IBRANI 10:25 - PERJANJIAN BARU NALCA YUBA

²⁵ Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

IBRANI 10:25 ပူးပေါင်းရင်းမြစ်များ

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

MATIUS 18:20

Anasa or hekmok ok, nadya si nemba leboka nimi penya nang gom, winilya nang gom, longolomak dara, nara sikeneblaboka ulumab,” hyok.

YOHANES 12:48

Heknedya nak lek senewoka lolonelekanya, nadya yub ek dib donaʾ lolomla dara, alak yana lelewanalanya bera seleb orowek ulumla. Nera nadya lemsa yub edya sidyaʾ daknamla sum eimik alak yana lelewanamla.

RASUL 16:16

Dara onoʾ yok sum enyek, nunda heng uboka mololomoub ak sam balamouba enyek, nunda arasinaʾ gel gek hnon eiyimouba. Gel genera bisaʾ adya gologomookanya, alda yokaʾ-yokaʾ eimik unuwanananya nek men orowek unuwanamla aboka lero yabalamok gel hnon ulumok. Alda nimi yok nang ek sam, eimik era anda anyek dib unuwanenggel hen dara, rupiah eleklemek adya, alja ek wa weboka ulumok ek nim ek ara nauba duba dangamek.

RASUL 2:1

Wera, Yahudi nim perob sum Pentakosta seleb oka yenemok dara, nimi nidyaʾ yuba dib senewoka men domek nim era neikaʾ ak mamagomek.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

ROMA 12:8

Wenewoka pe memenaʾ amba elegesilya dara, wera nunda or pe weneldalamnemab. Anasa heknedya yok-yok bonaʾ pe bogoka elekdo yabalamnesil dara, wera alda hyak perob ganya bomlyekanya unululul. Heknedya ban wa nen bo uboka webnelam henemla dara, alda yeng ganya boboka unululul. Heknedya angoo yadyek senewoka men arawounun uruma bobnelanya bera, alda ganya eiya daboka unululul.

1 KORINTUS 11:20

Bok, Imik Neyung yuba longowoka beklelum dara, ugunja yuba longolelumaʾ ara, Wenelesilnya bek beknobaʾ aboka longonggululum.

1 KORINTUS 14:23

Anasa wera, ugun yuba donaʾ nimi nidyaʾ Imik Neyung yuba longowoka dolosomaʾ ak sam ara, ugun yuba dolosom nimi, yuba nidyaʾ yok-yok yuba geregoka saro balasom dara, beiyek nimi gom, yuba donggulumak nimi gom edya dara, ugunuk yeiniboka, sikda serema salasil gom senewanasiseng.

1 KORINTUS 14:3

Alda saawoka, Imik Neyung yuba lelemak nang ek dara, nim ak ganya migiba nenewanobaʾ aboka, Imik Neyung ak ab yuba lel eleklesak. Nera migiba nenewoka, ganya sangiyiwoka, ganya hekiyiwanobaʾ aboka, yuba lel eleklesak.

1 KORINTUS 3:13

Nimi nidyaʾ elaʾ gigiro solomak e nera, Kristus yanamla sum era, nidyaʾ damoka laga nenewanamla. Dara, nimi nidyaʾ sikja wa nera, pe wemek gom, malya uboka wemek gom ara, Wenelesilnya Kristus yanamla sum enyek, ara uk adya sunuwanasil.

1 KORINTUS 5:4

Ugunda Wenelesilnya si Yesus lomok uboka, yuba longowomun dara, nara ganya adya neikik uboka, ugunja nunja Wenelesilnya Yesus migib adya, ban malya unululanya benyek, Iblis bek elegolulum.

PILIPI 4:5

Wenelesilnya bera mek anam yanalabok anasa, ugun nong anyek perob ganya boboka namenaʾ ulumunaʾ ara, nimi yok nang edya eillilesinokaʾ aboka lebsin.

1 TESALONIKA 4:18

Anasa, ban yuba lebdangoka ganya hekellildalamnalum.

1 TESALONIKA 5:11

Anasa, seleb unuldalalum sok, ganya gwelelek aldalamnalumukanya, migiba nenellildalamnalum.

IBRANI 10:24

Nunda yok nim ek pe wanaʾ ulunobaʾ aboka wenebdangoka, onoʾ perob unaʾ anyek nauba unubgiga balanobaʾ aboka, nunda pe kemero uldalamnamab.

IBRANI 10:37

Ban nenesa leboka, Imik Neyung yuba bukuk sam ara, ”Eimik hyak berra yanamla salek era, or mek ok ubla; al yanamlaʾ ara, nara sum enyek, or eimik ek yanamnaʾ aboka, goʾ mabdabnenggunumla.

IBRANI 13:22

Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

IBRANI 3:13

Bok, ugun gangganek ara, sondaʾ damok malya unaʾ adya nimi ben hnon alja ganya gasa darawalyek anasa, ugunda nimi ben hnonja hnonnya bek, sumen or anam alalum salek era, ugunda li sobaʾ pe wenewoka unuldalalulum.

YAKOBUS 5:8

Imik Neyung yanggan salek era, oka dalaʾ anasa, ugunda hnon ugunja ganya hwiboka ganya siklewoka pe diri ulululum.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

2 PETRUS 3:11

Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

2 PETRUS 3:14

Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.

2 PETRUS 3:9

Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.

YUDAS 1:19

Wera an nim era, nimi ganya yok-yok bokdanok senewoka benelesak nim ulumak. Sikenek ara sokok an ganya ok denaʾ anyek deknewoka ulumaakanya, Geisinya bedya arawoka bo usinaʾ hyak gobdo orok nim ek ulumak.