IBRANI 5:14 - PERJANJIAN BARU NALCA YUBA

¹⁴ Bok gasa denaʾ ak dara, nimi ganya karob nim edya, sobaʾ sunuwoka eillilimakaʾ adya, nenera perobaʾ, nenera malyaʾ senewoka, ella dangalamak nim emba ulumla.

IBRANI 5:14 ပူးပေါင်းရင်းမြစ်များ

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

ROMA 14:1

Ganya dib senenaʾ hmengnya bek ara, aljinya leblenya nera keb loboka doblom.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

EPESUS 4:13

Wera anadya, nunda nidyaʾ ara neik hnonok dib senenaʾ dolulaʾ aboka hnon, Imik Neyung alja me nek pe ella ulunokaʾ aboka hnon, ganya kabnokaʾ aboka hnon, onoʾ Kristus adya pe ulumlaʾ anasoʾ anyek dangoka nebgiga balanokaʾ aboka hnon, elegousuk.

PILIPI 3:15

Nunda nidyaʾ Imik Neyung yuba domoubukanya, seleb ganya kalasil nim era, neik ganya enyek unu bobnemab. Bok ugun gangganek sam ara, nimi hnon yoko seinilemun dara, Imik Neyung adya ugunuk nek arawanasilaʾ.

1 TESALONIKA 5:21

Yokaʾ-yokaʾ nidyaʾ sunuwomunukanya, perobaʾ ok gasa salabmoubuka ulululum.

1 TIMOTIUS 4:7

Nimi ganya penaʾ orok yuba, salyaʾ hwam neknaʾ yub ek ab, mok nenewoka ululom. Na nong ara, Imik Neyung alsamba ok pe ulunun senewoka, an damnya sunuwoka pe ululom.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

YAKOBUS 3:2

Nunda nidyaʾ, hnon sum era malya ulumab. Bok alda yuba sanaʾ adya malya unaʾ hnon unggululanya bera, alda pe ganya kaboka ulumlakanya, al nonga nidyaʾ pe diri uldalamnamso.