IBRANI 13:5 - PERJANJIAN BARU NALCA YUBA

⁵ Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

IBRANI 13:5 ပူးပေါင်းရင်းမြစ်များ

MATIUS 6:19

”Sokok an nim adya hokaʾ doboka, mura gluboka gereremaʾ delemlaʾ ak an, perob bonaʾ nauba ugun dam nang amba beilinggom, mem.

MATIUS 6:25

”Anasa wera ugunuk banyek lebsin, Ugun nong unaʾ emba dara, ugunda ganya daldom-daldom anaʾ ara mem. Nera ugunda ongowanasomaʾ amba gom, ugun denesomaʾ amba leboka ganya daldom-daldom anggom, mem. Nimi nong unaʾ ara mek so bok, denaʾ ak dara, nauba perob so de? Goma, ongon akleng enyek perob so bok, nong anyek dara, malya so de?

MATIUS 6:34

Anasa wera, ampum amba dara, ganya daldom-daldom anaʾ ara yok ubnelabok anasa, ugunda ampum amba ganya daldom-daldom anggom, mem. Sumen ok malya nauba dangalalanya nera yok anasa, onoʾ ampum amba ganya hnon daldom-daldom anggulumnesibya,” hyok.

MARKUS 7:22

yok-yok bonaʾ uluneso ganya bolomak, yok-yok malya unaʾ ganya bolomak, nimi bobnenewoka sondaʾ lelemak, yok-yok malyinya nok unulumak, yok nim edyaʾ amba solom ganya bolomak, nimi derelemak, dengdang ganya bolomak, dongdang anaʾ ganya bolomak; ban malya unaʾ danyek lanalamla.

LUKAS 3:14

Dara onoʾ yin bonaʾ nang eneba alak heimekaʾ ara, ”Dara numbabya, hekaʾ hubnesibya do?” wenyaboka heimek. Wenyek, Yohanes Pembaptis bera sikenek lebsukaʾ ara, ”Ugunda salyaʾ bolowoka bleboka donggom, mem. Anya dangab eiliwoka yok nim ek sondaʾ anasa, dukaʾ lolowoka salyaʾ donggom mem. Alda ugunuk ugunjinya aboka eleklesak rupiah enyek, pe sunuwoka bo deregoka ululum,” hyok.

LUKAS 8:14

Alda giriknaʾ hnoum yama yinggilimok aboka sunuwoknya nera, nim Imik Neyung yuba kelemak bok, sokok un ganya eb, bonaʾ dubnya dangoka ulusinya ganya ab, ganya daldom-daldom anaʾ ganya eb dadya, yuba dolomlaʾ ara, seklama darab eleganakanya, perob doka mounggulusilnya nera an.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

1 KORINTUS 5:11

alda nadya lebsenya nera damok ara, ban nenesa lemsa. Alda sondaʾ anasa, nara Imik Neyung yuba donya aldalaladyok, onoʾ gela salanaʾ ganya hnon, hmabaʾ un ganya hnon, bisaʾ ak giboka, yok nanga salyaʾ miniwoka leboka, ganya uu alasil meka deregoka, meka lelewoka hokaʾ donaʾanya ululadyok anasa, ugunublaboka ubmunuk aboka, yuba sekleng sok lemsa. Sikeneb neikaʾ seʾ bukoka denaʾ anaba, hyak mem nong!

1 KORINTUS 6:10

Onoʾ hnon, hokaʾ dolomak nim eb, ganya oka delesil nim eb, yu meka deregoka ganya uu alamak nang eb, yok nimi si ak malya nenelemak nim eb, yokaʾ ak menengaʾ amba yaboka ol neblemak nim eb, ban nidyaʾ anaso unulwenelemak nim era, Imik Neyung wenesin heikek ara weknenggunumak.

2 KORINTUS 4:9

Nuk ol neblesak bok, hnon gwab losinaʾ anasoʾ ak unggulumab. Hnon oboka manallilisak bok, hnon dibaʾ soldenggulusil.

EPESUS 5:3

Ugun nong ak dara, munaʾ Imik Neyung mab ululumaʾ anasa, nimi yok nim edya ugunuk sikba malya ulumak henesijaʾ damoka giliwoka beibdoumunuk anasa, hmabaʾ ganya hnon, yok-yok malya unaʾ emba youmburaʾ debnaʾ hnon, gela salyaʾ salawoka, anaso malya ura yabanaʾ hnon ara, ugun gangganek sam ara mekaʾ unggulumnamla.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

YUDAS 1:11

Sikda hyak omom nongaʾ ak ulumak! Wera an unulumakaʾ ara, Kain bedya unumok malya unaʾ enyek, neik diligaʾ unulumak. Onoʾ, rupiah dobnob senewan dara, Bileam bedya umok diligaʾ doboka, dibum aboka malya ulumak. Hnonda, Korah bedya blekoka umok diligaʾ doboka, blekoka orok neneldalamak.