IBRANI 2:11 - PERJANJIAN BARU NALCA YUBA

¹¹ Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

IBRANI 2:11 ပူးပေါင်းရင်းမြစ်များ

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 28:10

Wenyek Yesus ara sikenek, ”Ugunda lok ganya bonaʾ mem. Sikda nak eibnenyakaʾ anasa, na kabo nang era Galilea sokok binokaʾ aboka, wenyal bulululum,” hyok.

MARKUS 3:34

Dara onoʾ Yesus alak aknewoka buk ganagamek nang ek keeb ganakdo lebsukaʾ ara, ”Wera nadya genong, nadya weisab era ban!

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

LUKAS 9:26

Nimi ben hnon nadya lelemna yub eb, nasamba danyek laga lenaʾ ara alya anasa lolonelnya bera, nimi dibaʾ me yanamla sum era, Imik Neyung Wenelesilnya bedya migib eb, geisa ulumak lero nang eb senenggomaʾ yanamak sum era, nababya alya anasa, benyek albabya alja si laga lenaʾ lobnamna.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

RASUL 17:26

Imik Neyung adya nimi hnonok uyimookanya, wera nimi nidyaʾ soko me nidyaʾ bokiyiwok, nidyaʾ soko deknewoka ulumnamak aboka unusuk. Al Imik Neyung adya nim ek sam, hek sum, sumen hanyagar ulumneseng ara, alja ok orowek seneiyisuk.

RASUL 17:28

Anasa nim adya hnon wenyalamak ara, Nunda embengaʾ uboka ebegoka, sokok an yabalamab ara alja migib edya ok ulumab, alamak. Anasonya neikik, youmaʾ ugunja nang bok urumnaʾ dolomek nang edya hnon lebek. Nunda nidyaʾ ara alja mabo yokaʾ nong ulumab aboka lebek,” hyok.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

IBRANI 10:14

Wera Kristus anyek alja nong elekdangoka somogoknya nenedya, malya unaʾ ak ab seleb geisa nenelesil nimi nidyaʾ ara lika hnonok sobaʾ amba aboka munaʾ gobdo perobaʾ nenewosuk.

IBRANI 11:16

Bok wenera sikda hyak perob heik hnonok ok ubsibya senelemakaʾ ara, imik heik ok ulumla. Anasa Imik Neyung ara ban hnonok heik era siksamba meewoka solosilaʾ anasa, Imik Neyung ak ara sikja Imik Neyung aboka si silimneseng dara, alda alya dabnenggunumso.

IBRANI 13:12

Dara Yesus anaba, alja nim era alja yokaʾ nong eneng edya, geisa nenewousununaʾ aboka dara, alda naubaʾ wekna pik beiyik sam igina gwekoka unuwok.

IBRANI 2:14

Ban mab era nim ek ab mab anasa, Yesus anababya sik soʾ dookanya, sik nonga dobok. Anedya al somogokaʾ ara, alda somoknaʾ dub migibaʾ Iblis ak, hmengaʾ nong gebnunaʾ aboka unuwok.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.