IBRANI 11:36 - PERJANJIAN BARU NALCA YUBA

³⁶ Dara hnon nang era derewoka walasik, anya hnon yok nang era henga gouboka saragenaʾ ek sam beillilisik.

IBRANI 11:36 ပူးပေါင်းရင်းမြစ်များ

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 21:35

Bok wa weboka melemek nang edya, doka do yananulum aboka orugosuk nang enyek, ben hnonda embengaʾ saboka obeekanya, hnonnya bera dibaʾ obek, anya yoknya bera girik adya saboka beibik.

MATIUS 23:34

Anasa pe keblulum. Nara eimik era ugunuk sam ununumnaʾ len nang eb, geremseng un nang eb, yuba neksin nang eb bokol yanasin dara, hnon nim era ugun nong adya obnelum, dara onoʾ hnon nim era oboka gal ak glabnelum. Hnon darasam nim era ugun Yahudi nim edya yuba don ek sam ab malya nenewoka saboka olomnelum, onoʾ yok nim era ugunja hnon heikek abaʾ ara doboka obgiga yok heikek sam doboka ora doblemnelum.

MATIUS 27:26

Dara Pilatus bera, Barabas bera henga lob lobookanya, nimi nauba wekemekaʾ ak Yesus ara saboka ololulum aboka orugookanya, oboka gal ak glabnelum aboka doboka elegosuk.

MARKUS 10:34

Dara nimi dibaʾ me nek nauba derewoka waboka, gamalaʾ solobgouluwoka, lobaʾ nenewoka saboka obnemak. Bok li winilya seleb mablya dara, alda embengaʾ suboka buknamla,” hyok.

LUKAS 18:32

Nimi dibaʾ me nera alda doboka Yahudi gom nim ek eleganamak dara, wera alak lobaʾ nenewoka derewoka waboka, gamalaʾ solol golulumnemak. Dara ban nang edya alak nauba malya uboka oboka dibnemak dara,

LUKAS 23:11

Dara, Herodes beb, alja yin bonaʾ dub nang eb dadya, Yesus ak hyak nauba eirigala nenewoka malya uboka saboka oboka, nauba derewoka walamekaʾ ara, sene dub nang akleng ongiyiwok dara, onoʾ Pilatus dubnya bek onsok saaboka bo bulululum aboka orugusuk.

LUKAS 23:36

Yin bonaʾ nang edyaʾ anaba Yesus ak geklewoka derewoka walamek. Dara yu mek enyek Yesus ak gweboka diniwoka lelemekja,

RASUL 21:33

Dara, senenggom yin bonaʾ dubnya bera Paulus be berem biniboka onoʾ gasa henga penya adya, henga gouboka, ubgogowoka dara, Paulus bek sam, ”Anda heknya do?” aboka heiboka, onoʾ ”Anda hek malya unaʾ ek unulum do?” aboka heimok.

RASUL 24:27

Seleb gibnaʾ penya lebgogomok dara, Perkius Festus benyek, Feliks be lunuwoka soko dubnya dangamok. Bok, Feliks bek dara, Yahudi nang perob senelemaknya nera unuwonun senewoka, alda Paulus bek heng goubnaʾ lomok lolomok.

RASUL 4:3

Dara, sikenek doboka henga geregoka, seleb sin dangoka iniwanamok anasa, Petrus Yohanes ara, gasa ek doronggoka, anyagan maboka gwelegemok.

RASUL 5:18

Dara, yuba lenaʾ gak nang era, henga geregoka, nauba gasa henga gereksin ek sam beiyisik.

RASUL 5:40

Gamaliel bedya ban wenyaboka wenewosuk dara, Yahudi nang edya henga gereksin dub nang era, dib aboka perob hyek. Dara, sikda Yesus adya yuba lenaʾ gak nang ek, ek wekel yoululum aboka ebiniboka, legebnaʾ deboka legewoka, ”Wera ugunda Yesus si adya nimi yok nang ek nekdo yabanaʾ ara lobnelum,” aboka wenyaboka lebgogosik seleb dara, sikenek henga losik.

RASUL 8:3

Bok, Saulus bera yeiniboka Imik Neyung yuba donaʾ nim era, nauba deijik senewoka soldob menegonun aboka dulumok. Dara, alda hnon ek obgogowan dara, onoʾ hnon yok ek biniboka Imik Neyung yuba dib senemna nang, nengmab ab gelewa ab, doboka bobna dara, nimi henga gereksin ek sam henga geregel balasuk.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

2 TIMOTIUS 1:16

Bok, alda Onesiporus bedya ek nim edya danyek, alda nak ganya pe sangab elegoka ulunyok. Anasa, Wenelesilnya bedya, wera e nen nim ek angoo yadyek senewoka arawoka pe bo ulusulul. Nara henga gereksin ek an gereganyekaʾ anaba, Onesiporus bera henga geregek anasa, alya bar aboka, yokaʾ seiniwanggumok.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”