IBRANI 10:19 - PERJANJIAN BARU NALCA YUBA

¹⁹ Wei, nadyaʾ hemyabo nim o, Yesus alja eneng adya ok, Imik Neyung adyaʾ hyak geisa nong ekla ek ara, asaʾ ganya boboka wekel binimab.

IBRANI 10:19 ပူးပေါင်းရင်းမြစ်များ

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 8:15

Anasa ugunda wa orugoka anyek welemnelam henemlaʾ anyaʾ senewoka loka dabsin ganya enyek dobnenggublum, bok ugunda ugunuk Imik Neyung me nenesin ganya enyek seleb doblum. Dara ban ganya pik uboka nunda, ”Ai, na Neyung o, ai, na Neyung o!” wenyaro mololomab.

EPESUS 2:18

Wera Kristus pik moruwoka, Yahudi nimi yokaʾ gom, Yahudi gom nimi gom, nunda nidyaʾ ara hnonok neik Imik Neyung Geisinya edya pik uboka, Imik Neyung ak sam ban pik era seleb eiyiwoka balamab.

EPESUS 3:12

Nunda Kristus ak dib senewoka, alab ganya kwebdangoka ulumabaʾ adya, glob lobsuk pik biniboka, asaʾ ganya boboka Imik Neyung berem balamab.

2 TIMOTIUS 1:7

Anasa wera, Imik Neyung adya nuk elegosukaʾ ara, lok ganya ak eleganggusuk. Bok, alda nuk elegosukaʾ ara, migib un ganya hnon, wanaʾ un ganya hnon, diri uldan ganya hnon, elegosuk.

IBRANI 10:18

Anasa ban malya unaʾ era seleb meewousuk bok dara, eimik enyek yok saawoka malya unaʾ meewanasil bar aboka, Imik Neyung amba giboka pam oboka beil binggunuseng.

IBRANI 10:35

Wera anasa, Imik Neyung adya perob deknaʾ nauba ugunuk eleganesilaʾ anasa, ugunja men ganya goulowoka dib senelumaʾ ara loboka ganya boknaʾ ara mem.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.

IBRANI 4:16

Wera anasa, nunda alja araweisiso senelamab salek era, angoo yadyek senewoka arasinaʾ ab, wanaʾ uboka eleksinaʾ ab, dobnobaʾ aboka, Imik Neyung nunja aralesilnya bek ara, asaʾ ganya boboka, aljaʾ perob eleksinaʾ saramek sam ara balanob.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

IBRANI 9:12

Kristus ara hyak geisa nong ekla ak ara, li hnonok wekoknya nedya, nimek bleboka sobaʾ pe ulmorulunokaʾ aboka wekok. Kristus unu weknemok sum era, youmaʾ nimi sirikaʾ adya ulumek sok, kambing yem eneng ab pam eneng ab bo weknenggubuk bok, alda alja eneng enyek bo wekdok.

IBRANI 9:3

Dara onoʾ weilik sam yok ekla hnon ara, penenya lelin akleng weilik ara, hyak geisa nong ekla alamek ekla ek ulumok.

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.