IBRANI 2:9 - PERJANJIAN BARU NALCA YUBA

⁹ Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

IBRANI 2:9 ပူးပေါင်းရင်းမြစ်များ

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

MATIUS 6:28

”Ugunda hekasa boksom amba ganya eboka daldom-daldom alalum do? Ugunda beiyek sam moulumla perob sigil esaʾ enyek pe kendululum. Sigil esaʾ ara, alda hnon wa weboka, aklenga winggulumlaʾ ak ulumla,

MARKUS 9:1

Dara onoʾ Yesus adya hnon sikenek, ”Nara ugunuk dib lebsin! Ugun anyagan weklum nang era, Imik Neyung adya wenelemnesilnya nera, hnon anam somoganggumun bok, eibnelum nang ek hnon seklum,” hyok.

LUKAS 9:27

Nara ugunuk lebnesin, Ugun ban ublum nang enera, hnonda Imik Neyung adya wenelemnesilaʾ eibnenggumeija bok dara, somoganggunulum nanga hnon ululum,” hyok.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 10:17

Nadya nong anyek, saaboka dobnanabok, nim amba somoganesin senelamnaʾ anasa, nadyaʾ neyung nak wanaʾ nauba ulunel.

YOHANES 12:32

Bok nak dara, sokok anyek dara, imik nenewanelya dara, nimi nak gliboka eboka bo yanamna,” hyok.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

ROMA 5:18

Anasa neikso, be hnonoknya bedya meknenaʾ enesa, nimi nidyaʾ ara igina dobek sok, be hnonoknya bedya pe unuwoknya nedya, nimi nidyaʾ ara embengaʾ ulunob aboka perobaʾ nenenaʾ ara, dolomak.

ROMA 5:8

Anaso bok, nunda anam malya unaʾ bo ulumoub salek, Kristus ara nusamba seleb somogok pik uboka, Imik Neyung adya alja yadyek ulusilaʾ laga dangalamlaʾ ara an.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

ROMA 8:32

Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

2 KORINTUS 5:15

Nim embengaʾ ulumak nim ara, siksamba ok unggulumnemak bok, alda sikenek perob dosululaʾ aboka somogoka embengaʾ suboka bukiyiwok Kristus emba ulunokaʾ aboka, Kristus ara nimi nidyaʾ amba somogosuk.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

1 TIMOTIUS 2:6

Alda nimi nidyaʾ amba leboka sikja malya unaʾ ak blebsunun badya aboka, alja nong enyek leb elekdonunaʾ aboka, elegesuk. Dara nera, sum enyek unuweisinya senewoka orowek seinimok sum era, yenewoka laga dok dara, al nong elekdok.

IBRANI 1:9

Bleknaʾ hwam unaʾ ara lek senen ganya boboka perob jong unaʾ wanaʾ nong ululamaʾ anasa, Imik Neyung adya, anjaʾ neyung Imik Neyung adya dara, anjaʾ hemyab era mek so bok, anak weboka dobjookanya, ei-ei ganya bonaʾ anyek anak nauba elegajok,” hyok.

IBRANI 10:5

Ban nenesa leboka Kristus ara sokok sam yok sum era, Imik Neyung ak lebokaʾ ara, ”Anda pam ab yokaʾ-yokaʾ giboka eleklenjakaʾ ara perob senenggululam bok, alda nadya nong enyek doboka beiblum.

IBRANI 11:5

Dara Henokh bera alja ganya dib senenaʾ adya, alda somogalyek aboka Imik Neyung adya gamyakaʾ do welewokaʾ adya alda eibnenggubek. Anasa alda anam do welewanggom dara, alda Imik Neyung ak ganya hekellilemok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 2:7

Bok anda nim ek ara, lero ara imik nenewoka, nim ak dara, sokok nenewolum. Nim ek ara, alja si imik nenewoka, alja si nera gigiwoka,

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

IBRANI 8:3

Nimi yuba wa gakaʾ dubnya ulumnaʾ ara, yokaʾ-yokaʾ Imik Neyung ak bo beil biniboka, uka daboka giblimnamla aboka sekillilisak. Anasonya neikek, nunjaʾ yuba wa gakaʾ dubnya Yesus anaba, yokaʾ hnon Imik Neyung ak beiyiwoka eleganamso.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

WAHYU 19:12

Alja heng dok era, uk bokaʾ anaso singiwoka, alja hukuk ara, yokaʾ-yokaʾ ak oblamaganaʾ amba donaʾ ara gong uboka, al nongok ara, alak ok ella ulumla si nenyek, benyek an ulumok.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.