EPESUS 5:8 - PERJANJIAN BARU NALCA YUBA

⁸ Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

EPESUS 5:8 ပူးပေါင်းရင်းမြစ်များ

MATIUS 3:8

Ugunda malya unaʾ seleb eib kweboka ganya dangawoka lobek an beknaʾ enyek, wera laga gigiwoka ulululum.

MATIUS 4:16

Gunaʾ lomok sam ulumak nim edya, perob dilinaʾ yeblaʾ ara eibak! Nimi somoklomakaʾ ak sokok sam ulumak nim era dilinaʾ welera seklaʾ ak eibak!” amoknya nenyek gigiwok.

LUKAS 1:79

Nera sik lok ganya hwam uboka, gunaʾ hnoum ulumak nimi gong enyek yeblesilyekanya, nunja yan era hyak perob pik, ganya pe namenaʾ un heklesil pik eboka bo binisil amba,” wenyaboka lebok.

LUKAS 16:8

”Dara rupiah wa sala ulumoknya ben alja dubnya bedya dara, geremseng nongaʾ anyek hyak pebdangalam aboka gigiwok. Dilinaʾ ak ulumak nim era, anaso ununggulumak bok, sokok an salyaʾ lelem ulumak nim era, sik moumen ak, yokaʾ ubnaʾ ara, hyak geremsengaʾ anyek unuldalamak,” hyok.

YOHANES 1:9

Ban dilinaʾ ara dib nongnya ulumookanya, yeindeboka, nimi nidyaʾ ak sokok an yebellilisil.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

YOHANES 12:36

Ugunda dilinaʾ mabo danalum aboka, dilinaʾ ugun gangganek anam ulumla salek enyek, dilinaʾ ak dib senewoululum,” hyok. Yesus ara wenyabgogomokaʾ seleb dara, sik gangganek loboka, yokok sam doknol bilimok.

YOHANES 12:46

Nak dib senelenija nim era, gunaʾ lomok ulumeijek aboka, nara imik abaʾ ara sokok an dilinaʾanya yeilimsa.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

ROMA 1:21

Wera sikda Imik Neyung ak seleb pe ella ulumek anyek babya, sikda alak Imik Neyung anasoʾ aboka si imik nenenggulumeekanya, alak perob aboka gibnanya neneba orok. Alda saawoka sikja ganya seininaʾ era salyaʾ hwam dangalamookanya, sikja dongdang anaʾ ganya era gunaʾ dangalamok.

ROMA 13:12

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

ROMA 2:19

Anya anda heng lum nang amba pik abnanya uboka, sik gunaʾ lomok ulumak nim emba dilinaʾ ululam.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 6:14

Yesus ak dib senenaʾ orok nim eb, ugunub neikaʾ hinaʾ ara mem. Perob unaʾ ab malya unaʾ ab hekaʾ adya pe neikaʾ ubnesereng do? Dilinaʾ ab gunaʾ ab neikaʾ hiboka ubnesereng de? Orok e!

GALATIA 5:25

Imik Neyung Geisinya adya nuk embengaʾ wenyek unaʾ era elegosuk dara, wera nunja nong unaʾ eneba Geisinya adya goluwoka bo ulusilaʾ adya unulumnemab.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 4:18

sikja ganya era seleb gunaʾ dousuk. Onoʾ sikja ganya era ongibsukaʾ anasa, sikda hyak elgom so uboka, Imik Neyung embengaʾ eleklesilaʾ ak ab loboka, beiyik gebdangoka ulumak.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

EPESUS 6:12

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

KOLOSE 1:12

Hnonda ban adya neyung bek, dilinaʾ pik balamak munaʾ Imik Neyung mab amba beibuknya nek dobneseng senen nang nenelesilnya benyek, ganya eiya daboka perob aboka giblemnelum.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.