EPESUS 3:5 - PERJANJIAN BARU NALCA YUBA

⁵ Imik Neyung adyaʾ ban yub enera, youmaʾ dara, doknomokaʾ adya, anyek unuwanasin aboka nim ek laga aawanggusuk bok, wenyek dara, Imik Neyung Geisinya adya dara, Imik Neyung alja yuba lenaʾ gak nang ak hnon, ununumnaʾ len nang ak hnon, laga aawousuk.

EPESUS 3:5 ပူးပေါင်းရင်းမြစ်များ

MATIUS 13:17

Ugunda banyek dib senewoka beknelumaʾ ara, youmaʾ ununumnaʾ lelemek nang eb, yok Imik Neyung ak dib senemek nim eb dara, wen an ugun eillilelumnya nenyek eibnob senen ulumek bok, sikda eiriwanggubek. Sikja dara, ugun wen kelelumnya nenyek kebnob senewoka diri ulumek bok, hnon kebnenggubek,” hyok.

MATIUS 20:7

Wenyek nim enedya benyek an, Nimi adya nadya wa webnenulum aboka oruksinaʾ orok anasa ulumab, hyek. Dara anggur wa damnya bedya sikenek, Wera salyaʾ ululumaʾ anasa, ugumba nadya anggur dok wak sam wel bininulum, aboka orugosuk.”

MATIUS 23:34

Anasa pe keblulum. Nara eimik era ugunuk sam ununumnaʾ len nang eb, geremseng un nang eb, yuba neksin nang eb bokol yanasin dara, hnon nim era ugun nong adya obnelum, dara onoʾ hnon nim era oboka gal ak glabnelum. Hnon darasam nim era ugun Yahudi nim edya yuba don ek sam ab malya nenewoka saboka olomnelum, onoʾ yok nim era ugunja hnon heikek abaʾ ara doboka obgiga yok heikek sam doboka ora doblemnelum.

LUKAS 10:24

Anasa ban nenyek lebsin, Youmaʾ ununumnaʾ lelemek nang eb, dub nang eb dara, ugun an wen eiblumnya nenyek eibnob senewoka diri ulumek bok, hyak mekaʾ eruwanggubek. Sikda ugun wen an kelelumnya nenyek, kebnob senen diri ulumek bok, kebnenggubek,” hyok.

LUKAS 11:49

Anasa Imik Neyung geremseng adya lelemlaʾ ara, nara eimik ununumnaʾ len nang eb, yuba lenaʾ gak nang eb sikenek bokol binisin dara, darasam obnesak dara, darasam nim era lobaʾ nenewoka malya nenewanasak! hyok.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

RASUL 10:28

Dara, Petrus bedya Kornelius bedya ek longomek nim ek, ”Yahudi nimi yokaʾ nim ara, Yahudi gom nim eb neikaʾ hiboka unaʾ ara mem aboka, Yahudi Imik Neyung yub adya momnya donaʾ pik hyak mem nong hyok ara, ugunda ella ululum. Bok nak dara, Imik Neyung adya nera memaʾ aboka, lek malyaʾ sembejaʾanya senenggom henyok.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

1 KORINTUS 2:10

Bok, Imik Neyung adya nuk seleb alja Geisinya pik uboka, nuk memesuknya nenesa laga amasuk. Imik Neyung Geisinya adya yokaʾ-yokaʾ nidyaʾ ara, geklewoka ero yabalamla dara, onoʾ Imik Neyung adya anyek, unuwanamna senemna lomok doknomna anaba, laga gelewoka beillilamla.

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.

2 PETRUS 3:2

Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.

YUDAS 1:17

Bok, nadya wanaʾ ulusin hemyabo nim o, nunja Wenelesilnya Yesus Kristus amba yuba lenaʾ gak nang edya, ugunuk men leb elegesik yub enyek, pe beklelulum.