IBRANI 1:1 - PERJANJIAN BARU NALCA YUBA

¹ Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.

IBRANI 1:1 ပူးပေါင်းရင်းမြစ်များ

LUKAS 1:55

Nenera alda nunjaʾ youmaʾ nauba nim, Abraham bemba hnon, alja mengerob nang yilaʾ amba hyak dibaʾ unulumnesin wenyamokaʾ sunuwoka unulamla,” wenyaboka gibok.

LUKAS 1:72

Hnonda angoo yadyek senewoka arasinaʾ alja geisa unuwanasin aboka lemoknya nera, hyak munaʾ dib unuwanamna amokaʾ anasa, bekoka unuwal.

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

YOHANES 7:22

Bolaʾ garelelulum aboka, Musa bedya yuba weboka elegosukaʾ anasa, Sabat mem sum bok, merewoka bolaʾ garelelum. Dara, ban yub era Musa bedya gom, alda nunjaʾ neyung yabo Musa be anam salek men youmaʾ enyek orowek bolaʾ garelemek.

YOHANES 9:29

Nunda Musa benyek Imik Neyung yub adya alak yuba salamokaʾ ella ulumab bok, anja lelelamnya bera hanyagarab yokaʾ anaba numba elgom ulumab,” hyek.

RASUL 13:32

”Anasa wera, nunda Imik Neyung adya nunja neyung yab youmaʾ nang ek eleganesin amok yub enyek, wera ugunuk an ban perob yuba lero yabalasab.

RASUL 2:30

Imik Neyung adya orowek seleb poboka, Daud be pik uboka an nang yilaʾ gangganek ab, Imik Neyung adya dubnya hnon sekiyiwanamla aboka leb elegemok. Daud bera alda ununumnaʾ lenya ulumok adya, Imik Neyung adya alak dib unuwanamna amokaʾ ara, eimik era dib unuwanamla senewoka ella uboka diri ulumok.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 3:21

Petrus bedya onoʾ wenyasuk, ”Ban Yesus ara, youmaʾ Imik Neyung adya geisa ununumnaʾ lelemek nang edya lelemek sok, yokaʾ-yokaʾ nidyaʾ Imik Neyung adya meewanggumlya salek, imik heik ulumlya ara, meewanamlya salek ok laga danamla.

IBRANI 11:18

Nera alak ara seleb wenyamok bok, ”Dara Ishak be pik ab liknemak nang yilaʾ enedya, alja nang yilaʾ henemak,” amokaʾ anyek babya oboka gibnun senemok.

IBRANI 11:2

Dara ban ganya dib senenaʾ nong adyok, nunja youmaʾ nim ek ara, laga eilinaʾ ak sam dara, pe ganya mabok.

IBRANI 12:25

Dara ugunda ban yuba leboknya bek lobmunuk aboka pe keboka unulululum. An nenera sik alak sokok an Imik Neyung yuba leboknya benyek lomek dara, sikda hyak merewanggumek. Anasa nunda wanok, nunda alak imik heik ab yuba salalanya bek lobnemab dara, merewanggunumab.

IBRANI 2:2

Dara, lero nang pik uboka, dib yuba leb elegeisikaʾ ara, pe kenaʾ orok uboka bleklemek nim era, unulumekaʾ sunuwoka iginaʾ dolomek dara,

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 3:5

Musa bera Imik Neyung ek sam amba wa arawoka bojam uboka wenya ulumok. Ban bojam ulumoknya nera, eimik laga wenyhenemoknya nenesa leboka, unulumok.

IBRANI 4:8

Yosua bedya Musa be lunuwoka sikda dek-deka sonaʾ ak seleb bo wekesisobok dara, Imik Neyung ara, onoʾ eimik enyek yok sum ek henggunumso.

IBRANI 5:5

Anasonya neikek Kristus anaba, alja ganya doboka nak gigiwanenokaʾ aboka yuba wa gakaʾ dubnya nenebdanggubuk bok, alda Imik Neyung adya ok ganya doboka senenggom yuba wa gakaʾ dubnya aboka sekiyiwok. Imik Neyung adya Yesus ak, ”Anda nadya me ululam, sumen enyek moruwoka nara anjaʾ neyung be dagen,” hyok.

IBRANI 9:19

Men dara, Imik Neyung adya unuwanalum an yub era, Musa bedya Israeli nim ek leb elegosuk. Wera yuba seleb elegosuk dara, onoʾ eimik era, sapi me eneng ab yem kambing eneng ab mek sirikaʾ ab neikaʾ hiboka, domba pam aranaʾ hong ab, gal benggenaʾ doboka, Imik Neyung adya unuwanalum an yuba kerob bukuk sam hnon, Israeli nim ek hnon, lobsenjaʾ adya lob goulura yibisuk.