EPESUS 4:32 - PERJANJIAN BARU NALCA YUBA

³² Alda ugunda perob ganya bobdangoka, nimi nidyaʾ ugun moumen wanaʾ uldalalulum. Hnonda Imik Neyung adya Kristus pik uboka, ugunja malya unaʾ doro bobogousuk sok, ugun moumen malya unaʾ doro bologoldalalulum.

EPESUS 4:32 ပူးပေါင်းရင်းမြစ်များ

MATIUS 6:12

Yok nim eb malya ubdangamna nim eb memeldalamab sok, anda anaso uboka nunja malya unaʾ eneba doboka bobogeisilom.

MARKUS 11:25

Anya, ugunda heng uboka molowanamun dara, yok nim ek meknewanyok senemun dara, ugunja neyung be imik heikek ululanya bera, ugunja meknenaʾ eneba doboka bobogosululaʾ aboka, unu seinibdangamunya nera, men meebdanalum, hyok.

LUKAS 1:78

Nunjaʾ Imik Neyung bek ab ganya sanganaʾ ab, angoo yadyek senenaʾ ab dadya, alda nuk kemel yeisilikanya, alja heng era lugunaʾ nonga dorogal.

LUKAS 11:4

Dara, nunda malya ubdangamna nim eb dara, memeldalamabaʾ anasa, ambabya nunjaʾ malya unaʾ era doboka bobogeisilom. Nuk sunulyamalesil pik sam boro dibnenggunusilim, aboka mololelulum,” hyok.

LUKAS 17:4

Alda neik sum enyek, lika sekbadya so anak malya ubgelyekanya, alja anak sobaʾ yeiniboka nara aldib malya ubgen aboka laga lebgelya dara, wera anda alak sobaʾ meebdanarum,” hyok.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

LUKAS 6:37

”Imik Neyung adya ugunuk yana leleweisilyek anasa, ugunda yok nim ek yana lelenggom, mem. Imik Neyung adya ugunuk igin yakaʾ kweiyiweisilyek anasa, onoʾ ugunja yok nim ek ganya adya henga goubnenggom, mem. Nadya malya unaʾ Imik Neyung adya blebiyiwananel senewoka, anda yok nim ek sugunaʾ ganya ara, meebdanalum dara, Imik Neyung anaba, anja malya unaʾ era meewananggel.

RASUL 28:2

Malta sokok an ulumek nim era, nuk hyak perob senewoka pe arawoka ulusik. Wera moka nauba bliboka onoʾ saragenaʾ ul yabasuk anasa, anyagan heik yokaʾ nim edya uka lolowoka ul yabasik.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

1 KORINTUS 13:4

Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

2 KORINTUS 2:7

Wera alda nauba solom ganya boboka, ganya obdangoka dib malya dalyek anasa, wenyek dara, ugunda alak sugunaʾ ganya meewoka, alak onoʾ ganya hekiyiwoululum.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

EPESUS 5:1

Ugunda Imik Neyung adya wanaʾ ulusil mab ek ululumaʾ anasa, Imik Neyung adya unulamla ununaʾ enyek, diliwoka numba anaso ulunob senen ganya bolomnemun nim ek ulululum.

YAKOBUS 5:11

Sikda pe ulumek alamakaʾ ara, ganya siklewoka heiboka ulumeknya nenesa lelemak. Ayub bedya ganya siklewoka ulumok enyek, eimik era Imik Neyung adya alak perobaʾ nauba elegemok an yub era, ugunda seleb kelelum. Anasa Imik Neyung ara, hyak angoo yadyek nong senewoka perobnya bek ulumla.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

1 YOHANES 1:9

Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.

1 YOHANES 2:12

Najaba yab o, ban ugunuk momnya dobsinaʾ ara, Kristus si pik uboka ugunja malya unaʾ seleb meewousukaʾ anasa ubsin.