IBRANI 12:29 - PERJANJIAN BARU NALCA YUBA

²⁹ Nera nunja Imik Neyung era, momnyanga wouluwoka delemla uk ek ulumlaʾ anasa, unu giblenob.

IBRANI 12:29 ပူးပေါင်းရင်းမြစ်များ

2 KORINTUS 5:11

Imik Neyung ak lok ulumak an damok era, nunda seleb ella ulumabaʾ anasa, yok nim ek ara dukaʾ lolom-lolom aboka lelemab. Imik Neyung ara nunjaʾ ganya lomok anaba hyak nidyaʾ olowoka ella ulusil, onoʾ ugunjaʾ anaba nunja ganya ek ara ella ubsinok senelamna.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

2 TESALONIKA 1:8

dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

IBRANI 10:27

Sene sobaʾ malya ubdidiganamab dara, Imik Neyung ara yana lelewoka, alak isaʾ nenelemak nim ek uka dabnesil senenaʾ ak ok hnonok ulumla.

IBRANI 10:31

Dara nunda Imik Neyung hyak senenggomaʾ embengaʾ ululanya bedya soruk ak sam obnesilaʾ ak sam anyek danamabnya nera, hyak omom nongaʾ ak ulumab.

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.