IBRANI 5:7 - PERJANJIAN BARU NALCA YUBA

⁷ Yesus ara anam sokok an ulumok salek era, al nonga somoknaʾ ak ab blebnemoknya Imik Neyung bek, bii aboka engelemookanya, aralenelom aboka mololomok. Wera Imik Neyung ak hyak pe ganya sokok nenebdangoka giblemokaʾ adya, alja molonaʾ era Imik Neyung adya pe kelemok.

IBRANI 5:7 ပူးပေါင်းရင်းမြစ်များ

MATIUS 27:46

Dara onoʾ sin dangoka henga wekel bununaʾ aboka dalaloblamla wenyek, Yesus ara yuba nauba bii aboka, ”Eli, Eli, lama sabakhtani?” Nunja yub era, ”Nadyaʾ Imik Neyung o, nadyaʾ Imik Neyung o, hekasa nak gwab lobnelem do?” aboka bii alamok.

MATIUS 27:50

Dara onoʾ Yesus ara hyak nauba ebngalogoka ngeboka ganya dibaʾ dubhina dakoka somogok.

MARKUS 15:34

Wera ban salek era, Yesus ara naubaʾ bii aboka, ”Eloi, Eloi, lama sabakhtani?” wenyaboka bii alamok. Nunja yub edya dara, ”Nadyaʾ Imik Neyung o, nadyaʾ Imik Neyung o, anda hekasa nak lo yibinelem do?” alamok.

MARKUS 15:37

Dara, Yesus ara ebngalagoka lelemokaʾ ara, dubhina dakoka somogok.

LUKAS 23:46

Danyek Yesus ara senenggomaʾ ngeboka lebnemokaʾ, ”Neyung o! Anjaʾ soruk lomok sam nadyaʾ embengaʾ unaʾ ganya era, elekdan!” hyok. Seleb wenyabgogowok dara, alda somogok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 11:35

Dara, Yesus anaba engenaʾ salamok.

YOHANES 11:42

Nadya molonaʾ sobaʾ kelenelemaʾ ara, seleb ella ulunadyok, anyagan nimi nauba ulumaknya nenesa, anja anyagan yokaʾ unuwamenaʾ anyek eiyiboka, nak alda aldib Imik Neyung adya sokok bokol yeilimoknya dib senewananokaʾ aboka, or mololenggen,” hyok.

YOHANES 17:1

Wera Yesus ara ban nen seleb wenyabgogomok dara, imik sam keeb weininggoka, Imik Neyung ak lebokja, ”Neyung o, unun salek era wera seleb laga dal. Anasa, Neyung o, anja me nedya anak si imik nenewogululaʾ aboka, albabya alja si nenyek wen imik nenewalom.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

IBRANI 10:5

Ban nenesa leboka Kristus ara sokok sam yok sum era, Imik Neyung ak lebokaʾ ara, ”Anda pam ab yokaʾ-yokaʾ giboka eleklenjakaʾ ara perob senenggululam bok, alda nadya nong enyek doboka beiblum.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 2:14

Ban mab era nim ek ab mab anasa, Yesus anababya sik soʾ dookanya, sik nonga dobok. Anedya al somogokaʾ ara, alda somoknaʾ dub migibaʾ Iblis ak, hmengaʾ nong gebnunaʾ aboka unuwok.

1 YOHANES 4:3

Bok Yesus ara anaso aboka laga lenaʾ orok dara, ban ganya seininaʾ era Imik Neyung ak ab lananggulumla. Ban ganya seininaʾ era Kristus ak, isaʾ nenelemak seininaʾ ek ulusil. Hem yab o, ugunja yok seininaʾ sokok yanamla an yuba kelumaʾ ara, wera sokok an seleb yeiniboka ulumla.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.