EPESUS 5:16 - PERJANJIAN BARU NALCA YUBA

¹⁶ wera, ugunda malya dangalamla salek ek ululumaʾ anasa, ugunuk an pe un salek ulumlaʾ ak ara, pe salawoka unulululum.

EPESUS 5:16 ပူးပေါင်းရင်းမြစ်များ

MATIUS 25:17

Dara onoʾ penenya rupiah doboknya beneba, neik so sounuwoka onoʾ yok penya rupiah dobok.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

ROMA 13:11

Ugunda ban wene salek unulamla uruma era ella ululumaʾ ara, ugun mablumaʾ ara buknelum salek seleb danggiga balamla anasa, ban wenyalasil yub era al unulumnelum ok. Anasa blebsinaʾ ara nunda men anam ganya dib senewoub salek ek ab dara, wenera hyak seleb ok berem nong ulumla.

1 KORINTUS 7:26

Wenera yokaʾ-yokaʾ igina kwesinaʾ lanalelabok anasa, nadya seinilamnaʾ ara, sikba wen pe ulumak sok uluseng senelamna.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

EPESUS 6:13

Anasa, malya unaʾ lanawanamla salek enyek, ugunda pe ganya migibaʾ anyek saawoka oldalamunukanya, yokaʾ-yokaʾ nidyaʾ unubgogowoumun dara, bisaʾ ab obdangdibigemunaʾ ara, ugunda senenggom obsimenggom nanga dangoka sekmoublulumaʾ aboka, Imik Neyung eleklesil yina mala senga nidyaʾ boboka eneklelulum.

EPESUS 6:15

Imik Neyung adyaʾ perob lero yanggan yuba, ganya heklamlaʾ anyek, lero yabalemnamna senenaʾ anyek, ugunja ganya ak yan ongonaʾ dibaʾ ongowoka ulululum.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.