IBRANI 1:2 - PERJANJIAN BARU NALCA YUBA

² Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

IBRANI 1:2 ပူးပေါင်းရင်းမြစ်များ

MATIUS 13:39

Walenja yinaʾ yamal yeilimoknya isaʾanya bera Iblis ara an. Nonga dakne sum era, soko sidyaʾ daknamla sum; alda nonga daknamak nang era, imik ab lero nang era an.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 21:38

Wera wa damnya bedya me yalamokaʾ ak eibek dara, wa weboka meewoka ulumek nang era, wenyabdek, Wera wa damaʾ lunuwanamla me nera an. Alja wa nera nuk wa damaʾ danamabaʾ anasa, me nera obnemab! wenyabdek.

MATIUS 26:63

Bok Yesus ara yuba hnon doro sabnenggubok. Wenyek Imik Neyung yuba wa gakaʾ dubnya bedya, ”Imik Neyung embengaʾ ululanya bemba leboka, anda Kristus, nimi blebsinaʾ dubnya, Imik Neyung bedya me ululam gom, orok gom aboka wenyhesilom,” hyok.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

MARKUS 12:6

Wera wa damnya bedya alja yokaʾ nong me, wanaʾ ulumok me nek hnonok lobonggok. Anya wera alja dara, nadya me yokaʾ nong ak anasa, mem senewanamak senewoka, sidyaʾ nong ara, me nenyek sikenek binilam, hyok.

MARKUS 12:7

Bok wa meewoka ulumek nang era, sik moumen wenyabdek, me ara alja misaʾ dobnelanya. Anasa nunda alak obibyaʾ adya, benedya misaʾ era nuk dobnemab, wenyaboka lebdek.

YOHANES 1:10

Alda sokok an ulumookanya, soko ara aladya uyimok bok, soko nim edya dara, alak elgom ulumek.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:3

Yokaʾ-yokaʾ nidyaʾ ara al adya uyimok. Yoknya nedya, hnonok sibin anaba uyiwanggumok.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

YOHANES 13:32

Dara, Imik Neyung ak Yesus pik moruwoka imik nenewanamla dara, Imik Neyung lomok al damnya onoʾ alja me nek imik nenewanamla.

YOHANES 15:15

”Wa wenya bera alja neyung bedya unulamlaʾ ara elgom ulumlaʾ anasa, wene salek ebaʾ ara, eimik ugunuk wa wen nang wenyhenggunusin. Bok, onoʾ saaboka nadyaʾ neyung bek ab kemsa yub ugunuk nidyaʾ laga lemsaʾ anasa, ugunuk nadya hemyab alamnesin.

YOHANES 16:15

Yokaʾ-yokaʾ nidyaʾ Imik Neyung aljinya ulumlaʾ ara, narinya nek ulumla. Ban anasa, Geisinya bedya nak ab doboka, ugunuk neklemnesilaʾ ak wenyasin,” hyok.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:25

Ban sum enyek, Yohanes Pembaptis bedya diriga ban nang eb, be hnon Yahudi nang eb, nimigumaʾ mek eleknaʾ damba lololdalamek.

YOHANES 5:26

Neyung bera nim embengaʾ unaʾ damok gaknya ulumla sok, onoʾ al adya alja me nek nim embengaʾ unaʾ gaknya dangiyimok.

YOHANES 5:27

Dara, alja me nera nimi dibaʾ me ulumlaʾ anasa, alja neyung bedya alak nimi yana lelesinaʾ ara seleb elegemok.

YOHANES 9:29

Nunda Musa benyek Imik Neyung yub adya alak yuba salamokaʾ ella ulumab bok, anja lelelamnya bera hanyagarab yokaʾ anaba numba elgom ulumab,” hyek.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

RASUL 2:17

Imik Neyung adya lebok ara, Sidyaʾ daknamla sum enyek, nadya geisa ganya ara nimi nidyaʾ sik dubuk yeklingganamna. Ugunja mabo nengmab ab, ugunja gelmab ab, nadya sikenek ununumnaʾ lelemnesak. Ugunja gobenya nim edya yokaʾ unuwanasin ara ken so eilimnemak. Ugunja nauba nang era, maboka lendara eilimnemak.

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.

IBRANI 1:5

Imik Neyung adya dara, lero nanga ben hnonok sibin ak anaba, ”Anda nadya me ululam, nak dara sumen anjaʾ neyung be dagen,” an dara, hyak mekaʾ hnon wenyhenggumok. Dara onoʾ Imik Neyung adyaʾ anaba, ”Nara aljaʾ neyung be danamna dara, alda nadya me danamla,” anaʾ ara wenyhenggumok.

IBRANI 1:8

Bok alja me nemba dara, Imik Neyung adya dara, ”Wei Imik Neyung o, an bululam oulyang era sobaʾ ulmorulumnamla! Anja wenewoka bo ulumnesilimaʾ ara, hyak perob jong unaʾ enyek lelewoka wenelemnesilim e.

IBRANI 11:3

Anasa nunja ganya dib senenaʾ adya, ban nidyaʾ im soko ara Imik Neyung yub adya uyiwok senewoka ella ulumab. Wera anedya ban eillilimabaʾ nidyaʾ ara nunda eibnenggunusibyaʾ ak ab uyiwokaʾ ak eillilimab.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.

IBRANI 4:14

Anasa wera, Imik Neyung saramek sam seleb byuknya, Imik Neyung bedya me Yesus ara, nunja senenggom yuba wa gakaʾ dubnya nunsamba ulusilaʾ anasa, nunda Imik Neyung yuba dib dobab amoubaʾ ak pe salabmouboka diri ubdanob.

IBRANI 5:8

Yesus ara Imik Neyung bedya me yokaʾ ulumokaʾ anyek babya, alak an igina kweboka unulumokaʾ ak ab, pe unulumokaʾ adya eiyiwoka ella dangalamok.

IBRANI 7:28

Yahudi nim edyaʾ unuwanalum an yub edya dara, malya unaʾ hwam nim enyek, yuba wa gakaʾ dub nang ulumnelum aboka sekillilisuk. Bok eimik era, Yahudi nim emba unuwanalum an yub ek ab dara, Imik Neyung ara, alja me Yesus anyek, nimi blebsinaʾ dubnya ulumnamla bar aboka, Yesus ara senenggom yuba wa gaknya sobaʾ ulmorulumnamla bar aboka, laga unuwanamna aboka hyak munaʾ gobdo pe sekiyiwok.

IBRANI 7:3

Wera Melkisedek bemba dara, alda neyung genong ara hnon unggulurek, hnonda al nang yilaʾ si oroknya, alda anyek anyeb beiyimekaʾ ara, onoʾ anyagan somogok anaʾ anaba orok. Alda Imik Neyung bedya me Yesus anaso uboka, alda senenggom yuba wa gaknya ulumla.

IBRANI 9:26

Kristus anyek sobaʾ saam-saam aboka beildal balamso dara, wera soko anam uyiwoka wek mouruwoka liga gong somokdibigemnamso. Bok wenera alda lika hnonok munaʾ gobdo malya unaʾ amba aboka, al nong anyek wene salek era dib somogok.

1 PETRUS 1:20

Imik Neyung ara soko anam uyiwanggom bok, Kristus ak men weboka doboka sekiyimok. Wera mok soko sidyaʾ daknamla salek enera, ugunuk blebsununaʾ aboka sokok sam yeilimok.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

YUDAS 1:18

Sikja dara ugunuk ara, ”Eimik soko dengaboka sidyaʾ daknamla salek oka danamla dara, perob yub ek dolbalek nenelemak nimi hnon lanawanamak. Wera an nim era, sikja malya unulunob senen ganya edyok wekdeknewoka ulumak nim ek ulumnemak,” hyek.