokaʾ beiyiwoka giblemek.