IBRANI 1:9 - PERJANJIAN BARU NALCA YUBA

⁹ Bleknaʾ hwam unaʾ ara lek senen ganya boboka perob jong unaʾ wanaʾ nong ululamaʾ anasa, Imik Neyung adya, anjaʾ neyung Imik Neyung adya dara, anjaʾ hemyab era mek so bok, anak weboka dobjookanya, ei-ei ganya bonaʾ anyek anak nauba elegajok,” hyok.

IBRANI 1:9 ပူးပေါင်းရင်းမြစ်များ

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YOHANES 1:41

Alda men unumokaʾ ara, alja dong Simon be eboka alak wenhyok, ”Nunda Mesias seleb eiyimab,” hyok. (Kristus anasa lebok).

YOHANES 10:17

Nadya nong anyek, saaboka dobnanabok, nim amba somoganesin senelamnaʾ anasa, nadyaʾ neyung nak wanaʾ nauba ulunel.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 4:26

Wenelesilnya, alja nimi blebiyiwanesilaʾ dubnya Kristus beb, sikenek sokok sam dub nang nidyaʾ obdanob aboka gegelemak. Dub nang nidyaʾ adya neikaʾ hiboka, sikenek mala weboka obdanob aboka gegelemak, ara Daud bedya lemok adya lelum,” aboka lelemek.

RASUL 4:27

”Aldib, wen ara Herodes beb, Pontus Pilatus beb, Wenelesilimnya o, yok soko yok soko nim eb, heik enyegan ulumak Israeli nim eb, seleb mamagoka, sikda anja geisa me Yesus bek anja nimi blebsinaʾ dubnya sekiyilumnya bemba, mala weboka obdanob aboka samek.

ROMA 12:9

Anasa wanaʾ uldanaʾ ak dara, malye senewoka or-ora unaʾ ara hyak mem! Yu ganya boboka malya unya nera mok nenewoka, perobnya nenyek unulululum.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

2 KORINTUS 11:31

Imik Neyung, nunjaʾ Wenelesilnya Yesus aljaʾ neyung bera, sobaʾ giblemnemaknya bera, nara sondaʾ lenggulumnaʾ anara, ella ulunel.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

EPESUS 1:3

Wei, nunjaʾ Wenelesilnya Yesus Kristus aljaʾ neyung Imik Neyung ak sobaʾ perob aboka giblenob e! Nunda Kristus ab neikaʾ kwebdoubaʾ adya, Imik Neyung adya, imik heikek digumaʾ ganya eleknaʾ perobaʾ nidyaʾ ganya doboka elegousuknya bek giblenob.

PILIPI 2:9

Wera ban nenesa leboka, Imik Neyung adya dara, alak hyak im nong ok nenewok, anya alak ara yok-yok migib unaʾ era mek so bok, alak danyek hnonok hyak senenggom migib damok era elegok. Yok si nera mek so bok, alja si nenyek hyak imik nenewok.

IBRANI 2:11

Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

1 PETRUS 1:3

Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

WAHYU 2:15

Dara, hnon ugun gangganek ara, Nikolaus bedya neklesil yub ek neik so salawoka ulumak nimi hnon ulumak.