IBRANI 6:2 - PERJANJIAN BARU NALCA YUBA

² mek danaʾ yuba hnon, nimi soruka diyiwoka heng ubokaʾ len yuba hnon, somogamna nimi suboka embengaʾ bunaʾ yuba hnon, igina yakaʾ ubmoruwanesil yuba hnon, nenyek egomnaʾ dibaʾ saawoka iknenggulumnamab.

IBRANI 6:2 ပူးပေါင်းရင်းမြစ်များ

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

MATIUS 3:14

Bok Yohanes bedya meka dabnenggununggen aboka Yesus ak, ”Nak danyek, neyung, anja meka dabnenesom. Bok wenyek dara, neyung anak nak an yalem!” hyok.

MARKUS 16:16

Nimi nidyaʾ yuba dib senenggulumeija nim era, igina kweiyiwanesil bok, yuba dib senewoka meka dalesija nim era, blebnesil.

MARKUS 7:4

Sikja ununaʾ era, deknaʾ gasaʾ ak ab yanaʾ anaba, anam mek eleknaʾ orok bok dara, men denggulumek. Anya onoʾ, yok ununaʾ eneba gong, hnonda mek hmeiya mek eleknaʾ gom, hnonda solowak unuruwaʾ mek eleknaʾ gom, youmaʾ nim ugumaʾ enyek, geklewoka unulumek.

MARKUS 7:8

Onoʾ Yesus adya sikenek, ”Ugunda nim adya ununaʾ enyek, gasa salabmoubnekanya, Imik Neyung adya unuwolulum alalanya nera lololum,” aboka lebok.

LUKAS 11:38

Danyek Yesus ara Yahudi yuba don nim ulumek sok, soruka mek elegoka denggulumokaʾ anasa, Parisinya bera hyak loka dabok.

LUKAS 12:50

Yokaʾ unuwanenelaʾ ak dorongganenel. Ban nidyaʾ unubdaknenggunelya salek era, nadya ganya era hyak ingmuna berelenel.

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

LUKAS 3:16

Anasa wera, Yohanes Pembaptis bedya sikda nidyaʾ ak lebsuk ara, ”Nadya dara, wenera mek dem adya dalasin bok, eimik era hyak senenggomnya yanamla. Alja yan ongonaʾ eneba na meknya bedya dara, henga loboka gwiriwamenggom. Alja danyek, wera eimik era, ugunuk Imik Neyung Geisinya adya hnon, uk adya hnon, mek dibaʾ dabnesil.

YOHANES 1:33

Alak ella ubnenggusinya bok, mek adya dalalom aboka orugonyoknya bera nak wenyanyok, Geisinya yingginiboka bul yalyaʾ eibnelamnya bera, wera alja ugunuk Geisinya adya mek dibaʾ dalamnesilnya bera alan, henyok.

YOHANES 5:29

Dara, seleb somogorob nim era, sik dibsikaʾ ak ab embengaʾ suboka buknemak dara, pe unulumek bok somogorob nim era, embengaʾ ulunokaʾ aboka subnemak. Bok, malya ulumekaʾ ara somogorob nim era, igina dobnobaʾ aboka subnemak,” hyok.

RASUL 10:47

”Wera ugunda kendululum! Nuk men youmaʾ Imik Neyung adya Geisinya domoba sok, sikbabya dobakaʾ kendululum. Anasa wera, sikenek meka dabnesibya dara, yok nim edya, mem loblulum heneseng de?” hyok.

RASUL 13:3

Wera sikda gwanenga denggonggom heng uboka molowoka ubgogomekaʾ seleb dara, Barnabas beb, Saulus beb sikenek soruka salawoka heng uboka lebsikaʾ seleb dara, sikenek Imik Neyung yuba lero yibiruruk aboka bokosik.

RASUL 16:15

Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 16:33

Dara, al neik inimnek enyek, wera nimi henga gereksinaʾ dubnya bera, Paulus Silas ak doboka bo biniboka sikja eneng menengaʾ mek elegoka ubsuk. Dara, al dubnya beb, alja ek nimi nidyaʾ eb, wene salek enyek meka dabsik.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 23:6

Dara onoʾ Paulus bedya kemelemok enyek, anyagan ara yuba sanaʾ gak nang era, hnonda Saduki nang, hnonda Parisi nang hnon bulumekaʾ eiyisuk dara, Paulus bedya yana lelewanob aboka longomek nang ek lebok ara, ”Nadya hemyab o, nara Parisi nang yokaʾ uboka, Parisi nang edya beibnyek ak ulumna. Nak anyagan yana lelelenyak ara somoklomak nang era embengaʾ subnemak aboka dib senelenanya nenesa ulenyak,” aboka lelemok.

RASUL 24:15

Dara onoʾ, sik Yahudi nang adya Imik Neyung unuwanamla senelemak sok, naba neikik eimik era nimi embengaʾ ulumek ara somogorob nim era suboka embengaʾ buknemak senelamna. Nenyek dara, or perob ok ulumak nanga hnon, malya unaʾ unulumak nanga hnon, unuwanasil ara nara dib senelamna.

RASUL 24:21

Sikja dara, nak sam yokaʾ-yokaʾ lenenaʾ loboka, alda sikja lelemaknya nera ban nenyek ok dara, nara sumen yana lelewoka ulunyaknya nera, seleb somogorob nim era eimik onsok embengaʾ suboka buknemak aboka dib senelenanya nenesa leboka unyak amsa anasa, nenyek ok nak or yana lelewaneneseng,” hyok.

RASUL 24:25

Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.

RASUL 26:8

Ugunda Yahudi nang ak dara, Imik Neyung ara somogamna nim en embengaʾ bukullilisil bok anasa, hekasa ugunda unuwanggunumso senelelum do?” hyok.

RASUL 4:2

Sikda Petrus Yohanes adya, Yesus ara somoknaʾ damok al seleb suboka embengaʾ welewok aboka lelerek adya, nimi seleb somogamna nimi suboka welewanamak ak nekerek anasa, hyak yu ganya bomek.

RASUL 6:6

Dara, ban sekbadya nang era doboka obadya yuba lenaʾ gak nang ek, wera sekiyiwanamab nang era an aboka lebek dara, obadya nang edya, soruka sikenek diyiwoka, heng uboka molosik.

ROMA 2:16

Nadya perob lero yanggan yub lelemnaʾ sunuwoka, nimi ganya lomok yokaʾ-yokaʾ doknolomakaʾ ulusilaʾ nidyaʾ ara, Imik Neyung adya Kristus Yesus pik uboka yana lelewanesil sum era, banera unuwanamla.

1 KORINTUS 10:2

Sikda nidyaʾ ara, meneng bo balasuk debaʾ lomok ab, onoʾ goubuka balamek mek gwan eb dadya, Musa bedya mabo dangoka bo balasuk nim ek, meka daleng sok ubsuk.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

KOLOSE 2:12

Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.

2 TIMOTIUS 2:18

Sikda penya dara, perob yub ek ab seleb malya nenebdangoka mok darek. Wera sikja dara, nim embengaʾ suboka bun salek era, seleb yenewal wenyaro yabalarakaʾ adya, nimi yok nim ek hnon sikja dib senenaʾ ara seleb dolul meneklerak.

IBRANI 11:35

Dara nauba nim era, sikja nim era seleb embengaʾ subuka bukuldilimekaʾ anasa, sikda seleb saawoka doro yibik. Bok yok nim ek dara, sikda hyak embengaʾ subnanya perobnya nenyek dobnob senewekaʾ adya, sik nong ara iginaʾ doboka, or pe unaʾ ak dara dobnenggubek.

IBRANI 9:10

Anasa nimi ganya adya, masa denaʾ ab mek ab yokaʾ-yokaʾ adya geisa nenebdanobaʾ aboka unulumek ununaʾ era, or nim ek sam anasa unulumek. Nera unubgiga balamekaʾ ara, gobdo pe memesinaʾ salek dok dara, ban nim ek samnya nera angawok.

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.