IBRANI 1:14 - PERJANJIAN BARU NALCA YUBA

¹⁴ Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 1:14 ပူးပေါင်းရင်းမြစ်များ

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

MATIUS 13:41

Nimi dibaʾ me seknamlakanya, nimi yok nim ek malya ul eleklesak nimi nidyaʾ ara wera henga goubuka bob mamaganalum aboka, lero nang ek oruganesil, anya nimi nidyaʾ malya unaʾ ok unuro ulumak nimi nidyaʾ ara bob mamaganasil.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 2:13

Guraʾ kemero yeilimek nang era, sikja mok seleb lanawoka balamek dara, Imik Neyung lero ara Yusuf bek lendar dib yeiniboka, ”Herodes dubnya bera me nenyek obnunaʾ aboka elemnamla anasa, anda bukoka me ab eilinggeb doboka bobmenekanya, Mesir sokok sam berra bo bilom. Wera anyagono ulumunaʾ ara, nadya anak wera or yoululum henya dara, yanalum,” hyok.

MATIUS 24:31

Dara nimi dibaʾ me nedya alja lero bedya poo anaʾ benggong yuba edya senenggomaʾ lebnamla dara, nim Imik Neyung mab ulumak nim era, im gokgoba nidyaʾ eboka bob mamaganalum aboka oruganesil,” hyok.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 4:11

Anya wera, Iblis ara Yesus ak ara lo byuk dara, Yesus ara, lero nang gong edya yeiniboka alak aralemek.

MARKUS 10:17

Wera Yesus ara pikek balamok sab-sab, nimi be hnon bik-bikal yeiniboka, Yesus ak oumuwoka giboka alak, ”Neyung neksinya hyak perobnya o, nara hekaʾ hubnyaʾ adya, dib embengaʾ unaʾ ara dorowanamna do?” wenyaboka heibuk.

LUKAS 1:19

Dara onoʾ on lero enedya Zakharia bek, ”Na anera Gabriel, Imik Neyung al dam uboka aranaʾanya ulumna. Dara Imik Neyung adya Zakharia bek wenyal bilom aboka bokdo dorogonelaʾ ak, ban perob yub enera wenyal yeilinggen.

LUKAS 1:23

Dara Wenelesilnya bedyaʾ ek sam alja webnesonya wa nera seleb webdakok dara, alda ek sam byuk.

LUKAS 16:22

”Yok eimik sum enyek, bonaʾ garanya bera somogok dara, lero nang edya bobmekja, imik heikek Abraham bedyaʾ eibukuk sam bo beil byik. Dubnya beneba somogok dara, alda soko lokek.

LUKAS 2:13

Dara onoʾ al wene sab-sab enyek, lero enyeb, yok imik heik yin bonaʾ nang lero gong-gong eb yingginiboka, neikaʾ Imik Neyung ak ban wenyaro giblemekaʾ ara,

LUKAS 2:9

Dara al wene sab-sab, Wenelesilnya bedya lero, sikenek yookanya, Wenelesilnya bedya hyak senenggom dilinaʾ era sikenek yeb goluwosuk dara, sikda hyak loka dabsuk.

RASUL 11:22

Ban unulumokaʾ danara, Yerusalem heikek sam ulumek yuba donaʾ nim ek oboka lelel bilimok. Dara, sikja Barnabas bek Antiokhia heikek bilom aboka bokol yeilimek.

RASUL 12:23

Dara, wene salek enyek, Herodes bera Imik Neyung si ak imik nenewoka gibnenggulumokjok anasa leboka, Wenelesilnya bedya lero adya Herodes bek obok dara, Herodes bera besa adya delemeekanya somogok.

RASUL 12:7

Dara, al wene sab-sab enyek, Wenelesilnya bedya lero be hnon, nimi henga gouboka beillilisik ek sekok dara, alja dilinaʾ edya henga gouboka beillilisik e yeboka lomok. Dara, lero enedya Petrus be mamokaʾ ak warawoka gaawoka bukiyimok. Dara, lero enedya Petrus bek, ”Wei Petrus o, men berra aboka buklom,” aboka orugumok. Wera wene salek enyek, gasa heng edya Petrus bek gouboka beiyimek ara albeyok alja sorukuk ab loboka mamagemok.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 16:26

Dara wene sab-sab enyek, senenggom sogoumaʾ enyek dorogomok dara, henga gereksin e yanganaʾ girik egomnaʾ eneba warawoka lomok. Dara, albeyok henga goubuka beilisin e pik era nidyaʾ bakdo yibiniboka, nimi henga goubuka beiyisik nang era, heng ara albeyok lobdo yibilisuk.

RASUL 27:23

Anasa wera ousa inimnek enyek, nadya giblamna Imik Neyung alja lero edya nak yeiniboka lenelja,

RASUL 5:19

Bok, inimnek enyek, Wenelesilnya bedya lero edya yeiniboka, henga gereksin e pik sereknaʾ nidyaʾ bakoka, yuba len nang nidyaʾ eboka beiyek bo yibilisuukanya, sikenek lebsuk ara,

ROMA 11:14

Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

ROMA 13:6

Dara an ganya en bololum adya ugunda sikja mok soko yok-yok amba deklemnelum alamaknya nera keboka deklelum. Wera anera sikda ban wa nen memewoka welemak nang era, Imik Neyung ak welemak adya unululum.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 15:27

Ban wenyan dara seleb unuwanamab aboka wenyarob dara, wera nera sikjinya nek ulumla. Dara yok mok soko nim era Yahudi nim edya perobaʾ ulusilaʾ ak ab seleb dorob anasa, dara sikba yok mok soko nim eneba Yahudi nim ek sokok an ulumla bonaʾ danedya arelemnemak ok.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

2 KORINTUS 9:12

Ugunja perob unaʾ an unululumaʾ anadya, nimi munaʾ Imik Neyung mabo yok nimi denaʾ bonaʾ yak nenenaʾ ok ununggululum bok, alda an unululum ununaʾ enedya, nimi nauba Imik Neyung ak perob aboka giblemnemak.

GALATIA 3:29

Dara, ugunda Kristus alja mab ulumun dara, Abraham nang yilaʾ dangoka ululum. Anasa, ugunda Imik Neyung adya Abraham bek eleganesin amokaʾ ak dobnelum nang ek ululum.

GALATIA 3:7

Anasa ugunda ella uboka pe beknelumaʾ ara, nimi Kristus ak dib senewoka ulumak nim era, sikda nidyaʾ ara Abraham bedya mab ulumak.

GALATIA 3:9

Nim Imik Neyung ak dib senewoka ulumak nang era, Abraham bek dib senemokaʾ adya perobaʾ nenewoka elegemok eleknaʾ enyek, neikaʾ hiboka dolomak.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

PILIPI 2:25

Nunja hem be Epafroditus bera nak anyagan aralenululaʾ aboka bokol yeililumnya bera, nadya saawoka ugunuk bokol yanamna senelamna. Albabya nadya welemna wa nek neikaʾ arawoka, duboka yeiriwoka welenel.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

TITUS 3:7

Wera alja wanaʾ uboka eleksinaʾ adya, nuk perobaʾ neniyisuukanya, onoʾ nunja dib embengaʾ ulmoubnaʾ damok ara, nunja seiniwoka diri ulumabnya nenyek, dobnamak aboka blebsuk.

IBRANI 10:11

Yahudi nim edya yuba lenaʾ gak ulumek nang era, sob-sobaʾ saam-saam aboka Imik Neyung amba oboka beiri ulumek. Bok sikja ban giboka unu sobaʾ beillilemek beilinaʾ edya, nim adya malya unaʾ hyak doboka boboganggunusisonya nenyek unulumek.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

IBRANI 6:12

Nunja dara, ugunda sulmalyaʾ ganya bonaʾ ara mem. Nim Imik Neyung adya eleganesin amokaʾ ak dib senewoka, ganya siklewoka pe diri ulumeekanya domek nim ek ulumek sok, ugumbabya sik diligaʾ diliwoka pe ulululum senelemab.

IBRANI 6:17

Anasa Imik Neyung adya dara, alja anyek eleganesin aboka lebsuk nim ek ara, nadya lebnaʾ ara hyak dib unuwanamna ok aboka, wera Imik Neyung ara al damnya si sibdangoka lebdok.

IBRANI 8:6

Imik Neyung adya nim ab dibaʾ wenyabdab an yub era, wen lelelanya nera pe lebokaʾ adya, hyak pelemlaʾ anasa, neik so Yesus ara alda hyak senenggomaʾ perob wa nenyek, youmaʾ yuba wa gak nang edya welemek wa nenesoʾ ak gom, alda hyak perobaʾ anyek welemla.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 PETRUS 1:4

Anasa, Imik Neyung adya alja mab emba imik heikek beillilesil bonaʾ era blonaʾ loboka goowoka denghenggunumla, mura bongowanggunumla bonaʾ enyek, nunjaʾ danamla senewoka diri ulumab.

1 PETRUS 3:7

Onoʾ neik so ugun nengmab ak dara, ugunja gelewa ek anaso nim ek ulumla senewoka ella dangoka ulululum. Gelewa ara sikda hmengaʾ yakaʾ ak ulumak senewoka, ugunda sikenek perobaʾ leboka pe unulululum. Ugun nengmab ab neikaʾ Imik Neyung adya embeng unaʾ ara dolomab senewoka sikenek pe unulululum. Wera ugunja molonaʾ era okna dabsilyek anasa, ban nidyaʾ unulululum.

YUDAS 1:14

Adam bek abaʾ li seknya likimeknya Henokh bedya, ban nang ak ununumnaʾ lebgogomokaʾ ara, ”Nimi nidyaʾ ak yana lelewosunun aboka, Wenelesilnya bera, aljaʾ geisa ganya ulumak nim eb, denga yubaʾ gong-gong yanamak. Nim adya malya unaʾ pik balamaakanya, hyak nauba meknewoka malya ulumak ununaʾ nidyaʾ anasa, yana lelewanesil. Onoʾ, nimi malya ulumak nim edya, Imik Neyung ak derewoka walamaknya nenesa, yana lelewanesil.”

WAHYU 5:6

Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.