EPESUS 5:4 - PERJANJIAN BARU NALCA YUBA

⁴ Anya onoʾ ugunuk dara, Imik Neyung mab unuwanggunuseng anasa, nimi ganya malya nenelesil yub eb, salyaʾ dolbalek yub eb, gela salanaʾ yuba, yok-yok kenaʾ perob danggunumso yub eb dara, mekaʾ sanggulumnulum. Alda ugunuk dara, Imik Neyung ak anyek sobaʾ perob aboka gibelmorulumnulum.

EPESUS 5:4 ပူးပေါင်းရင်းမြစ်များ

MARKUS 7:22

yok-yok bonaʾ uluneso ganya bolomak, yok-yok malya unaʾ ganya bolomak, nimi bobnenewoka sondaʾ lelemak, yok-yok malyinya nok unulumak, yok nim edyaʾ amba solom ganya bolomak, nimi derelemak, dengdang ganya bolomak, dongdang anaʾ ganya bolomak; ban malya unaʾ danyek lanalamla.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

2 KORINTUS 1:11

Ugunja nunsamba aboka, Imik Neyung ak mololesulum adya keboka, alda nuk blebnesilaʾ anyaʾ senelemab. Dara, nimi nauba Imik Neyung ak mololomak molonaʾ adya aralesak dara, nuk perobaʾ nauba eleklesil dara, nimi nauba Imik Neyung nunja molonaʾ keboka unulamla aboka, sikda Imik Neyung ak giblemnemak.

2 KORINTUS 9:15

Imik Neyung adya nuk hyak seinildaknaʾ okna eleknaʾ emba, nunda alak pe giblemnemab!

EPESUS 1:16

ugunsamba leboka, nara Imik Neyung ak sobaʾ gibelmorulamna. Dara, heng uboka Imik Neyung ak gibel yaben salek era, ugunja si sibuka mololesin.

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

KOLOSE 3:8

Anasa dara, yu ganya, yu sen-sen anaʾ, yok nang ek malya unaʾ, deresinaʾ, sembejaʾ yub ugunja sibamaʾ ak ab lanelelanya, ban nidyaʾ ara, wenyek boboganalum.

1 TESALONIKA 3:9

Wera ugunja pe ululumnya nenedya, Imik Neyung saramek sam nunja alak perob aboka giblemabaʾ ara hyak nauba dangoka ulumla.

1 TESALONIKA 5:18

Yesus Kristus mab ululumaʾ anasa, nidyaʾ ulusilnya nemba, giblelulum. Imik Neyung ara nenyek perob senelesil.

PILEMON 1:8

Anasa wera nenesa leboka, nunda Kristus bek dib senelemab nang ek anasa, nadya ban nenyek or unuwalom aboka oruganenggisinya bok,

IBRANI 13:15

Al nenesa, nunda Yesus pik uboka, Imik Neyung ak perob aboka gibnaʾ ara, nuk ol nebeldaleng sok unaʾ ara, nunja sibamaʾ edya alja si nek perob aboka sobaʾ giblenob.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

2 PETRUS 2:7

Nimi nidyaʾ heik ene nimi nidyaʾ ara, malya unaʾ hwam ok ura ulumek bok, alda Lot bek hnonok alak ok Imik Neyung adya pelemoknya senemokaʾ anasa, unu ol yabasuk sum era Lot bek hnonok blebok.

YUDAS 1:10

Bok ban malya ulumak nim era, yokaʾ-yokaʾ elgom ulumaknya nek derelemak. Dara sikja ella ulumaknya nera, ganya orokaʾ adya seinilamla sok, gobdo nauba malya ulumak. Wera anadya sik nonga dengabdanamakaʾ ara an.

YUDAS 1:13

Sik nong ara, nauba mek gwanek lo saawoka elilamla sokaʾ ak ulumaakanya, sikja alya usinaʾ ara, mek elilamlaʾ adya bolgamalaʾ bouruklamlaʾ anasoʾ ak ulumla. Hnonda, sik nong anaba, salyaʾ eini yabalamla guraʾ ara, gunaʾ lomok sam dengalamlakanya, gunaʾ lomok ulmorulamla sok ulumak.