IBRANI 12:9 - PERJANJIAN BARU NALCA YUBA

⁹ Dara nunjaʾ neyung be yokaʾ nong ok ab ban wenenaʾ ara dolomabakanya, sikda nunja dara, nunjaʾ neyung yab senelemab. Wera anaso dara, nunda embengaʾ dobnemab aboka dara, ganya bo usinnya neyung bek ara hyak pe keboka ganya ologoka ulumnamab.

IBRANI 12:9 ပူးပေါင်းရင်းမြစ်များ

LUKAS 18:2

Anya Yesus adya dara, ”Nauba heikek hnon, nimi yana lelesinaʾ dubnya ben hnon alda Imik Neyung ak lok ganya bonaʾ oroknya bek ulumookanya, nim ek anaba perobaʾ leboka unggulusuk.

LUKAS 18:4

Men salek yana lelesinaʾ dubnya bedya dara, arawanggunumna senewoka lomok. Bok eimik era, alda seiniwokaʾ ara, Imik Neyung ak lok unggulumna, nim ek anaba perobaʾ lenggulusin bok,

YOHANES 3:6

Nimi nong ak dara, nim adya beillilimak bok, ganya ak dara, Imik Neyung Geisinya adya beillilisil.

RASUL 2:30

Imik Neyung adya orowek seleb poboka, Daud be pik uboka an nang yilaʾ gangganek ab, Imik Neyung adya dubnya hnon sekiyiwanamla aboka leb elegemok. Daud bera alda ununumnaʾ lenya ulumok adya, Imik Neyung adya alak dib unuwanamna amokaʾ ara, eimik era dib unuwanamla senewoka ella uboka diri ulumok.

ROMA 1:3

Alja me nek dara, nim ek sam dara, Daud nang yilaʾ ak ab beibek;

ROMA 9:3

Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

YAKOBUS 4:10

Ugunda Wenelesilnya bek ganya sokok nenebdangoka ulululum, dara alda ugunuk imik nenewanasil.

YAKOBUS 4:7

Anasa wera, ugunda Imik Neyung bek, nunja dubnya senewoka, pe kelemunukanya, Iblis bek mala bolomun dara, yeiri bindowanamla.

1 PETRUS 5:6

Anasa wera, Imik Neyung adyaʾ migib soruk dam ak sam ganya sokok nenebdangoka ulululum. Dara, imik nenewanasil sum era, ugunda imik nenewanasil.

WAHYU 22:6

Dara onoʾ an lero era nak hnon lebnyokaʾ ara, ”Ban lebna yub danera, hyak dib nongokanya, ganya beilimnaʾ nong yub ek ulumla. Anya Wenelesilnya Imik Neyung bera, ununumnaʾ lelemek nang, sikja Wenelesilnya benyaʾ, alja lero ek Imik Neyung bedya mab ek eimik unuwanamlaʾ anyek, sikenek ella danokaʾ aboka, laga neksulul aboka nak oruganyok,” wenyhenyok.