IBRANI 13:7 - PERJANJIAN BARU NALCA YUBA

⁷ Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.

IBRANI 13:7 ပူးပေါင်းရင်းမြစ်များ

MATIUS 24:45

Dara Yesus ara onoʾ hnon lebokaʾ ara, ”Wera anaso dara, wa arawoka wenya bera, heknyek geremseng uboka pe bojam ulumnamla do? Anedya perob sum dalya dara, wa damnya bedya nim ek denaʾ deb elegosululaʾ aboka, dubnya bera anasonya bek sekiyiwanamla.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

LUKAS 5:1

Dara onoʾ yok sum enyek, Yesus ara Genesaret mek gwan gek sam biniboka sekemok. Dara, nimi nauba Imik Neyung yuba kebnobaʾ aboka al nong ok sam obgokdangoka yalamek.

LUKAS 8:11

”Wera yinaʾ bo bolol bilimokaʾ sununaʾ damok ara ban: Yinaʾ ara Imik Neyung yuba.

RASUL 13:46

Bok Barnabas beb, Paulus beb dara, danyek nauba so asaʾ ganya boboka yeiriwoka lelerek. Dara sikja lelerek ara, ”Imik Neyung adya yub enera ugunuk men seleb leb eleganesiseng senelelabok, ugunda lek senewoka wekdo doroklolumukanya ugumba yok nunda dib embengaʾ ulmoubnaʾ era dobnenggunusibya senen ululum anasa, wera nunda ugun Yahudi nim ek loboka, yok sokok nim ek Imik Neyung yuba lebnom aboka balanam.

RASUL 14:23

Wera nim Imik Neyung yuba dib doboka, yuba sikba yok lebdangoka longolamna heik era, Imik Neyung yuba dam nanga doboka sekiyiwoka ubgiga yalarek. Dara, sikda gwanenga denaʾ loboka heng uboka, sekiyisirek nang ara sikja dib senemek Imik Neyung bek elegoka, ban nang enera anja wa welemnemak anasa, wenyaboka molowoka Imik Neyung yuba e dam nang sekillilisirek.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

ROMA 10:17

Wera anasa, Kristus yuba kenaʾ adya, ganya aldib senenaʾ damok ara an kelemak pik lanalamla.

1 KORINTUS 10:13

Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

1 KORINTUS 11:1

Nababya Kristus adya unulamlaʾ anyek, diliwoka ulumna sok, ugumbabya nadya unulunanya nenyek dililenululum e.

1 KORINTUS 4:16

Anasa wera, nadya ulumna sok diligaʾ doboka ulululumaʾ aboka, ugunuk dukaʾ lolom-lolom hesin.

PILIPI 3:17

Ugunda nadyaʾ hemyabo nim o! Ugunda nadya unulunanya nenyek dililenululum. Nunjaʾ perob unaʾ seleb elegesubaʾ anasa, nimi nidyaʾ nunjaʾ ununaʾ diliwoka unulumak nim enyek, ugunda pe kendululum.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

2 TESALONIKA 3:7

Nunda ugun gangganek sam ulumouba dara, wa wenaʾ ara hnon sulmalyaʾ unggulumouba. Anasa ugumbabya nunja wa yeiriwoka welemouba sok, nunja diligaʾ doboka wa moubuka welelulum.

2 TESALONIKA 3:9

Ban nunja nidyaʾ ugun gangganek anya, yeiriwoka wa welemoubnya nera, ugunuk an si akoka molowanggunusibya aboka ulumoubaʾ gomaʾ, alda nunja unuweibya enyek, ugumba nuk diliwoka unuwolulumaʾ aboka ulumouba.

1 TIMOTIUS 3:5

Nimi ben hnon, alja meneng mabo silibaʾ enyek pe bo unaʾ elgom dara, Imik Neyung yuba donaʾ nim ek dara, alda hekaʾ huboka bo ubnamso do?

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:24

Dara nunja perob aboka gibsabaʾ ara ugunja dub nanga nidyaʾ ak hnon, munaʾ perob nimi nidyaʾ ak hnon wenyhenelum. Anya ban nunjaʾ hemyab Italia sam ab gibsakaʾ ara pe dobnelum.

IBRANI 6:12

Nunja dara, ugunda sulmalyaʾ ganya bonaʾ ara mem. Nim Imik Neyung adya eleganesin amokaʾ ak dib senewoka, ganya siklewoka pe diri ulumeekanya domek nim ek ulumek sok, ugumbabya sik diligaʾ diliwoka pe ulululum senelemab.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.