EPESUS 4:30 - PERJANJIAN BARU NALCA YUBA

³⁰ Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

EPESUS 4:30 ပူးပေါင်းရင်းမြစ်များ

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

LUKAS 21:28

Ban nenyek nidyaʾ unul yabalyaʾ eibmun dara, ugunda mek anam blebnesil ak anasa, ugunda sekoka hogunga eiriyiwanalum,” hyok.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

RASUL 7:51

”Hemyab o, ugunda hyak ganya gasa uboka Imik Neyung yub ak dib senenggululum anyek hyak lok nong. Ugunda Imik Neyung yub ak sene o onugamna anasoʾ ok ululum. Ugunja neyung yab edya Imik Neyung Geisinya ol yangalemek sok, ugumba unulum.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 8:23

Nera sikinok gom, bok numba Geisinya men perob eleknaʾ seleb dowub nang eneba, me anasoʾ anyek somowanasil salek, nunja nonga blebnesil sum emba, numbabya nunja nong era ganya obdangdo diri ulumab.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 15:54

Somoknaʾ nong era loboka, ulmoubnaʾ nonga lunuwoka eleganesil dara, onoʾ sokok anyeb nong era loboka, imik heik ab nong enyek, lunuwoka eleganesil dara, wera ban unuwanasil sum enyek, Imik Neyung yuba bukuk sam momnya dobokaʾ ara, danyek gigiwanamla ara, ”Somoknaʾ damok ara seleb orok nenewoka goowoka, bleboka usinaʾ ok seleb gigiro lobla,” hyok ara gigiwanamla.

1 TESALONIKA 5:19

Geisinya unulusilaʾ ara lolongnonggom.

IBRANI 10:29

Bok hyak nauba ara, Imik Neyung bedya me Yesus ak blekoka yan ingib sablamlaʾ amba hnon, malya unaʾ ak ab geisa nenewanesin aboka yekok eneng ek malyaʾ sembejaʾ senelamlaʾ ak hnon, wanaʾ uboka eleksinaʾ Geisinya bedya ak derelamlaʾ amba hnon, hyak nauba saboka obnamla.

IBRANI 3:10

Ban sikja ununaʾ enesa leboka nara yu ganya boboka wenyamsaʾ ara, Sikda sobaʾ ara nak bojam ununenaʾ orokaʾ anyek, nadya yub ek ganya ologoka ununggulumek.

IBRANI 3:17

Anya, hek nim ek denga hnonok uboka ebdobnya meikbadya gibnaʾ Imik Neyung ara yu ganya bobmorusuk do? Nimi nidyaʾ malya ura balameekanya, onoʾ hwalek sam salyaʾ somokdo balamek nim ek gom de?