EPESUS 6:9 - PERJANJIAN BARU NALCA YUBA

⁹ Dub nang dangoka ululum nang ek lebnesin! Ugunda neik so, ugunja wa oruknaʾ nang edya ugunuk arawoka welesak sok, onoʾ sikenek anaba, pe sunuwoka unulusululum. Yu ganya boboka baralaʾ seingim-seingim anaʾ ara, mem. Ugunub ugunja wa oruknaʾ nang eb dara, hiboka senenggom dubnya, Imik Neyung bera imik heikek ulumlaʾ ara, alak ok hnonok beklemnelum. Imik Neyung ara, nimi hogung ak kemenggululanya bek ulumlaʾ anyek, ugunda pe beklemnelum.

EPESUS 6:9 ပူးပေါင်းရင်းမြစ်များ

MATIUS 22:10

Dara wa wen nim era, dubnya bedya lemok sok sunuwoka, senenggom pikek sam byiikanya, nim or salyaʾ malya nim perob nim demen nim era nidyaʾ ebmamagek. Dara gela doboka denemak aboka, meemok e nera nim adya ok dibemok.”

MATIUS 22:8

Seleb dara, dubnya bera, alja wa wenaʾ nang ek anyagan yoululum aboka sikenek, Masa ak seleb youboka beiyimna bok, del yanalum amna nim ek dara, delyamenggom, orok.

MATIUS 24:48

Bok wa wenya bera, yu hwam ok uboka, aljaʾ ganya lomok ab lebnesodya,

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

MATIUS 7:12

”Ugunja yok nim edya nuk pe unuweisinok senelelum sok, ugunja yok nim ek pe unulululum. Musa bedya unuwanalum an yub eb, nidyaʾ ununumnaʾ lelemek nang edya unulululum aboka lebsik yuba damok nong ara an,” hyok.

LUKAS 6:31

Anya, ugunuk yok nim edya anaso unuweisiseng senewanalum dara, ugumbabya anasonya nenyek yok nim ek unuwolulum.”

YOHANES 13:13

Ugunda nak Neklesilimnya, Wenelesilimnya, alanulumaʾ ara, al unu ulumnaʾ anasa, dib lelenulum.

RASUL 10:34

Wera Petrus bedya leb einiwokja, ”Nara wenyok Imik Neyung adya nimi nidyaʾ mok soko nang era neik nang nenelesil ara wenyok ella dan.

ROMA 2:11

Wera anera, Imik Neyung ara, hogunga ak kemewoka ununggululanya anasa, unuwanesil.

1 KORINTUS 7:22

Nimi ben hnon, oruknanya bek bok, Wenelesilnya bedya youbomok bok dara, wenera alda Wenelesilnya bedya gloʾanya dangalamla. Bok, youbomok sum enyek, gloʾanya ulumok bok dara, alda Kristus adya wa wenya dangalamla.

KOLOSE 3:25

Anasa, Imik Neyung ara alda nimi hogung ak kemewoka perob senenggulululanya anasa, meknelelanya bera, ban meknelemlaʾ damok sunuwoka dobnamla.

KOLOSE 4:1

Wei, neyung yab o, banyek beklemnelum, imik heik ara ugumbabya ugunja neyung be ulumlaʾ bekoka, anya wa wen nang ek ara, pe sunuwoka dom digumnya nenyek unulululum.

YAKOBUS 2:13

Anasa wera, Imik Neyung ara nim angoo yadyek senen ganya orok bok yana lelelemak nang ek, albabya angoo yadyek senenaʾ loboka yana lelewanesil. Angoo yadyek senewoka arasinaʾ ara hyak migib nong ak ululabok, nimi yana lelenaʾ ak dara, or mek so ak ulumla.

YAKOBUS 2:8

Ugunja jongnya nenyek nim ek unulumun dara, wera nera ugunda unuwanalum an yuba momnya dobokaʾ ara, ”Andamnya wanaʾ uldalalam sok, an kabo nim ek wanaʾ ululom,” hyok yub ek sunuwoka unuro perob ok unululumaʾ ara an.

YAKOBUS 5:4

Kendululum! Ugunja wak sam wa welesak nang emba dara, deknaʾ deknenggululumaʾ adya, wera sikja ugunuk omoma leboka yo yablesak. Ugunja gwanenga yongowoka mamaklesak nim edya deknenggulusak aboka araweisilom aboka bii aboka lelemak yub era, imik ululanya Imik Neyung bedyaʾ ok sam seleb balamla.