EPESUS 2:3 - PERJANJIAN BARU NALCA YUBA

³ Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

EPESUS 2:3 ပူးပေါင်းရင်းမြစ်များ

MARKUS 4:19

sokok anyebnya nenyek hekaʾ huwanamna ganya boboka, bonaʾ mandebnaʾ adya pe ulusinya senen ganya ab, hnon yokaʾ-yokaʾ ak ganya oka denaʾ adya, sikja ganya lomok sam wekel yaban dara, yuba dobnaʾ ara, seklama denewoka bonga oldelemlaʾ adya, pe doka mounggulusil nim era an.

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

RASUL 14:16

Youmaʾ dara, Imik Neyung adya mok soko nim era ganya doboka sikja unuwanob senelemeijinya nek unulunok aboka soruka lobol lolosuk.

ROMA 1:24

Anasa leboka, Imik Neyung ara sikda sikja unulusibya senen ganya era malya unuru yabanaʾ ak lobonggosuk, wera anedya sikda sikja nong era malya neneldalamek.

ROMA 11:30

Anasa dara neikik, ugunda youmaʾ dara Imik Neyung pe kenggululum, bok wenera sikjaʾ pe kenggom enesa, ugunda angoo yadyek senewoka arasina ganya era dololum.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

ROMA 2:14

Dara yok mok soko nim era, Yahudi nim emba unuwanalum an yub ek dara, sikenek ara unaʾ orok bok, sikja ganya doboka an unuwanalum an yub adya unulululum alamlaʾ an sunuwoka unulumak dara, wera sikda ban unuwanalum an yuba orokaʾ anaba, siksamba sik nong ara unuwanalum an yuba dibaʾ ulumak.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

ROMA 5:9

Anya, nunda wera alja eneng edya seleb perobaʾ nenewosukaʾ anasa, hyak nauba so ara, nunda Imik Neyung bedya wema daboka osinaʾ ak ab dara, blebnesil ok.

ROMA 6:12

Anasa ugunda malya unaʾ ganya anyek diliwoka unuwoumunuk aboka, ugunda malya unaʾ ara, an somoganamla nong enyek an or welenulul senenaʾ ara mem.

ROMA 7:18

Anasa nara ella ulumnaʾ ara, na nimi nonga ulumnaʾ ak ara, yokaʾ hnon perob soʾ digumaʾ ara unggulunel, orok. Na pe unuwanesinya beknaʾ era ulunel bok, perobaʾ amba ununanya nera, unggulumla.

ROMA 9:22

Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla.

1 KORINTUS 4:7

Anasa wera anak dara, heknedya men perob so uyinyok senelelam do? Anda yokaʾ-yokaʾ bololamaʾ ara, hnon eleganggunjoknya nek hnon bololam de? Wera dara, yokaʾ-yokaʾ nidyaʾ anak elegenjok bok dara, hekasa nabeyok dolomna senewoka, nonggo alalam do?

2 KORINTUS 7:1

Nadya wanaʾ ulusin nim o! Ban nidyaʾ unuwanasin hyokaʾ ara nuk lebsuk. Anasemba nunda al Imik Neyung ak lok ganya boboka, nunda al Imik Neyung amba gobdo geisaʾ perobaʾ anyek ulunob. Nunjaʾ ganya nonga malya nenelesil malya unaʾ nidyaʾ ara, dibaʾ loboka geisa nenebdanamab.

GALATIA 3:22

Bok, Imik Neyung yuba momnya dobokaʾ adya eleganesin amokaʾ ara, sikja Yesus Kristus ak dib senelemak nim ek elegosululaʾ aboka, Imik Neyung yub adya, nimi nidyaʾ ara, malya unaʾ lomok gobdo ulumak aboka, deneblebsuk.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

1 TESALONIKA 4:13

Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom.

1 TESALONIKA 5:6

Anasa, nimi salyaʾ hogunga malamak sok unuwanggunumab. Bok pe keebmoubuka pe diri uldalamnamab.

1 TIMOTIUS 6:9

Bok, nunda bonaʾ dub nim deisibya senelemak nim ek dara, nimi nong enyek nauba sunubyamawoka, yokaʾ-yokaʾ dobsibya ganya hnon, dongdang anaʾ ab dadya, heng weboka youlusil. Ban adya, nimi nauba yamnekoka soldob menegoka dengalamak.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

1 YOHANES 2:16

Nidyaʾ yokaʾ-yokaʾ sokok an ulumlaʾ ara, nimi ganya malya ulumak ganya edya oka delesilaʾ hnon, nera heng adya eibnakanya dobsinya senelemakaʾ hnon, onoʾ perobja aboka nonggo alamakaʾ hnon, ban nidyaʾ ulumla deng dara, Neyung bek ab gom, alda sokok anyebaʾ ak ulumla.

1 YOHANES 2:8

Ban men wenyhen bok anaba, onoʾ wenyek yuba hnon momnya doboka beibsin. Nera dib ulumlaʾ ara Kristus alja nong lomok hnon, ugunuk ulusilaʾ hnon, eillilemakaʾ anasa lebna. Anasa wera, gunaʾ ak dara, dengabgiga balamlakanya, dilinaʾ dibaʾ ak dara, wera seleb yebel einilamla.