IBRANI 3:1 - PERJANJIAN BARU NALCA YUBA

¹ Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 3:1 ပူးပေါင်းရင်းမြစ်များ

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 20:21

Dara onoʾ, Yesus adya saaboka lebsukja, ”Maly, lok ganya bonggom. Neyung bedya nak sokok sam bokol yeilinyok sok, nadya ugunuk Imik Neyung yuba lero balalulum aboka boksin,” hyok.

YOHANES 20:27

Dara, Yesus adya, Thomas bek, ”Anja soruk era nak an dibmenekanya, nadya soruk ak an kendelom. Anda soruk okoka, nadya yaijaʾ lomok sam soruka doronggoka, wera nak ganya penya-penya loboka, alda wera nak dib senewanenelem,” hyok.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

ROMA 11:17

Anasa gal soruka wen seleb dibookanya, ugunda nong salyaʾ bongolamla gal enesoʾ anyek an seleb soboka makok dara, wera nidyaʾ hiboka Zaitun siligaʾ ok ulumla gal ak an maklum.

ROMA 15:27

Ban wenyan dara seleb unuwanamab aboka wenyarob dara, wera nera sikjinya nek ulumla. Dara yok mok soko nim era Yahudi nim edya perobaʾ ulusilaʾ ak ab seleb dorob anasa, dara sikba yok mok soko nim eneba Yahudi nim ek sokok an ulumla bonaʾ danedya arelemnemak ok.

ROMA 15:8

Ban nadya lebnanya nera ban nenyek lebna, Imik Neyung adya perob nenesinaʾ amba, Kristus ara nunja youmaʾ nang ek wenyalasukaʾ anyek sunuwoka unuwoununaʾ aboka, alda bolaʾ garan nang edya wa wenya seleb dok.

ROMA 9:24

Wera anera nunda an alja yoululum aboka ebsuk nang era Yahudi nang ok ek ab gom, alda ono yok-yok mok soko nim ek ab anaba weboka dobsuk. Anaso nunsamba unusuk dara, anano?

1 KORINTUS 10:17

Gwaneng ara hnonok bok, numbabya al hnonok gwanenga soboka delemabaʾ anasa, wera nun nong ara, nauba ulumab bok, hnonok nonga dangoka ulumab.

1 KORINTUS 9:23

Ban nidyaʾ nadya unulunanya nera, anadya Imik Neyung alja perob lero yanggan yub amba anasa, nababya perobaʾ donululaʾ aboka ulumna.

2 KORINTUS 1:7

Anasa, nuk igina kwelesilnya nenyek, onoʾ ugumba kwelesil sok, onoʾ nuk heknaʾ ganya eleklesilaʾ ara ugumba eleklesilaʾ ara ella ulumabaʾ anasa, ugunda pe ulumnulum senewoka ganya daboka ulumab.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

EPESUS 4:4

Imik Neyung adyaʾ perobaʾ ak ganya welenokaʾ aboka youbsukaʾ ara hnonok ulumla sok, nong ara hnonok ok ulumla, Geisinya bera hnonok ok ulumla.

PILIPI 3:14

Ban nenesa leboka, nak men sidyaʾ eini ulumlaʾ anyek, yeiriwoka dobnun senewoka dulumna. Dara, Imik Neyung adya Yesus Kristus lomok pik uboka nuk youbsukaʾ ara, imik heikek weknokaʾ aboka youbsukaʾ anasa, nara eleganesin senelesilnya nenyek dobnunaʾ aboka dulumna.

KOLOSE 1:12

Hnonda ban adya neyung bek, dilinaʾ pik balamak munaʾ Imik Neyung mab amba beibuknya nek dobneseng senen nang nenelesilnya benyek, ganya eiya daboka perob aboka giblemnelum.

KOLOSE 1:22

Bok wera Imik Neyung ara, Kristus adyaʾ nimi nong lomok somogok adya, ugunuk al saramek geisa uboka, gegena ponaʾ orokaʾ ak beibsulul aboka neikaʾ hiyiwousuk.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

1 TESALONIKA 5:27

Wenelesilnya si sibuka, ban momnya enera na kabo nimi nidyaʾ kebnokaʾ aboka, siksamba einiwolulumaʾ aboka orugeisin.

2 TESALONIKA 1:11

Ban nenesa leboka, ugunuk anaso unuwousululaʾ aboka, nunda ugunsamba sobaʾ heng uboka mololesab. Nunja ugunsamba heng uboka mololesabnya nera, ugun nong anyek Imik Neyung adya ugunuk youbosukaʾ anasa, anaso unu ubseng senelelanya nenyek, gigiwoka pe ululumaʾ aboka mololesab. Anasa wera, Imik Neyung adya ugunuk aralesilyaʾ adya, ugunja Kristus ak dib senemoub aboka welelum wa nidyaʾ ara, pe unulumunaʾ adya pebgiga balalulaʾ aboka, Imik Neyung migib adya ugunuk sam ak dara, alja senelamla sok gigiwoka unulusulul.

2 TESALONIKA 2:14

Ban nenesa leboka, nunja ugunuk perob lero yanggan yuba bo yeilisubaʾ pik uboka, Imik Neyung adya ugunuk youbsuk. Imik Neyung adya ugunuk youbsuknya nera, damok ara Yesus Kristus imik nenewanamak sum enyek, ugumbabya ugunja si imik nenewosunuk senewoka youbsuk.

1 TIMOTIUS 6:12

Anda Imik Neyung yuba donaʾ amba nimi mala yeiriwoka oldalamak sok, yeiriwoka amba unu welelom. Anda men danyek, nara yuba dib dobna aboka nimi nauba longomekaʾ gangganek ab pe laga lelumaʾ anasa, Imik Neyung adya anak youbunjokaʾ anasa, embengaʾ ulmoubnaʾ pik enyek salabmoublom.

1 TIMOTIUS 6:2

Neikaʾ uboka arawoka wa welemaknya bera, alda neik yuba donaʾanya bek dara, nunda neik Imik Neyung mab ulumab senewoka, or malye dolbalek neikaʾ anyaʾ senewoka mek so gibnenggunuseng. Sikja arawoka welemaknya bera, alda neikaʾ hiboka wanaʾ ulusilnya anasa, wera nun moumen benyek perob dangalalul senewoka nauba arawanaseng, wenyaboka anja nauba nekoka wenelemnesilim.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

2 TIMOTIUS 2:7

Ban nidyaʾ eini lebnanya nera, Wenelesilnya bedya anak anyek ella dolulaʾ aboka, migibaʾ eleganenggel bok anasa, anda hyak pe keboka senelwenelelom.

IBRANI 10:19

Wei, nadyaʾ hemyabo nim o, Yesus alja eneng adya ok, Imik Neyung adyaʾ hyak geisa nong ekla ek ara, asaʾ ganya boboka wekel binimab.

IBRANI 10:21

Anya nuk dara wera, senenggom yuba lenaʾ dubnya yak nim ek ulumabaʾ ara, anara Yesus nong ak ulumla. Dara Yesus ara alda Imik Neyung ek sam wa nusamba welesilnya be hnon ulumla.

IBRANI 10:23

Imik Neyung ara aldib alda bojamnya ulumlakanya, alja perobaʾ eleganesin hyokaʾ ara aldib eleganesilaʾ anasa, nunja aldib perobaʾ dobnemab aboka dib senen ganya boboka, nebom alamabaʾ ara gasa salalmoublenob.

IBRANI 13:22

Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

IBRANI 2:11

Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

IBRANI 7:28

Yahudi nim edyaʾ unuwanalum an yub edya dara, malya unaʾ hwam nim enyek, yuba wa gakaʾ dub nang ulumnelum aboka sekillilisuk. Bok eimik era, Yahudi nim emba unuwanalum an yub ek ab dara, Imik Neyung ara, alja me Yesus anyek, nimi blebsinaʾ dubnya ulumnamla bar aboka, Yesus ara senenggom yuba wa gaknya sobaʾ ulmorulumnamla bar aboka, laga unuwanamna aboka hyak munaʾ gobdo pe sekiyiwok.

IBRANI 9:11

Bok Kristus ara eimik yanamlaʾ perob yub emba, yuba wa gakaʾ dubnya benesoʾ ak seleb yok. Dara, alda luboka son e hyak naubukanya, munaʾ perobnya, nimi soruk adya songgulumaknya, nera an uyiwokaʾ ak ara unggululanya nera, seleb uru yibuk.

IBRANI 9:15

Wera anasa, men youmaʾ unuwanalum an yub ulumoka wenyek, nimi nauba malya dangoka igina kwelesuknya nek ab blebsununaʾ aboka, Kristus ara somogok. Dara wera, nimi nidyaʾ Imik Neyung adya youboka dolosil nim era, Imik Neyung adyaʾ denghenggunumla bonaʾ eleganesin amokaʾ anyek dobnokaʾ aboka, Kristus ara, wenyok unubdanamab yub ek nu an ulumab nim eb danasa hnoumunga wiknenanya ulumla.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 PETRUS 3:5

Ban neneso ununaʾ enedya youmaʾ Imik Neyung amba munaʾ ulumek gelewa dara, Imik Neyung ak hnonok ganya dib beiliwoka, sikja nenyab edya yuba pe keboka unulumekaʾ adya perob neneldalamek.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 18:20

Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.