IBRANI 5:11 - PERJANJIAN BARU NALCA YUBA

¹¹ Yesus ara senenggom yuba wa gaknya ulumlaʾ amba dara, nauba lebnesisinya bok, ugunda pe nidyaʾ olowoka ella danggunusom hogung ululumaʾ anasa, pe yana lelewoka lebnenggunusin.

IBRANI 5:11 ပူးပေါင်းရင်းမြစ်များ

MATIUS 13:15

Anasa ban nim enedya, ganya era seleb yugoma dangoka pika lebok, sikja o nera seleb ounugosuk, anya sikja heng bam ara seleb siklebdangamek. Unuwangguseng dara, sikja heng eiyiboka, sikja o nedya yuba keboka, anya sikja ganya edya ella dangoka, nak sam yeiliseng dara, nadya sikenek meriyiwanasisinya,” hyok.

MARKUS 8:21

Dara Yesus adya onoʾ hnon, ”Anasa wenebabya damok ara, ugunda anam ella unggululum de?” aboka heibsuk.

LUKAS 24:25

Dara Yesus adya sikenek lebnesukaʾ ara, ”Ugunda hyak dongdang anaʾ nang ek ulurum! Ununumnaʾ lelemek nang edya ugunuk nidyaʾ lesikaʾ ara, ugunda okoka berra ganya dib senenggulurum nang ek ulurum!

YOHANES 16:12

Nara yok-yok yuba nauba ugunuk lebnesisinya bok, wenyek dara, ugunuk hyak igin ubnesuso.

YOHANES 6:6

Yesus ban Pilipus bek wenhyokaʾ ara, gwaneng dekoka ununaʾ ara Yesus orowek ella ulumok bok anasa, Pilipus benyek sene hekaʾ hublul do? aboka lebok.)

RASUL 28:27

Anasa wera, Yahudi sokok nim era ganya buguma dok. Sikja o nera lebdangamek. Sikja heng ak dara, heng ubek. Bok, sikda unubdangguseng dara, sikja heng adya kemedeneseng, sikja o adya, or kebneseng, sikja ganya anababya pe ella daneseng. Ban adya, nak ganya dangawoka, nara sikenek meriyiwanesisinya bok, wenyamok,” hyok.

IBRANI 5:10

Imik Neyung adyaʾ anaba, Melkisedek bek yuba wa gaknya ulumok sok, Yesus anaba yuba wa gakaʾ dubnya ulumnamla aboka, laga sekiyiwok!

IBRANI 5:12

Wen era, ugunda yuba len nanga dangamnesom bok, nera ununaʾ orokaʾ anyek, alda Imik Neyung yuba doboka ganya kalamakaʾ damok ara, yok nim edya anam pe neknesiseng hogung ek ululum. Anya, ugunda gasa denaʾ lowoka, anam moum soub denaʾ ok delelum.

2 PETRUS 3:16

Paulus bedya nidyaʾ momnya beillilisilaʾ ak ara, alda nenyek wenyaro beillililesil. Alja beillililesilaʾ momnya donaʾ era, hnon yuba damok era ella danganaʾ okna so ulumla. Anya elgom ubsin yuba damok era, nimi yokaʾ-yokaʾ elgom ulumak nim eb, Imik Neyung ak dib ganya ologoka donaʾ orok nim edya dara, dangawoka malya nenebmenekoka lolomak. Sikja dongdang aboka meknewoka unulumaknya nenedya, onoʾ sik nong anaba meneng dongdang anaʾ enedya malya neneldalamak.