IBRANI 12:25 - PERJANJIAN BARU NALCA YUBA

²⁵ Dara ugunda ban yuba leboknya bek lobmunuk aboka pe keboka unulululum. An nenera sik alak sokok an Imik Neyung yuba leboknya benyek lomek dara, sikda hyak merewanggumek. Anasa nunda wanok, nunda alak imik heik ab yuba salalanya bek lobnemab dara, merewanggunumab.

IBRANI 12:25 ပူးပေါင်းရင်းမြစ်များ

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 8:4

Dara onoʾ Yesus adya benyek an, ”Wei, neyung o! Yok nim ek nara unuwanel aboka nekdo yabanaʾ ara mem. Bok alda Imik Neyung yuba lenaʾ gaknya bek amal dal bilom. Anya, anda aldib merewalamaʾ amba dara, Musa bedya unulululum aboka momnya dobok sok sunuwoka, Imik Neyung amba giboka elegel binilam,” hyok.

RASUL 7:35

”Musa al ban Musa benyek Israeli nimi nong edya alak, Heknedya nuk bo uboka, yana lelesilom aboka sekiyinjok do aboka wekdo dorogomekaʾ onnya bedya al nenesa leboka unumek bok, onoʾ alja Imik Neyung lero adya gal donggalek sam yeiniboka, bo usinya uboka blebsinya nenewoka Imik Neyung adya Mesir sokok bokol bilimok.

1 TESALONIKA 5:15

Malya ubnyok senewoka, onoʾ saawoka albabya diriganamna seneweijek aboka, pe kemero ulumnelum bok, ugun dam nang ak hnon, perob dolulaʾ aboka unulumunjok onoʾ nimi yok nim ek hnon, perob ok unulumnalum.

2 TIMOTIUS 4:4

Sikenek dara, nimi pe jong ulumak yub ek dara, kebibyek aboka o pika lebeldalamnamak bok, salyaʾ malya hwam yub ek sam ara, or pe kelenob senewoka o bakoka kelemnemak.

IBRANI 1:1

Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

IBRANI 12:19

poo anaʾ benggong yub ak hnon, anya hyak naubaʾ meijal lelemokaʾ adya, sik kelemek nim era hnon wenyhemenek alamek yub ek hnon yangganggululum.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 3:17

Anya, hek nim ek denga hnonok uboka ebdobnya meikbadya gibnaʾ Imik Neyung ara yu ganya bobmorusuk do? Nimi nidyaʾ malya ura balameekanya, onoʾ hwalek sam salyaʾ somokdo balamek nim ek gom de?

IBRANI 8:5

Yuba wa gak nang edya welemek Imik Neyung wa nera, imik heikek sam ulumla wa nenesa, sununaʾ dibaʾ ak welemak. Dara, yuba damok enera, Musa bedya pam bokaʾ e sobnunaʾ aboka ul yabok sum enyek, Imik Neyung adya Musa bek ara, ”Anda pe beknelam! Anja nidyaʾ unuwanalamaʾ ara, Sinai meinik ab nadya anaso-anaso unuwanalam aboka nekenggesa sok pe unuwanalam,” hyokaʾ ara ban nenesa lebok.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 22:9

alda nak lebokja, ”Anaso ununggom, mem! Nara an soʾ ak uboka, anjaʾ hemyab ununumnaʾ lelemek nanga hnon, onoʾ nimi nidyaʾ ban buku enyek an momnya dobok yub ek dib senewoka ulumak nang enesonya. Alda Imik Neyung ak ok hnonok gibnelam!” hyok.