EPESUS 4:18 - PERJANJIAN BARU NALCA YUBA

¹⁸ sikja ganya era seleb gunaʾ dousuk. Onoʾ sikja ganya era ongibsukaʾ anasa, sikda hyak elgom so uboka, Imik Neyung embengaʾ eleklesilaʾ ak ab loboka, beiyik gebdangoka ulumak.

EPESUS 4:18 ပူးပေါင်းရင်းမြစ်များ

MATIUS 13:15

Anasa ban nim enedya, ganya era seleb yugoma dangoka pika lebok, sikja o nera seleb ounugosuk, anya sikja heng bam ara seleb siklebdangamek. Unuwangguseng dara, sikja heng eiyiboka, sikja o nedya yuba keboka, anya sikja ganya edya ella dangoka, nak sam yeiliseng dara, nadya sikenek meriyiwanasisinya,” hyok.

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

YOHANES 12:40

”Dara, heng adya pe eibijek, ganya adya pe seiniweijek aboka, Imik Neyung adya sikja henga luma neneiyisuk, onoʾ ganya su kiyiwousuk. Sikda pe eiyiboka pe seiniwoka ganya dangaweijekanya, meiriyiweisinyek aboka umsa,” alamla.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

RASUL 3:17

”Wei hemyab o, anasa wera, ugunub ugunja dub nang eb, Yesus ak unulum ara, elgom adya unulum anyek, wera nara ella ubsin.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

ROMA 11:7

Anasa dara har so do? Israeli nang edya we doblemoknya nera dobnenggubuk, bok nang enedya dobnamak aboka webok nang edya dobek. Dara yok nang era gasa ganya bobek,

ROMA 2:19

Anya anda heng lum nang amba pik abnanya uboka, sik gunaʾ lomok ulumak nim emba dilinaʾ ululam.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

1 KORINTUS 2:8

Dara, wen sokok an dub nang ulumak nim edya dara, Imik Neyung adya geremseng unaʾ nunsamba beiyisukaʾ ara, ella danggumek. Anasa wera, sikda hnon ella uluseng bok dara, Wenelesilnya hyak perobnya bera oboka gal ak glabnenggumneseng.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

GALATIA 4:8

Youmaʾ ugunda Imik Neyung ak elgom ululum salek era, Imik Neyung be dibaʾ ak gom, alda yokaʾ anyek nunjaʾ neyung nenewoka, ugun nong ara anyagan ganya diboka ululum.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:12

Youmaʾ dara, ugunda Kristus ab neikaʾ ganya kweldanaʾ orok nim, ugunda Imik Neyung adya weboka dobnenggusuk nim, beiyik nim ululum. Ugun Imik Neyung adya wanaʾ uboka perobaʾ eleganesin henggusuk nim ek ululum. Ugunda Israeli soko enyek anara, perobaʾ anyek dobnemab nimi senenaʾ orokaʾ ak uboka, Imik Neyung ugunjaʾ ganya lomok unaʾ orok nim ek ululumaʾ anyek seiniwanalum.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

IBRANI 5:2

Albabya nim ak adya hmeng ulumlaʾ anasa, yuba wa gak nang ulumna nang era, nimi yokaʾ-yokaʾ elgom uboka, yokaʾ-yokaʾ adya geregoka meknelemak nang ek ara, namenaʾ pe ganya goluwoka aralesil.

IBRANI 9:7

Hyak geisa nong ekla ara, yuba wa gakaʾ dubnya ok weklemok. Wera ekla enyek ara gibnaʾ hnonok amba, lika hnonok wekoka Imik Neyung ak giblemok. Ban unulumokaʾ ara, pam oboka eneng ab boboka, aljaʾ malya unaʾ emba hnon, onoʾ yok nim edya orowek senewanggonggom malya ulumek malya unaʾ doboka bobogosululaʾ aboka, Imik Neyung ak bo beil biniboka giboka uka dalamok.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

1 YOHANES 2:11

Bok alja hem yab ek lek senelelanya bera, alda gunaʾ ak or anam ulumla. Alda gunaʾ lomok sam yabalamlakanya, gunaʾ adya alja henga leblamlaʾ adya, alda mok enyek an binimnaʾ ara elgom ulumla.