IBRANI 12:27 - PERJANJIAN BARU NALCA YUBA

²⁷ Dara ban ”liga hnon sum enyek” hyoknya nera, yokaʾ-yokaʾ uyiwokaʾ ara, borom-borom henelanya nera, yok-yok dangdo binimla bok, borom-borom henggunulanya nek ok sobaʾ ulumnamla.

IBRANI 12:27 ပူးပေါင်းရင်းမြစ်များ

MATIUS 24:35

Anya, im ab soko ab dara, dengaro lobnalabok, nadya yub ek dara, dengaro lobnenggunumla,” hyok.

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

ROMA 8:21

Bok ban ganya wenaʾ adyok, sikba embengaʾ ulumakaʾ ara eimik era, somokna wa wenaʾ ak ab ara blebnesil anasa, Imik Neyung mab adya blebeldanaʾ senenggomaʾ perobaʾ ak weknemak.

1 KORINTUS 7:31

Sokok an wen ulumlaʾ eillililum ara, mek anam denghenelabok anasa, sokok an yokaʾ-yokaʾ unululumnya nenyek, salyaʾ so boboka lololumnya neneso ulululum.

IBRANI 1:10

Dara onoʾ Imik Neyung adya hnon lebokaʾ ara, ”Wei, Wenelesilimnya o, men dara, soko nidyaʾ ara anja uyiwoka, onoʾ im anaba ambeyok uyiwoulum.

IBRANI 13:14

Anasa nunda anyek anara nunda dibaʾ un heik era unggulumla, bok nunda eimik yanamla heik enyek elemab.

IBRANI 9:11

Bok Kristus ara eimik yanamlaʾ perob yub emba, yuba wa gakaʾ dubnya benesoʾ ak seleb yok. Dara, alda luboka son e hyak naubukanya, munaʾ perobnya, nimi soruk adya songgulumaknya, nera an uyiwokaʾ ak ara unggululanya nera, seleb uru yibuk.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 21:1

Dara onoʾ, men im eb men soko eb dara, orok dengaboka, youmaʾ mek gwan eneba nidyaʾ hiboka denghyokaʾ adya, nara wenyok im eb wenyok soko eb danyek eibsa.

WAHYU 21:4

Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.

WAHYU 21:5

Dara onoʾ al ekla bunaʾ ak bukumoknya bedya, ”Yokaʾ-yokaʾ nidyaʾ ara, gobdo wenyoknya nenewanaʾ ara, kendelom!” hyok. Dara onoʾ hnon nak, ”Ban yub enera hyak dib nongaʾ uboka, alda dib senewanamak yub ek anasa, anda or momnya dobnelam,” wenyaboka lebnyok.