IBRANI 10:29 - PERJANJIAN BARU NALCA YUBA

²⁹ Bok hyak nauba ara, Imik Neyung bedya me Yesus ak blekoka yan ingib sablamlaʾ amba hnon, malya unaʾ ak ab geisa nenewanesin aboka yekok eneng ek malyaʾ sembejaʾ senelamlaʾ ak hnon, wanaʾ uboka eleksinaʾ Geisinya bedya ak derelamlaʾ amba hnon, hyak nauba saboka obnamla.

IBRANI 10:29 ပူးပေါင်းရင်းမြစ်များ

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

MATIUS 7:6

”Gam adya anak saaboka saboka obgelyek anasa, yokaʾ-yokaʾ hyak perobaʾ ara, gam ak eleknenggom, mem. Pam adya meilik ara yan ingib saboka malya nenewalyek anasa, pam ak eleknenggom, mem,” hyok.

MARKUS 7:2

Sikda Yesus adya yuba doro diriga ban nang, hnon nang era soruka mek eleknaʾ loboka, sembejaʾ gebman delemekaʾ ak eiyisik.

LUKAS 12:10

Nimi dibaʾ me nek nim adya si malya nenewanamaknya nera or malye aboka, malya unaʾ era sikenek ab memewanasil bok, Imik Neyung Geisinya bek malya lebnemak dara, malya unaʾ era perobaʾ leboka sikenek ab meewanggunusil.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

RASUL 7:51

”Hemyab o, ugunda hyak ganya gasa uboka Imik Neyung yub ak dib senenggululum anyek hyak lok nong. Ugunda Imik Neyung yub ak sene o onugamna anasoʾ ok ululum. Ugunja neyung yab edya Imik Neyung Geisinya ol yangalemek sok, ugumba unulum.

ROMA 16:20

Ai, wera anasa, al Imik Neyung ganya nonga pe unaʾ damoknya bedya, men berra aboka, bisaʾ dubnya Satan ara ugunjaʾ yan damumduk soldob meneganamla e. Nunja Wenelesilnya Yesus adya wanaʾ uboka eleksinaʾ era ugunuk sobaʾ ulusulul!

1 KORINTUS 11:27

Anasa wera, Wenelesilnya bedya gwaneng gom, alja beknaʾ mek gom, ugun nonga pe maka meibdanggonggom delelum dara, ban unulumak nim era, Wenelesilnya bedya alja nong eb, alja eneng eb danyek, malya ul eleklamla.

1 KORINTUS 11:29

Dara wera, nimi ben hnon gwaneng ab, beknaʾ mek ab delemla dara, Wenelesilnya bedya nong enyek pe seininaʾ loboka, or salyaʾ lelem delemla dara, ban unululanya bera al damnya igin yakaʾ kwellildalamla.

1 KORINTUS 15:25

Wene salek era, Kristus anyek dubnya dangoka wenelesilyaʾ ara, Imik Neyung adya isaʾ nimi nidyaʾ dob dakdowoka, Kristus ak wera anjinya aboka lebnamla.

1 KORINTUS 15:27

Imik Neyung yuba bukuk sam momnya dobokaʾ ara, ”Imik Neyung adya yokaʾ-yokaʾ nidyaʾ ara, al ulumlaʾ damumduk sam buk siklewok.” Ban nidyaʾ yokaʾ-yokaʾ hyokaʾ ara, nera Imik Neyung nong ak lebnenggom, nera Kristus ak sam buk siklewoknya, Imik Neyung bek lebnenggom.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

EPESUS 5:26

Kristus adya alja yub ab dadya mek elegoka, sik yuba donaʾ nim era alja nong anyek doboka, geisa nenewoununaʾ aboka, al nong elegousuk.

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

IBRANI 12:25

Dara ugunda ban yuba leboknya bek lobmunuk aboka pe keboka unulululum. An nenera sik alak sokok an Imik Neyung yuba leboknya benyek lomek dara, sikda hyak merewanggumek. Anasa nunda wanok, nunda alak imik heik ab yuba salalanya bek lobnemab dara, merewanggunumab.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 2:11

Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 4:14

Anasa wera, Imik Neyung saramek sam seleb byuknya, Imik Neyung bedya me Yesus ara, nunja senenggom yuba wa gakaʾ dubnya nunsamba ulusilaʾ anasa, nunda Imik Neyung yuba dib dobab amoubaʾ ak pe salabmouboka diri ubdanob.

IBRANI 6:4

Anasa, sikja ganya ara seleb dilinaʾ lomok ulumeekanya, imik ab eleksinaʾ hnon doboka, Geisinya adya hnon domekjok,

IBRANI 6:6

onoʾ saawoka gwabal lolomak dara, sikda Imik Neyung me ak saawoka gal ak oboka glaboka, nimi hnoum ak derewoka walamakaʾ anasa, saawoka ganya danganaʾ ara oknaʾ ak ulumak.

IBRANI 9:13

Nimi meknemnaʾ amba dara, youmaʾ yuba wa gak nang ulumek nang edya dara, yem kambing eneng ab, yem sapi eneng ab, sapi goubenya pam oboka uka damna uk goulum ek malya umna nim ek ngikoka hwelesik. Wera pam eneng ab uka damna uk goulum ab dadya ngiksin enyek, nimi malya umnaʾ ara, geisa nenelesukaʾ ara, an nera nim ek sam amba unulusik bok,

IBRANI 9:20

Ban unulumok ok ab dara, Musa bedya lebokaʾ ara, ”Imik Neyung adya unuwanalum an yub elegeisilaʾ ara, hyak unulumnulum aboka, orugosuknya nenyek beknaʾ eneng ara an,” hyok.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,