IBRANI 2:17 - PERJANJIAN BARU NALCA YUBA

¹⁷ Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 2:17 ပူးပေါင်းရင်းမြစ်များ

ROMA 15:17

Anasa nara nadya Imik Neyung amba welemna wa nemba leboka, Kristus pik ab dara, nara or nonggo henesinya ok.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

EPESUS 2:16

Dara, Kristus gal dubuk somogokaʾ adya, isaʾ ganya neneldalareknya nera denghyok. Onoʾ Yahudi nim eb Yahudi gom nim eb hnonok nonga nenewosuk dara, sik penya dara, Kristus somogokaʾ adya Imik Neyung ak sam hibsuukanya, isaʾ ganya neneldalarekanya nera denghyok.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

IBRANI 10:21

Anya nuk dara wera, senenggom yuba lenaʾ dubnya yak nim ek ulumabaʾ ara, anara Yesus nong ak ulumla. Dara Yesus ara alda Imik Neyung ek sam wa nusamba welesilnya be hnon ulumla.

IBRANI 2:11

Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

IBRANI 2:14

Ban mab era nim ek ab mab anasa, Yesus anababya sik soʾ dookanya, sik nonga dobok. Anedya al somogokaʾ ara, alda somoknaʾ dub migibaʾ Iblis ak, hmengaʾ nong gebnunaʾ aboka unuwok.

IBRANI 2:16

An unuwoknya nera, lero nang ek unuwanggubsuk bok, wera aldib alda nimi Abraham nang yilaʾ ak unuwousuk.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 3:2

Dara neik so, Musa bera Imik Neyung ek sam amba wa nidyaʾ ara, bojam ulumok sok, Yesus anaba alak weboka domoknya Imik Neyung amba bojam nong ulumok.

IBRANI 3:5

Musa bera Imik Neyung ek sam amba wa arawoka bojam uboka wenya ulumok. Ban bojam ulumoknya nera, eimik laga wenyhenemoknya nenesa leboka, unulumok.

IBRANI 4:14

Anasa wera, Imik Neyung saramek sam seleb byuknya, Imik Neyung bedya me Yesus ara, nunja senenggom yuba wa gakaʾ dubnya nunsamba ulusilaʾ anasa, nunda Imik Neyung yuba dib dobab amoubaʾ ak pe salabmouboka diri ubdanob.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!

IBRANI 5:1

Anasa, sik yuba wa gakaʾ dub nang era, Imik Neyung ak ganya doboka eleknanya neb, malya unaʾ amba oboka molonanya neb dara, alja unulululaʾ aboka, nimi gangganek ab weboka, siksamba Imik Neyung ak ara alja yuba saboka unulululaʾ aboka sekillilimak.

IBRANI 5:10

Imik Neyung adyaʾ anaba, Melkisedek bek yuba wa gaknya ulumok sok, Yesus anaba yuba wa gakaʾ dubnya ulumnamla aboka, laga sekiyiwok!

IBRANI 5:2

Albabya nim ak adya hmeng ulumlaʾ anasa, yuba wa gak nang ulumna nang era, nimi yokaʾ-yokaʾ elgom uboka, yokaʾ-yokaʾ adya geregoka meknelemak nang ek ara, namenaʾ pe ganya goluwoka aralesil.

IBRANI 5:5

Anasonya neikek Kristus anaba, alja ganya doboka nak gigiwanenokaʾ aboka yuba wa gakaʾ dubnya nenebdanggubuk bok, alda Imik Neyung adya ok ganya doboka senenggom yuba wa gakaʾ dubnya aboka sekiyiwok. Imik Neyung adya Yesus ak, ”Anda nadya me ululam, sumen enyek moruwoka nara anjaʾ neyung be dagen,” hyok.

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

IBRANI 7:28

Yahudi nim edyaʾ unuwanalum an yub edya dara, malya unaʾ hwam nim enyek, yuba wa gakaʾ dub nang ulumnelum aboka sekillilisuk. Bok eimik era, Yahudi nim emba unuwanalum an yub ek ab dara, Imik Neyung ara, alja me Yesus anyek, nimi blebsinaʾ dubnya ulumnamla bar aboka, Yesus ara senenggom yuba wa gaknya sobaʾ ulmorulumnamla bar aboka, laga unuwanamna aboka hyak munaʾ gobdo pe sekiyiwok.

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.

IBRANI 8:3

Nimi yuba wa gakaʾ dubnya ulumnaʾ ara, yokaʾ-yokaʾ Imik Neyung ak bo beil biniboka, uka daboka giblimnamla aboka sekillilisak. Anasonya neikek, nunjaʾ yuba wa gakaʾ dubnya Yesus anaba, yokaʾ hnon Imik Neyung ak beiyiwoka eleganamso.

IBRANI 9:11

Bok Kristus ara eimik yanamlaʾ perob yub emba, yuba wa gakaʾ dubnya benesoʾ ak seleb yok. Dara, alda luboka son e hyak naubukanya, munaʾ perobnya, nimi soruk adya songgulumaknya, nera an uyiwokaʾ ak ara unggululanya nera, seleb uru yibuk.