EPESUS 5:3 - PERJANJIAN BARU NALCA YUBA

³ Ugun nong ak dara, munaʾ Imik Neyung mab ululumaʾ anasa, nimi yok nim edya ugunuk sikba malya ulumak henesijaʾ damoka giliwoka beibdoumunuk anasa, hmabaʾ ganya hnon, yok-yok malya unaʾ emba youmburaʾ debnaʾ hnon, gela salyaʾ salawoka, anaso malya ura yabanaʾ hnon ara, ugun gangganek sam ara mekaʾ unggulumnamla.

EPESUS 5:3 ပူးပေါင်းရင်းမြစ်များ

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

RASUL 15:20

Bok nunda wen sikenek, sikja nim ugumaʾ ak sam hweboka beil balamak denaʾ dijik aboka hnon, gel salaldanaʾ anyek lobongganok aboka hnon, enenga heiboka somogalya wininga manaʾ ak dijik aboka hnon, enenga dijek aboka hnon, momnya donaʾ pik, nera loblulum aboka beibnemab.

RASUL 20:33

Ugunja nak rupiah gom, ongon akleng gom, hnon eleganenok senewoka ganya wenggulumsa.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 16:2

An lebnanya nera, anedya ugunda alak Wenelesilnya pik ganya gwelelek aboka, neikso yok munaʾ Imik Neyung mab emba arawoka ulumak sok, alda yokaʾ hnon doroweisinya senewanamla dara, arawoka ubnelum. Wera alda yok nang ek hnon, na nong ak hnon, hyak nauba seleb arawousuk anasa.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

1 KORINTUS 10:8

Dara onoʾ sik gangganek nim edya, gela salabdangoka unulumek sok, nunda wenera neneso ununaʾ ara mem. Ban nauba unulumekaʾ anasa, Imik Neyung adya, Israeli nimi nauba denga salyaʾ hiboka dombadya dagolongnaʾ loboka (23.000 nim), li hnonok somogek.

1 KORINTUS 5:1

Nara hnon, ugun gangganek ara, hnon nang era gela salawoka malya uro balamak anaso aboka lelemakaʾ ak hnon kelemna. Wenyalameknya nera, Imik Neyung yuba donaʾ orok nim eneba ununaʾ oroknya nek, ben hnon aljaʾ neyung bedya eimik gel gek dobdangarek, alamakaʾ ak kemsa.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

1 KORINTUS 6:18

Yok gela salawoka uldanaʾ ara, hyak loboka mok yabalalulum. Yok-yok malya unaʾ ak dara, nim adya unulumakaʾ ara, nimi nong weilik ab ulumla. Bok, gela salawoka malya ululanya bera, alda al damnya alja nong ek malya uldalamla.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

EPESUS 5:12

Anasa malya ulumak nim edya doknowoka unulumak ununaʾ enyek, yok nim edya laga doboka yuba san dara, nauba alya dangalasil.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

1 TESALONIKA 4:7

Imik Neyung ara malya ulunokaʾ aboka youbnenggusuk, geisa ulunokaʾ aboka youbsukaʾ anasa, ban anaso unggom.

1 TIMOTIUS 2:10

Bok alda saawoka gweidyaʾ dibaʾ subnamlaʾ ara, Imik Neyung ak giboka, alja mabo dangamna nim edya ulumaknya nenyek, ana diligaʾ doboka unulumnemak.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

2 TIMOTIUS 3:2

Nim ara nanokok pewonulul senewoka ulumnamak, rupiah hogung ok beiyiwoka ulumnamak, dengdang anaʾ ganya boboka sondaʾ hwam ok lelemnemak. Sikda yok nim ek geklewoka derewoka walamnamak, nauba nimi yuba lek senewoka bleklemnemak, eleganelemaʾ perob alamakaʾ ara, elgom ulumnamak. Dara, hnonda nimi pe ulumaknya nek ara, sikda lek senelemnamak.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

IBRANI 12:16

Anya nimi hnon hyak gel ak unuweisinya ganya adya wekdeknewoka, Esau bera gwaneng denaʾ piring hnonok amba aljaʾ yandonya bedyaʾ misaʾ era, pe seininaʾ loboka men dekok sok, neikso ununaʾ ara mem.

1 PETRUS 5:2

Imik Neyung adya ugunuk lebsuk domba pam danyek pe bo ulululum. Imik Neyung adya seinilamla sok sunuwoka, igin ganya bonaʾ loboka, perob ganya boboka beiyiwoka bo ulululum. Wa webnemunaʾ ara deknaʾ anyek dobnun senen ganya boboka wenggom, alda ugun nong adya aldib yok nim emba welemak nang ululumnya nenesa leboka welelulum.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

WAHYU 2:21

Anasa, alja malya ulumlaʾ ak ab ganya dangawolululaʾ aboka, ganya dangan salek elegasebok, alda nauba malya uboka, salawoka malya uluneseng ganya ok bolomla.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.

WAHYU 9:21

Anya sikda nim onaʾ ak ab, nimi guma gukoka gera dosinaʾ ak ab, gela salanaʾ ak ab, hoka donaʾ ak ab, ganya dangawanggumek.