IBRANI 4:11 - PERJANJIAN BARU NALCA YUBA

¹¹ Men nim edya keboka pe unaʾ orok adya sikda malyinggilimek sok, numba ben hnon unuwalyek aboka, Imik Neyung adya dek-deka sonaʾ ak weknobaʾ aboka, perob so pik era sobaʾ duboka elemnemab.

IBRANI 4:11 ပူးပေါင်းရင်းမြစ်များ

MATIUS 11:12

Yohanes bera alda anam yuba lelemok salek ebaʾ moruwoka, nim Imik Neyung wenesinaʾ ak ulumak nim era, yok senenggom nang dangoka ulunob senelemak nang edya malya nenewoka ol neblesak.

MATIUS 7:13

”Uka delesil e pik eb ban pik eb dara, sabaʾ nauba adya, nimi nauba ara pik enyek an balamakaʾ anasa, ugunda dogob nong pikek ab uboka wekel yalalulum.

LUKAS 13:24

Yesus adya saaboka lebokaʾ ara, ”Nimi nauba weknemab senewoka dubnemak bok, weknenggunumakaʾ anasa, ugunda mek pik weknemab senewoka yeiriwoka dulululum.

LUKAS 16:16

Musa bedya pe ulumnelum aboka unuwanalum an yuba elegesukaʾ ab, ununumnaʾ lelemek nang edya elegesik yub era, or lelemekaʾ ara, Yohanes Pembaptis be ulumok salek sidyaʾ ubdakok. Ban lebna salek ebaʾ moruwoka, Imik Neyung ara dubnya uboka wenelemnesil aro perob lero yanggan yub era, sobaʾ leldibilloklomak. Dara nim ara, Imik Neyung adya wenelemnesilaʾ ak weknob senewoka nauba dulumak.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

RASUL 26:19

”Anasa neyung dubnya o, nadya ban Imik Neyung ak ab heng eiyiwoka domsa anyek, dib senewoka bleknenggumsa.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

KOLOSE 3:6

Ban nidyaʾ ara, Imik Neyung adya yu ganya damok lanalamla.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 3:18

Sum enyek Imik Neyung adya laga dib unuwanamna hyokaʾ ara, ”Nadya deregoka pe dek-deka soboka ulumnaʾ ak ara, sikda hyak weknenggunumak,” hyokaʾ ara, Imik Neyung ara hek nim ek lebok do? Ban wenhyokaʾ ara, Imik Neyung ak gasa ganya boboka bleklemek nim ek lebnenggubuk de?

IBRANI 4:6

Perob yuba men kemek nim era, keboka pe ununaʾ orok adya, dek-deka sonaʾ ak ara, gigiwoka dobnenggubek. Wera anasa laga geknelamlaʾ ara, nimi hnon yok nim ek lunuwoka anyek an wekel binimak.

IBRANI 6:11

Ugunja ganya adya nebom aboka dobsibya senewoka diri ululumaʾ ara, eimik pe dobnelumaʾ anasa, nunja dara, ugun moumen anyek pe yeiriwoka welemunaʾ ara sidyaʾ daklul senen ganya bolosab.

2 PETRUS 2:6

Dara onoʾ nimi malya ulumak nim era, Imik Neyung adya dara, hekaʾ huboka yu ganya boboka olosilaʾ ara, ella danokaʾ aboka, Sodom Gomora heik ara uka daboka obsuk.