IBRANI 13:13 - PERJANJIAN BARU NALCA YUBA

¹³ Wera anasa, nunda alja alya daboka derenaʾ anyek dobnobaʾ aboka, alak sam e weilik beiyik binimab.

IBRANI 13:13 ပူးပေါင်းရင်းမြစ်များ

MATIUS 16:24

Dara onoʾ Yesus adya, alja yuba doro diriga ban nang ek, ”Nimi nak diriga yanenyak aboka dara, alak perob danasonya nera hibigalyekanya, aljaʾ igin yakaʾ doboka, nak diriga yalanulul.

MATIUS 27:32

Dara Yesus oboka dibnobaʾ bo bek salek, Kirene mok ebnya alja si Simon bek eibek. Dara sikda benyek an dukaʾ lolom-lolom aboka, Yesus adya oboka glabnemek gal era, alak boblom aboka boyiwek.

MATIUS 5:11

”Ugunda nasamba leboka yok nim edya ugunuk malya nenewoka, oboka, derewoka walasak dara, ugunda pe ululum.

LUKAS 6:22

Nimi dibaʾ me nemba leboka, sikda ugunuk walamnesak, hnonda bisaʾ si ak geklewoka derelemnesak, hnonda malya nenewoka di songa leboka walasija dara, wera pe ululum.

LUKAS 9:23

Dara alda sik nidyaʾ ak, ”Nak diriga yanalenya bera, alak perob danamsoʾ digum ara loboka, li sobaʾ aljaʾ igin yakaʾ doboka, nak diriga yalanulul.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

2 KORINTUS 12:10

Anasa nak dara, hmenga dangalanel dara, perob senelamna. Nara hmeng ubnen salek enyek, onoʾ migib ulumnaʾ anasa, Kristus amba leboka hmeng ulumna gom, igin kwelenel gom, okna ulunel gom, ol neblenyak gom, lebelmoublenel gom dara, pelenel senewoka eiya dablenel.

IBRANI 11:26

Alja ganya seininaʾ era deknaʾ donaʾ anyek mamokaʾ adya, alda Mesir mok soko nidyaʾ perobaʾ digum ak ab dara, Kristus anasa leboka derelesaknya nenyek hyak senenggomaʾ perob bonaʾ senelemok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 12:3

Dara ugunda hmenga dangoka ganya obdoumunuk aboka, alda al nong anyek malya unaʾ nim ek ab derenaʾ anyek or wenyalanenok senewoka doboknya bek, anyek hyak sobaʾ beklelulum.

IBRANI 12:4

Anya ugunda malya unaʾ ab oldalalumuk ara, ugunja eneng hnon lananggulusil.

1 PETRUS 4:4

Wenyek dara, ugunuk ara yuba donaʾ orok nim edya dara, lok anasa ngoluklesak. Nera ugunja youmaʾ nong unaʾ enyek, malya ura un nong unaʾ enyek orokaʾ anyek eililesakaʾ anasa lelesak. Ban nenesa leboka wera ugunuk ara sikja dara walasak.