IBRANI 13:24 - PERJANJIAN BARU NALCA YUBA

²⁴ Dara nunja perob aboka gibsabaʾ ara ugunja dub nanga nidyaʾ ak hnon, munaʾ perob nimi nidyaʾ ak hnon wenyhenelum. Anya ban nunjaʾ hemyab Italia sam ab gibsakaʾ ara pe dobnelum.

IBRANI 13:24 ပူးပေါင်းရင်းမြစ်များ

RASUL 18:2

Dara anyagan ara, Paulus bera nimi Yahudi nanga ben hnon alja si nera Akwila, Pontus mok ebnya beb, ehwibdangarek. Akwila bera anam wenyokok Italia mok eb ara, alja gel Priskila geblaboka yeilirek. Sik nang penya era Korintus heikek yeilirek ara, Roma heikek dubnya Klaudius alameknya bedya Yahudi nang yokaʾ nong ara, nadya sokok anara nidyaʾ lo binimak aboka yaklesuk anasa yeilirek.

RASUL 27:1

Wera nunda mek ekla bunaʾ adya Italia sokok binimab aboka seleb wenyabgegemek dara, yok henga goubuka beiyisik nang eb, Paulus beb dara, Kaisar bedya yin bonaʾ nang dubnya si Yulius bek, anja bo binilam aboka alak elegemek.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

1 KORINTUS 16:16

Nara ugunuk ban men nang edya, unu pe welemaknya nenyek pe yeiriwoka welemak nang ek an, sikja yuba pe kelemnelum. Dara alak ok gom, alda nidyaʾ sik neik wa pe welemak nang, sikja yuba pe kelemnelum.

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

2 KORINTUS 13:13

Munaʾ Imik Neyung mab anyagan ulumak nim edya, ugunuk perob aboka gibsak.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

PILIPI 4:22

Munaʾ Imik Neyung mabo nidyaʾ heik enyek an ulumak nim edya, nauba so dib nong ara, Kaisar dubnya bedyaʾ ek welemak nim edya ugunuk perob aboka giboka lebsak.

KOLOSE 1:2

ugunda Kolose sam Imik Neyung amba geisa uboka, Kristus ak dib senelelum hemyabo nim emba beibsab. Nunja neyung Imik Neyung ak ab wanaʾ uboka eleksinaʾ ab, namen ganya unaʾ ab danyek, ugunjaʾ dangalalul.

PILEMON 1:5

Nera an nong anyek, Wenelesilnya Yesus ak dib senewoka ganya ologoka ulumlakanya, onoʾ nimi yok munaʾ Imik Neyung mab ak wanaʾ ulusil an yuba kelemnaʾ anasa perob aboka ansamba nauba mololenggen.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:7

Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.