EPESUS 3:1 - PERJANJIAN BARU NALCA YUBA

¹ Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

EPESUS 3:1 ပူးပေါင်းရင်းမြစ်များ

LUKAS 21:12

”Bok ban nidyaʾ anam unuwanggumlya salek era, yok nang edya ugunuk heng gouboka saboka obnesak. Ugunda Yahudi nim edya yuba don e pik ab hnon, henga gouboka yana lelewanasaakanya, henga gouboka gasa ek hnon doronggoka beibnesak. Ugunda nadya yuba donaʾ nimi dibaʾ ululumaʾ anasa leboka, ugunuk mok soko dub nang eb yok-yok senenggom nang edyaʾ saramek henga geregoka bol giriklemnesak.

RASUL 21:33

Dara, senenggom yin bonaʾ dubnya bera Paulus be berem biniboka onoʾ gasa henga penya adya, henga gouboka, ubgogowoka dara, Paulus bek sam, ”Anda heknya do?” aboka heiboka, onoʾ ”Anda hek malya unaʾ ek unulum do?” aboka heimok.

RASUL 23:18

Yin bonaʾ dubnya bera, goubenya me nen eboka senenggom yin bonaʾ dubnya bek bo biniboka lemokja, ”Henga geregoubnya Paulus bedya, ban goubenya me nenedya, neyung anak yokaʾ don neknamla anasa, eboka bo bilom aboka nak orugenel anasa, nara bo yeilimna,” hyok.

RASUL 26:29

Bok Paulus bedya lebokaʾ ara, ”Nara Imik Neyung ak heng uboka mololamnya dara, or wene salek gom, mandewanamso gom anaba, na ulumna sok ugumba danasom ara, alda wera henga gobenyek heng enyek hnonok unuwanggunumso bok, na ulumna sok danasom aboka mololamna,” hyok.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

2 KORINTUS 1:6

Nu nong anyek igina kwelesil dara, ugunuk blebsin damba hnon, ugunja ganya heknaʾ gebsin danasa ulusil. Onoʾ nuk ganya heknaʾ geblesil dara, nera ugunuk ganya heksinya nemba ulusil. Anadya wera, nunja yokaʾ-yokaʾ igina kwelesilaʾ anyek, ugumbabya neik so yokaʾ-yokaʾ igina kwelesilya bok, ganya siklewoka heiboka ulumnulum.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

GALATIA 5:11

Hemyabo nang o, nak dara, bolaʾ garawanalum an yub enyek anam lero yabalesinya bok dara, hekasa nak ara lobaʾ nenewaneneseng do? Wera an unulusinya bok dara, Yesus oboka gal ak glamek yub era salyaʾ ouluk diknaʾ girik anaso unggulumnamso.

GALATIA 5:2

Nara Paulus bedya hyak dib lebsinaʾ ara, ugunda bolaʾ seleb garabdanalum dara, Kristus al nong ugunsambaʾ ara, salyaʾ lelem danesil.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

EPESUS 3:11

Ban unumoknya nera, men orowek unuwanamnaʾ senemokaʾ sunuwoka, nunjaʾ Wenelesilnya Kristus Yesus pik uboka unusuk.

EPESUS 3:13

Ugun nong anyek, na pik uboka perobaʾ nenewosuknya nenesa leboka, nak an igina kweboka malya nenelenelaʾ anara, ugunuk si perobaʾ dolulumaʾ aboka ulumnaʾ anasa, ugunda angwei senewoka, ganya hmenga neneldanaʾ hnon ara, mem aboka moloweisin.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

EPESUS 6:20

Wera Imik Neyung adya perob lero yanggan yub enesa lelelulaʾ aboka, bokol yanyokaʾ anasa welemna dara, alsamba yuba sanaʾanya dasa, wera anasa gasa ek henga gouboka beibnyek. Anasa, asaʾ ganya boboka, onoʾ pe lelenunaʾ aboka, ugunda nasamba mololenululum.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

KOLOSE 4:18

Nara Paulus bedya gibsin. Ban gibsin yub era nadya soruk nong edya webemna. Nak henga goubnyekaʾ ara sobaʾ seinilinulum. Wanaʾ uboka eleksinaʾ ara, ugunuk ulusulul. Amin.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

2 TIMOTIUS 1:16

Bok, alda Onesiporus bedya ek nim edya danyek, alda nak ganya pe sangab elegoka ulunyok. Anasa, Wenelesilnya bedya, wera e nen nim ek angoo yadyek senewoka arawoka pe bo ulusulul. Nara henga gereksin ek an gereganyekaʾ anaba, Onesiporus bera henga geregek anasa, alya bar aboka, yokaʾ seiniwanggumok.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

PILEMON 1:1

Nunjaʾ hem Pilemon o, nunjaʾ hem be uboka, neik wa welemabnya ululam! Nara Paulus, Yesus Kristus amba leboka henga goubnyeknya bedya, nunjaʾ hem be Timotius beb neikaʾ uboka, ban momnya donaʾ enera anak beibgenem,

PILEMON 1:23

Yesus Kristus amba leboka, neikaʾ henga goubuka beibsikaʾ ak anyagan ulunamnya Epafras bedya ugunuk perob aboka gibsil.

PILEMON 1:9

nunda wanaʾ uldalanamnya nenesa, unuwanalam aboka molowagenaʾ ok. Nara seleb yamen danakanya, wera Yesus Kristus amba leboka gasa ek seleb henga geregoka beinyek.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”