IBRANI 13:17 - PERJANJIAN BARU NALCA YUBA

¹⁷ Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:17 ပူးပေါင်းရင်းမြစ်များ

LUKAS 16:2

Anasa dubnya bera rupiah beiyiboka memelemoknya bek e yeiniboka lebokja, hekaʾ ak nara ansamba yub era kemna do? Wenera nadya wa welenelemaʾ anyek, nara unu pe welemna aboka nidyaʾ lelewoka neknenelem. Anda sum enyek moruwoka eimik era, nadya rupiah salawoka bo unya unggulumnunelem, hyok.”

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

ROMA 14:12

Anasa, nunda yok-yok aljaʾ saramek sekoka, nara anasa-anasa unulamsa aboka al hogung ak laga wenyhenemab.

1 KORINTUS 16:16

Nara ugunuk ban men nang edya, unu pe welemaknya nenyek pe yeiriwoka welemak nang ek an, sikja yuba pe kelemnelum. Dara alak ok gom, alda nidyaʾ sik neik wa pe welemak nang, sikja yuba pe kelemnelum.

EPESUS 5:21

Ugunda Kristus ak lok ganya boboka, ugun moumen anaba ganya sokok nenebdangoka pe keldalalulum.

PILIPI 1:4

Nara ugun nidyaʾ amba leboka, sob-sobaʾ Imik Neyung ak molol yabasin dara, nara hyak eiya adya, perob ganya boboka mololesin.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

PILIPI 2:29

Anasa, ugunja dara, alak neik Imik Neyung mabo dangalamak nimi geknebaʾ uboka yanggeija dara, perobaʾ leboka doro dibsululum. Onoʾ hnonda anaso ganya bolomak nimi nidyaʾ ak wanaʾ ulululum.

PILIPI 3:18

Nara sobaʾ hnon ugunuk wenyalasisedyok, onoʾ nimi nauba ara sikja nong unaʾ era, Kristus gal dubuk somogokaʾ ara salyaʾ senewoka malya nenelemak. Bok, wen hnon engelamnakanya, ugunuk onoʾ saawoka lebsin.

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

2 TESALONIKA 3:14

Onoʾ eimik era, hnon nim edya dara, nunja ban momnya donaʾ lomok enyek an lebabnya nera hnon dib senewanggunumak dara, anaso unulumak nim era sikba alya dabsululaʾ aboka, ugunda nim enyek keeboka, sikenek neikaʾ unaʾ hyak mem.

1 TIMOTIUS 5:17

Ugun yuba dololumaʾ ak pe weboka bo usin nang ek ara, ugunja li penya so sikenek ganya hek elegoka gigilelulum. Nauba so ara, Imik Neyung yuba yeiriwoka nekoka, lel eleklesak nang enyek anaso pe unulululum.

IBRANI 13:24

Dara nunja perob aboka gibsabaʾ ara ugunja dub nanga nidyaʾ ak hnon, munaʾ perob nimi nidyaʾ ak hnon wenyhenelum. Anya ban nunjaʾ hemyab Italia sam ab gibsakaʾ ara pe dobnelum.

IBRANI 13:7

Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.

YAKOBUS 4:7

Anasa wera, ugunda Imik Neyung bek, nunja dubnya senewoka, pe kelemunukanya, Iblis bek mala bolomun dara, yeiri bindowanamla.

1 PETRUS 5:5

Dara onoʾ ugun anam goubenya ululum nang ek hnon lebnesin. Ugunjaʾ nauba so nim edya yuba pe kelelulum. Imik Neyung yub ek sam ara, ”Imik Neyung ara dengdang ganya bolomak nim ek lek senelesilikanya, sokok nenebdangoka ulumak nim ek wanaʾ ulusil,” aro momnya dobokaʾ anasa, ugunda nidyaʾ ara ganya sokok nenebdangoka pe kemeldalamnelum.