IBRANI 5:1 - PERJANJIAN BARU NALCA YUBA

¹ Anasa, sik yuba wa gakaʾ dub nang era, Imik Neyung ak ganya doboka eleknanya neb, malya unaʾ amba oboka molonanya neb dara, alja unulululaʾ aboka, nimi gangganek ab weboka, siksamba Imik Neyung ak ara alja yuba saboka unulululaʾ aboka sekillilimak.

IBRANI 5:1 ပူးပေါင်းရင်းမြစ်များ

ROMA 15:17

Anasa nara nadya Imik Neyung amba welemna wa nemba leboka, Kristus pik ab dara, nara or nonggo henesinya ok.

1 KORINTUS 15:3

Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

IBRANI 10:11

Yahudi nim edya yuba lenaʾ gak ulumek nang era, sob-sobaʾ saam-saam aboka Imik Neyung amba oboka beiri ulumek. Bok sikja ban giboka unu sobaʾ beillilemek beilinaʾ edya, nim adya malya unaʾ hyak doboka boboganggunusisonya nenyek unulumek.

IBRANI 10:12

Bok saawoka, ban yuba lenaʾ gaknya Kristus ara, alja nong anyek soko nimi malya unaʾ doboka boloklemnesin aboka, lika hnonok munaʾ elekdanggogobok dara, alda imik heikek welewoka Imik Neyung adyaʾ sirikek sam bukok.

IBRANI 11:4

Dara Habel bera, alja ganya dib senenaʾ adya Imik Neyung ak ara Kain bedya giboknya nek ab dara, loboka alda hyak perobnya nenyek elegoka gibok. Wera an pik enyek anyeb uboka, alda alak ara laga lenaʾ dobokaʾ ara alak danyek hyak pebok, anedya Imik Neyung ara alja giboknya nenyek perob senewookanya, alda ganya dib senemokaʾ nong adya, seleb somogomok bok, weneba sobaʾ alda unumok alamak.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 7:27

Nimi sirikaʾ bok, yuba wa gakaʾ dubnya bedya, sikja youmaʾ unumna malya unaʾ enesa, pam oboka uka dabnekanya, an nen seleb dara, onoʾ yok nimi malya unaʾ amba unulumek. Bok Yesus ara anaso gom. Alda al nonga beibdangoka somogokaʾ ara, li hnonok bok hyak sobaʾ dib nong amba munaʾ gobdo somogok.

IBRANI 8:3

Nimi yuba wa gakaʾ dubnya ulumnaʾ ara, yokaʾ-yokaʾ Imik Neyung ak bo beil biniboka, uka daboka giblimnamla aboka sekillilisak. Anasonya neikek, nunjaʾ yuba wa gakaʾ dubnya Yesus anaba, yokaʾ hnon Imik Neyung ak beiyiwoka eleganamso.

IBRANI 8:4

Yahudi nim emba unuwanalum an yub ek sam lelemlaʾ yuba sunuwoka, seleb welemak nang edya Imik Neyung ak ara yokaʾ-yokaʾ uka daboka memelemakaʾ anasa, Yesus ara sokok an anam ulumso dara, alda senenggom yuba wa gaknya danggunumso.

IBRANI 9:9

Ban sununaʾ era nu wen an ulumab salek enesa, beknaʾ dibaʾ ulumlaʾ ara, pam oboka eneng ab yok-yok masa bo beil biniboka giblemekaʾ ara, sik an unuruwaʾ bo beil yalamek nimi ganya lomok ulumok malya unaʾ doboka boloknenggulusuk beknaʾ era an ulumla.