IBRANI 12:3 - PERJANJIAN BARU NALCA YUBA

³ Dara ugunda hmenga dangoka ganya obdoumunuk aboka, alda al nong anyek malya unaʾ nim ek ab derenaʾ anyek or wenyalanenok senewoka doboknya bek, anyek hyak sobaʾ beklelulum.

IBRANI 12:3 ပူးပေါင်းရင်းမြစ်များ

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.

MATIUS 12:24

Wera wenyan yub enyek, Parisi nim edya keboka sikja dara, ”Ban benera bisaʾ dubnya Beelzebul bedya unulumnelam aboka alja migib elegokaʾ adya, bisaʾ arobaʾ yakoka ulusil,” aboka lelemek.

MATIUS 15:2

”Hekasa anja yuba doro diriga ban nang era, sikda nunjaʾ youmaʾ nim edya ununaʾ era blekoka ulumak do? Sikda denemna dara, soruk mek eleganggonggom delemak!” hyek.

MATIUS 21:23

Wera Yesus ara, Wenelesilnya bedyaʾ e eremek sam wekoka anyagan yuba anam neklesuk salek bok, Imik Neyung yuba wa gakaʾ dub nang eb, Yahudi dub nang eb dara yeiniboka, ”Ban nidyaʾ unululamaʾ ara, hek migib damok edya ululam do? Goma heknedya anaso unululom aboka wa nen elegajok do?” aboka heibek.

MATIUS 21:46

Anasa sikda Yesus ak, salawoka henga goubnobaʾ aboka ubek bok, nimi nidyaʾ ara, Yesus ak senenggom ununumnaʾ lelelanya ulumla senelemeknya nenesa, unuwanamab senemek ganya era, nuk obsijek senewoka, lok anasa lomek.

MATIUS 22:15

Wera Parisi nim era, Yesus ak hekaʾ huboka sunuwoka henga weboka youbnobaʾ aboka, sene yana benel byik.

LUKAS 14:1

Yok Sabat mem sum enyek, Yesus ara Parisinya bedya ek del bilimok. Anyagan anyeb dara, sikda Yesus ak pe maka meiboka kemelemek.

LUKAS 15:2

Wenyek Parisi nang eb, Yahudi yuba neksin nang eb dara, omoma lelemek. ”Wei, ban benera malya nang enyek, yoululum aboka leboka, denaʾ anaba sikeneb neikaʾ delemak!” aboka lelemek.

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

LUKAS 5:21

Dara wenyek, Yahudi nang eb, sikja Imik Neyung yuba neksin nang eb dara, sik moumen seiniwoka leldalamekja, ”Ban benera alda Imik Neyung si ak malya nenelamlaʾ anasa, alda heknya do? Imik Neyung ak hnonok malya unaʾ doboka boboganasuso bok anasa, nim ak dara, sikenek ab meewanggunuseng bok bar,” alamek.

YOHANES 10:20

Nimi nauba wenyalamekaʾ ara, ”Ban wenyalalanya nera bisaʾ gologoka serema salalamlaʾ anasa, hekasa ugunda alak kelelum do?” aboka lelemek.

YOHANES 18:22

Yesus adya Yahudi yuba wa gakaʾ dubnya bek wenyaboka laga lelemok enyek, yin bonaʾanya hnon, ok berem seklemokaʾ ara, yuba wa gakaʾ dubnya bek anaso wenyanaʾ ara mem aboka, Yesus ak waboka omok.

YOHANES 5:16

Anasa leboka, Yahudi nang edya dara, Yesus ara Sabat mem sum bok, nimi hwemokaʾ anasa, alak obnobaʾ aboka dub einimek.

YOHANES 7:12

Dara, ban perob sum enyek, Yesus amba o lomok yuba nauba saro yabalameekanya, hnon nim edya dara, ”Alda perobnya,” alamek. Bok onoʾ hnon nim edya dara, ”Orok, alda nimi malya nenewoka sondaʾ amba bobnenewoka lelesilnya,” alamek.

YOHANES 8:13

Dara, Parisi nang adya Yesus ak lebekja, ”Anja unululamaʾ ak ara, an damnya bedya ok leldalalamaʾ anasa, ban yuba dib senewanggunenjab,” hyek.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

YOHANES 8:59

Banyek kemek dara, alak obnobaʾ aboka girika dol yabek bok, Yesus ara dengaboka Imik Neyung ek sam ab loboka byuk.

YOHANES 9:40

Hnon neikaʾ ulumek Parisi nang edya ban lebokaʾ kebek dara sikja, ”Dara, ban wenyalalamaʾ anasa, numbabya heng ubsuk de?” hyek.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

2 KORINTUS 4:1

Imik Neyung adya nuk angoo yadyek senewoka namen ubsukaʾ adya, ban wa nenera doboka welemab. Nenesa leboka, nunda okna bar aboka hmeng ganya bonggulumab.

2 KORINTUS 4:16

Ban anasa, nunda okna bar aboka hmeng ganya boboka unggulumab. Aldib nunja eilibik bokaʾ ak dara, blobgiga balalabok, ganya lomok ak dara, li sob-soba migib nenebgiga balasil.

GALATIA 6:9

Nunda hmenga danggusilyebok dara, alja suma dalya dara, doka daknamabaʾ anasa, perob unulumab salek era, nauba unulamna senewoka sulmalya ganya boboka bulugul longgom, mem.

2 TESALONIKA 3:13

Bok neik perobaʾ ok sobaʾ unubgiga balamabaʾ lek ganya bonaʾ ara hyak mem.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 12:5

Wera ugunuk wenesin yub enyek, mek mab ek weneleng sok lelemla yub era, ”Wei, najab o, anda Imik Neyung adya nekoka wenelenggelaʾ ara dolbalekaʾ senenggom mem. Anya, alja omoma leboka wenyalanggel dara, anda ganya oldanggom, mem.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

1 PETRUS 2:23

Al nong ak derewoka walamek sum era, alja sikba dirigoka wabnenggubsuk. Alda igina kweboka gweklemok sum era, hekasa ulunulum aboka dirigoka obnesin wenyhenggubsuk. Alda alja nong unaʾ era, Imik Neyung pe sunuwoka unulusilnya bek elegok.

WAHYU 2:3

Anda nadya si amba leboka, igina kwelesilaʾ anaba siklewoka ululumukanya, hmengaʾ danggiga banggululam.”