IBRANI 12:11 - PERJANJIAN BARU NALCA YUBA

¹¹ Dara aldib, alja nuk wenelesilaʾ ara yokaʾ-yokaʾ sunuwoka ganya eiya dabnaʾ lananggululabok, hnonda ganya oka denaʾ ak lanalamla. Bok eimik dara, alja wenewoka neklesil nim era, ganya namen uboka pe unaʾ dok ak lanalamla.

IBRANI 12:11 ပူးပေါင်းရင်းမြစ်များ

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 12:10

Anya sikda nuk wenelesak salek era mekaʾanya, sikja perob senelemaknya nera an neklesak an. Bok Imik Neyung ara nunda aljaʾ munaʾ perobaʾ anyek hnon dobnok senewoka, anya nusamba perob dangan danesa wenelesil.

IBRANI 5:14

Bok gasa denaʾ ak dara, nimi ganya karob nim edya, sobaʾ sunuwoka eillilimakaʾ adya, nenera perobaʾ, nenera malyaʾ senewoka, ella dangalamak nim emba ulumla.

1 PETRUS 1:6

Dara, ugunda wenyek dara, yokaʾ-yokaʾ nauba seʾ amba bobgeregoka sunulusil bok, ban amba bekoka ei-ei ganya bololum.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.