IBRANI 6:1 - PERJANJIAN BARU NALCA YUBA

¹ Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

IBRANI 6:1 ပူးပေါင်းရင်းမြစ်များ

MATIUS 21:29

Bok me nera, Neyung, na lek, hyok. Bok onoʾ eimik era, angoo senewoka ganya dangawoka or wel byuk.

MATIUS 21:32

Dara, Yohanes bera Wenelesilnya bedya unu ulunok senelelanya nenyek nekel yousuk bok, alja neklesuk yub era ugunda dib senewanggulum. Bok mok soko amba rupiah molowoka dolomak nang eb, salyaʾ malya ura yabalamak gelewa eb danyek, sikenek dib senemek. Wera ugunja dara, sikda dib senemekaʾ ara hnon seleb henga eiyilum bok anaba, ugunda eib kwebnenggulumukanya, Imik Neyung ak dib senewanggulum,” hyok.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

MATIUS 7:25

Wera bera e girik dubuk sam pe gasa somokaʾ adya, mok ab, kaboʾ dorogoka, mek iliwoka bobok sum era, e nera luka mabnenggumok.

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

MARKUS 6:12

Wera an wenyaboka boksuk dara, sikda biniboka malya unaʾ ak ab ganya dangawolulum aboka yuba lero yabalamek.

LUKAS 6:48

Alja unaʾ era, nimi hnon e girik eilibek gasa darawoka somnaʾ anasoʾ ak ulumla. Benera alda soko lomok lok-lok aboka girik eilib yangawoka solomla. Dara moka bliboka mek ililamla dara, wera alda girik eilibek somnaʾ adya, e nera mel-mel anaʾ adya golol meneknenggulumla anasoʾ ak ulumla.

YOHANES 12:44

Dara, onoʾ Yesus adya laga sekoka bii aboka, ”Heknedya nak dib senelenel dara, alda nak ok dib senenggulunel bok, nak sokok bokol yeilinyoknya bek dib senelamla.

YOHANES 14:1

”Ugunda ganya mounduk-mounduk anggom. Imik Neyung ak dib senewomunukanya, onoʾ nak hnon dib senewonululum.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 26:20

Anasa wera, nara hyak yeiriwoka nimi yok nim ek, ugunja ganya dangawoka, onoʾ ugunja nong enyek, Imik Neyung ak dib ganya ologoka lebnalumukanya, ugunja ununaʾ adya, ganya dib dangamoub an beknaʾ era amalemnelum, aboka neklesisa. Wera lendara eibsa dara, Damsyik heik ab leb einiwoka, onoʾ eimik era Yerusalem heikek uboka, Yudea sokok ab ara, Yahudi nimi gom nim ulumak nim ek hnon, lero yabalamsa,” hyok.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

1 KORINTUS 13:10

Imik Neyung adya yokaʾ-yokaʾ nidyaʾ ara, perobaʾ ok nenewanamla sum yanamla dara, mek so meilinya nera hyak denghenemla.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

2 KORINTUS 7:1

Nadya wanaʾ ulusin nim o! Ban nidyaʾ unuwanasin hyokaʾ ara nuk lebsuk. Anasemba nunda al Imik Neyung ak lok ganya boboka, nunda al Imik Neyung amba gobdo geisaʾ perobaʾ anyek ulunob. Nunjaʾ ganya nonga malya nenelesil malya unaʾ nidyaʾ ara, dibaʾ loboka geisa nenebdanamab.

2 KORINTUS 7:10

Anasa, Imik Neyung adya perob senelamlaʾ angoo senen ganya bolomakaʾ ara, nimi ganya danganaʾ nenewoka, onoʾ nimi blebsinaʾ dangalamla. Dara, nim ara ganya en lanalamlaʾ amba dara, solom ganya bonggulumak. Bok, alda nimi soko nimi ganya adya ok, angoo senelemak dara, wera nenedya nimi somoknaʾ damoka lanalamla.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:5

wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

KOLOSE 3:14

Anya ban nidyaʾ amba dib nongnya nera, wanaʾ uldanaʾ anyek, neikaʾ hiboka munaʾ pe goublesilaʾ anyek, ganya enyek sobaʾ bololulum.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 TIMOTIUS 6:19

Wera sikda ban nenyek unulumeijaʾ adya, eimik danasa orowek munaʾ gobdo dobnemab senewoka sunuwoka beilimeijaʾ ara, an. Wera ban adya, sikda hyak dib embengaʾ ulmoubnaʾ ara dib dobnemak.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

IBRANI 11:6

Bok nim ara ganya dib senenaʾ orok dara, Imik Neyung ara perob senenggulusil. Wera anasa, heknedya Imik Neyung ak yanalanya bera, alda Imik Neyung ara aldib ulumla senewoka ulumlyekanya, alda nim Imik Neyung alak elemak nim era deknaʾ eleklesil senelelul.

IBRANI 12:13

Anya, geimdilimak nim era oro beibsilyek, alda merewanokaʾ aboka ugun yaban pik era pe meewoka yaralelulum.

IBRANI 7:11

Lewi nang yilaʾ yuba wa gak nang ulumek sum enyek, sik pik uboka unuwanalum an yub era Israeli nim ek ara, Imik Neyung adya elegosuk. Bok Lewi nang yilaʾ yuba wa gak nang ulumek bok, Imik Neyung wa anyek geisa wa bok pe wel daknenggulumekaʾ anasa leboka, yok yuba wa gaknya, Melkisedek be ulumok sonya benyek, Harun nang yilaʾ ak ab gom, alda yoknya bek elegosuk.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

YAKOBUS 1:4

Dara wera ugunja ban unu pe ganya siklewoka wen ululumnya nenedya, ugunda dib ganya kaboka, hnon mekaʾ dangoka unaʾ loboka, ulululumaʾ aboka, alda nauba danggiga balalulaʾ aboka, onoʾ pe diri ulululum.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.