IBRANI 1:8 - PERJANJIAN BARU NALCA YUBA

⁸ Bok alja me nemba dara, Imik Neyung adya dara, ”Wei Imik Neyung o, an bululam oulyang era sobaʾ ulmorulumnamla! Anja wenewoka bo ulumnesilimaʾ ara, hyak perob jong unaʾ enyek lelewoka wenelemnesilim e.

IBRANI 1:8 ပူးပေါင်းရင်းမြစ်များ

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

LUKAS 1:75

Nera aljaʾ saramek ara nunda geisa uboka, pe ulunokaʾ aboka, unuweisil.

YOHANES 10:30

Nab Neyung beb dara, hnonok ok ulunam,” hyok.

YOHANES 10:33

Dara, Yahudi nang edya Yesus ak, ”Anja pe unululam wa nenesa gom, alda an nong anyek nimi sirikaʾ bok, nara Imik Neyung me aboka Imik Neyung ak malya nenelelamaʾ anasa, girik adya obgenobaʾ aboka ulunjab,” hyek.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

1 KORINTUS 15:25

Wene salek era, Kristus anyek dubnya dangoka wenelesilyaʾ ara, Imik Neyung adya isaʾ nimi nidyaʾ dob dakdowoka, Kristus ak wera anjinya aboka lebnamla.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.