IBRANI 11:6 - PERJANJIAN BARU NALCA YUBA

⁶ Bok nim ara ganya dib senenaʾ orok dara, Imik Neyung ara perob senenggulusil. Wera anasa, heknedya Imik Neyung ak yanalanya bera, alda Imik Neyung ara aldib ulumla senewoka ulumlyekanya, alda nim Imik Neyung alak elemak nim era deknaʾ eleklesil senelelul.

IBRANI 11:6 ပူးပေါင်းရင်းမြစ်များ

MATIUS 11:26

Ban unusulumaʾ ara, an dam nang orowek perob senelumaʾ adya unulum,” hyok.

MATIUS 5:12

Ugun orokaʾ wenyek, ununumnaʾ lelemek nang eneba unu nauba olosik. Anasa, ugunuk neik so waboka obnesak dara, Wenelesilnya bedya ugunsamba deknaʾ beillilesilaʾ ara nauba anasa, ei-ei ganya boboka glololulum,” hyok.

MATIUS 6:16

”Ugunda Imik Neyung amba gwanenga lobnelum dara, hogunga boluma yobuka sene bol nenelemak nang ulumak sok unaʾ ara mem. Sikda hogunga yok uboka giblamna dara, yok nim edya sikda Imik Neyung amba gwaneng lomak aboka ella danokaʾ aboka unulumak. Dara, wera sikda alan seleb deknaʾ dolomak an, anera dib lebsin.

MATIUS 6:33

Imik Neyung adya ugun nong ok anyek wenewoka usinaʾ ab, alja perob senelamlaʾ ab, nonoganob senen ulululum. Dara, yokaʾ-yokaʾ nidyaʾ ara ugunuk makoka eleganesil.

MATIUS 6:5

”Ugunda heng uboka molowanamun dara, sene bol nenelemak nang eneso uro molonggom. Sikda nimi yok nim edya perob seneweisinokaʾ aboka deknaʾ gasaʾ ak gom, Yahudi nim edya yuba don e pik sekoka moloro yabalamak. Dara ban unulumakaʾ adya, wera sikda deknaʾ seleb dolomakaʾ anyek, ugunuk dib lebsin.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

LUKAS 12:31

Bok ugunda Imik Neyung adya unuwanok senelamlaʾ anyek eboka nonogomun dara, yoknya nera, Imik Neyung adya ugunuk ganya doboka elek maknesil,” hyok.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 8:24

Ban damok enesa leboka, ousa era, ugunda ugunja malya unaʾ ak sam somoganalum abmeisinaʾ ara, ban nenesa lebmesin. Nera aldib, ugunda nak, bera alan senewoka, dib senewoka dobnenggununulum dara, ugunja meneng malya unaʾ lomok sam somoganalum,” hyok.

ROMA 10:14

Bok sikda alak ganya aldib senenggulumak dara, sikda hekaʾ uboka alak bii heneseng do? Sikda al benyaʾ an yub enyek kenggulumak dara, sikda hekaʾ uboka alak ganya aldib senewanaseng do? Al samba yub enyek hnon nekel banggulumak dara, sikda hekaʾ uboka alsamba yub era kebneseng do?

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

IBRANI 11:26

Alja ganya seininaʾ era deknaʾ donaʾ anyek mamokaʾ adya, alda Mesir mok soko nidyaʾ perobaʾ digum ak ab dara, Kristus anasa leboka derelesaknya nenyek hyak senenggomaʾ perob bonaʾ senelemok.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 4:2

Anasa Imik Neyung adyaʾ perob lero yanggan yub era, sikenek leb elegeisik sok, onoʾ nuk anaba leb elegeisik. Bok sikja yuba seleb kebekjok, dib senenaʾ orok anasa, siksamba dara, Imik Neyung yub ara perobaʾ danggubuk.

IBRANI 4:6

Perob yuba men kemek nim era, keboka pe ununaʾ orok adya, dek-deka sonaʾ ak ara, gigiwoka dobnenggubek. Wera anasa laga geknelamlaʾ ara, nimi hnon yok nim ek lunuwoka anyek an wekel binimak.

IBRANI 7:19

Yehudi nim edyaʾ unuwanalum an yub ulumokaʾ adya dara, nimi yokaʾ ak ara, perobaʾ nenewoka geisa nenesinaʾ ara hnon unggulumok. Wera nenesa leboka, wenyek dara, Imik Neyung adya yok perob ganya nebom anaʾ dibaʾ elegosuk adya, wera nunda an pik enyek anyeb uboka, Imik Neyung al berem ara or balamab.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

2 PETRUS 1:5

Anasa ban unuwosuknya nenesa leboka, ugunda Kristus ak hyak gobdo ganya ologoka dib senewoka, ugunja dib senelelumaʾ ak ara, onoʾ hnon perob unaʾ unuwoka ulumnulum. Ugunda pe ulumunuk ab dara, onoʾ hnon geremsenga dangoka ulululum.

2 PETRUS 3:14

Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.