EPESUS 5:2 - PERJANJIAN BARU NALCA YUBA

² Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

EPESUS 5:2 ပူးပေါင်းရင်းမြစ်များ

YOHANES 13:34

Wenyok unulumnulum yub ugunuk elegeisin: Ugunuk nadya wanaʾ ulusisa sok, ugumbabya wanaʾ uldalamnalum.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 4:25

Dara, Yesus ara nunja meknenaʾ enesa leboka, doboka elegok bok, nuk perob nenewosununaʾ aboka embengaʾ subuka bukiyiwok.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

ROMA 8:37

Bok ban nidyaʾ an lebnaʾ ak ab dara, nuk wanaʾ ulusilnya be pik ab uboka, nunda ol lamakna nang ek ulumab.

1 KORINTUS 16:14

Ugunja yokaʾ nidyaʾ unulumnulumaʾ ara, wanaʾ ok goluwoka unulululum.

1 KORINTUS 5:7

Dib nong ara, ugunda perob eldaknenggulumla roti anaso seleb ululum bok, wenera ugunda ban youmaʾ malya unaʾ anaso roti eldaklamla anyek boboganalumukanya, hyak perob wenyok eldaknenggulumla roti anaso onoʾ perob danalum. Anasa wera, Kristus nong anyek seleb blebsinaʾ domba pama dangamokaʾ adya, wera nera malya unaʾ amba seleb somogokaʾ ulumlaʾ anasa lebna.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

2 KORINTUS 2:15

Nuk dara, Kristus bedya gen-gen song meklaʾ Imik Neyung amba ulumab. Nim uk hinik binobaʾ aboka ulumak nim emba dara, nuk dara, somoknaʾ damok song ulumab bok, alda embengaʾ ulunobaʾ aboka bleblesil nim emba dara, nunda mereldisinaʾ song anasoʾ ak ulumab. Bok heknya ak ban damok era, unuwanesonya be hnon ulumla do?

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

EPESUS 1:4

Imik Neyung ara soko yokaʾ-yokaʾ anam ulinaʾ orok bok, si gegena ponaʾ orokaʾ anyek alsamba ok munaʾ gobdo ulunokaʾ aboka, Kristus pik uboka weboka dobsuk. Nuk wanaʾ ulusuukanya,

EPESUS 3:19

Anya Kristus adya wanaʾ ulusilaʾ ara, nimi ganya sirikaʾ adya dara, nidyaʾ pe olowoka ella danggunusengnya nenyek, ugunda ella dolulum aboka mololesin. Dara, ugun nong ara, Kristus adya wanaʾ unaʾ pe olowoka ella ulumunukanya, Imik Neyung hnonok ok ulumla nong unaʾ enyek, deknewousululaʾ aboka mololesin.

EPESUS 4:15

Bok onoʾ saawoka, nuk dara, wanaʾ ganya nauba uboka perobnya dib nongnya nenyek ok lelemnemabakanya, nunja dubnya Kristus ulumla ak sam, nidyaʾ ak nebgiga balamnemab.

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

EPESUS 5:15

Wera anasa, ugunja nong unaʾ era pelemab gom, orok gom aboka pe diri uldalalulum. Nimi dongdang alamak nim edya unaʾ loboka, alda geremseng nimi ganya boboka ulululum.

EPESUS 5:25

Kristus adya alja yuba donaʾ nim emba leboka, wanaʾ uboka al nonga siksamba elegousuk sok, ugun nenyab ara, ugunja gelewa ek anaso pe wanaʾ ulululum.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

KOLOSE 3:14

Anya ban nidyaʾ amba dib nongnya nera, wanaʾ uldanaʾ anyek, neikaʾ hiboka munaʾ pe goublesilaʾ anyek, ganya enyek sobaʾ bololulum.

1 TESALONIKA 4:9

Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.

1 TIMOTIUS 2:6

Alda nimi nidyaʾ amba leboka sikja malya unaʾ ak blebsunun badya aboka, alja nong enyek leb elekdonunaʾ aboka, elegesuk. Dara nera, sum enyek unuweisinya senewoka orowek seinimok sum era, yenewoka laga dok dara, al nong elekdok.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 8:3

Nimi yuba wa gakaʾ dubnya ulumnaʾ ara, yokaʾ-yokaʾ Imik Neyung ak bo beil biniboka, uka daboka giblimnamla aboka sekillilisak. Anasonya neikek, nunjaʾ yuba wa gakaʾ dubnya Yesus anaba, yokaʾ hnon Imik Neyung ak beiyiwoka eleganamso.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

IBRANI 9:23

Wera sokok an ulumla bonaʾ era imik heikeknya nenesa sununaʾ ulumlaʾ ak anaso unulumek bok, imik heikek sam dibnya ululanya nenyek, Yesus enenga perobaʾ dib nongaʾ adya geisa nenemok.

IBRANI 9:26

Kristus anyek sobaʾ saam-saam aboka beildal balamso dara, wera soko anam uyiwoka wek mouruwoka liga gong somokdibigemnamso. Bok wenera alda lika hnonok munaʾ gobdo malya unaʾ amba aboka, al nong anyek wene salek era dib somogok.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

1 YOHANES 3:16

Nunda ban pik enyek anyeb, wera nimi yok nim ek wanaʾ unaʾ damok era ella dangalamabaʾ ara, Yesus Kristus alja nong era, nunsamba leboka, nuk elegosukaʾ adya, ella dangalamab. Anasa wera, ban unuwosuk bar aboka, nunja nong enyek, nadya hemyab emba aboka elek lobnesibya.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.