IBRANI 12:2 - PERJANJIAN BARU NALCA YUBA

² Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 12:2 ပူးပေါင်းရင်းမြစ်များ

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MARKUS 14:36

Alja mololomokaʾ ara, ”Neyung o, wei, neyung o, anda yokaʾ-yokaʾ ak dara, unuwanasomaʾ ok. Ban mek hmeiya ara, nak anyeb dobnelam bok, nadya ganya edya anaso unuwanaso senenenya nek unuwalyek, alda anja senemenya nenyek or unuwonulul,” aboka mololomok.

MARKUS 15:28

Ban unuweknya nera, yuba bukuk sam men lero momnya dobokaʾ ara, ”Alda hiboka malya unaʾ nim aboka einiwanamak,” hyoknya nenyek gigiwolulaʾ aboka ubek.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

MARKUS 9:12

Dara, Yesus adya sikenek lebokaʾ ara, ”Elia bera aldib men yanamlakanya, yokaʾ-yokaʾ memewanamla. Bok nimi dibaʾ me nera, nim adya alak nauba igina kweboka derewoka wabnamak aro momnya doboknya neneno?

MARKUS 9:24

Dara me damnya benedya bii al yabokaʾ ara, ”Nara dib senewan! Bok alda dib senewoka ganya oloknaʾ anyek mek anasa, nauba dib senewoka ganya ologonunaʾ aboka, nak arawanenelem!” hyok.

LUKAS 17:5

Yuba lenaʾ gak nang edya Wenelesilnya Yesus ak, ”Wenelesilimnya o, nunja dib senenaʾ anyek, gasa nenewoka migibaʾ gebsilom,” hyek.

LUKAS 23:11

Dara, Herodes beb, alja yin bonaʾ dub nang eb dadya, Yesus ak hyak nauba eirigala nenewoka malya uboka saboka oboka, nauba derewoka walamekaʾ ara, sene dub nang akleng ongiyiwok dara, onoʾ Pilatus dubnya bek onsok saaboka bo bulululum aboka orugusuk.

LUKAS 24:26

Kristus, nimi blebsinaʾ dubnya bera, men dara, hyak nauba igina kweboka gweknamlakanya, eimik era alda imik senenggomnya dubnya nenewanamla henggubuk de?” hyok.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 12:24

Nara ugunuk dib lebsin, gandum dok okoka sokok malyingginiboka blonaʾ orok dara, wera doka hnon ulmoublumnamso bok, soko lomok bloblya dara, yok doka nauba mengewoka gong liklamla.

YOHANES 12:32

Bok nak dara, sokok anyek dara, imik nenewanelya dara, nimi nak gliboka eboka bo yanamna,” hyok.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 8:56

Ugunjaʾ neyung Abraham bera, nadya sum eimik yenewanamlaʾ eibnamnaʾ anyekaʾ aboka, alda hyak ei-ei ganya bolomok. Wera anasa, eimik seleb eibuk dara, hyak eiya dabok,” hyok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

1 KORINTUS 1:18

Anasa, somoganobaʾ aboka uk hinik anam balamak nim edya dara, Kristus gal ak somogok yub era, salyaʾ lelemaʾ senelemak. Bok, nunda Imik Neyung adya blebsuk nim edya dara, Kristus somogok yub ara, Imik Neyung migib ara alan, senelemab.

1 KORINTUS 1:23

Bok nuk dara, Kristus gal ak glaboka somogok yub ek lero yabalemab. Dara, Kristus gal dubuk somogok yub era, Yahudi nim ek dara, ganya suguwoka lek senelemak. Bok Yahudi gom nim ek dara, salyaʾ so yuba senewoka dolbaleka dablesil.

EPESUS 2:16

Dara, Kristus gal dubuk somogokaʾ adya, isaʾ ganya neneldalareknya nera denghyok. Onoʾ Yahudi nim eb Yahudi gom nim eb hnonok nonga nenewosuk dara, sik penya dara, Kristus somogokaʾ adya Imik Neyung ak sam hibsuukanya, isaʾ ganya neneldalarekanya nera denghyok.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

PILIPI 1:6

Wera Imik Neyung adya albeyok ganya doboka, aljaʾ perob wa nong enera ugun gangganek an web einimokaʾ ara, onoʾ welmorulamlyaʾ ara, Yesus Kristus yanamla sum ek loboka webdaknamlaʾ anyaʾ senewoka, an nong ak hnonok dib senelamna.

PILIPI 3:20

Bok nuk dara, imik heikek ab nim ek ulumab. Dara, al neik heikek ab nunjaʾ nimi blebsinaʾ dubnya Wenelesilnya Yesus Kristus ara eimik yanamla. Al nong anyek nunja dara, wera eibsibya senewoka diri ulumab.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 1:13

Ban nidyaʾ alja me nek lemok bok, Imik Neyung adya dara, yok lero ek ara, ”Anda nadya sirik soruk ak sam buknelam dara, anjaʾ isaʾ nang era anja yan damak beil yanamna dara, anja yan doroknaʾ gebnalam,” anaʾ ara hnon wenyhenggumok.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 10:14

Wera Kristus anyek alja nong elekdangoka somogoknya nenedya, malya unaʾ ak ab seleb geisa nenelesil nimi nidyaʾ ara lika hnonok sobaʾ amba aboka munaʾ gobdo perobaʾ nenewosuk.

IBRANI 10:33

Ugunuk nimi hnoum ab derewoka waboka saboka malya nenewoka olosik. Hnonda ugunja hemyabo nim eb neikaʾ anaso unulusik.

IBRANI 11:36

Dara hnon nang era derewoka walasik, anya hnon yok nang era henga gouboka saragenaʾ ek sam beillilisik.

IBRANI 12:3

Dara ugunda hmenga dangoka ganya obdoumunuk aboka, alda al nong anyek malya unaʾ nim ek ab derenaʾ anyek or wenyalanenok senewoka doboknya bek, anyek hyak sobaʾ beklelulum.

IBRANI 13:13

Wera anasa, nunda alja alya daboka derenaʾ anyek dobnobaʾ aboka, alak sam e weilik beiyik binimab.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

IBRANI 7:19

Yehudi nim edyaʾ unuwanalum an yub ulumokaʾ adya dara, nimi yokaʾ ak ara, perobaʾ nenewoka geisa nenesinaʾ ara hnon unggulumok. Wera nenesa leboka, wenyek dara, Imik Neyung adya yok perob ganya nebom anaʾ dibaʾ elegosuk adya, wera nunda an pik enyek anyeb uboka, Imik Neyung al berem ara or balamab.

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

YAKOBUS 2:1

Nadya hemyab o! Ugunda senenggomaʾ Wenelesilnya Yesus Kristus bek, dib senelelum nim ululumaʾ anasa, nimi hogung ak keeboka webeldanaʾ ara mem.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

YUDAS 1:21

Ugunja Wenelesilnya Yesus Kristus adya gouluwom aboka angoo yadyek senewoka arasinaʾ anadya uboka, dib embengaʾ ulmoubnaʾ anyek, ganya weboka diri ulumunukanya, Imik Neyung adya wanaʾ ulusilaʾ lomok sam sobaʾ ulumnelum aboka, pe kemero ulululum.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 1:17

Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.