EPESUS 2:2 - PERJANJIAN BARU NALCA YUBA

² Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 2:2 ပူးပေါင်းရင်းမြစ်များ

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

MARKUS 4:19

sokok anyebnya nenyek hekaʾ huwanamna ganya boboka, bonaʾ mandebnaʾ adya pe ulusinya senen ganya ab, hnon yokaʾ-yokaʾ ak ganya oka denaʾ adya, sikja ganya lomok sam wekel yaban dara, yuba dobnaʾ ara, seklama denewoka bonga oldelemlaʾ adya, pe doka mounggulusil nim era an.

LUKAS 16:8

”Dara rupiah wa sala ulumoknya ben alja dubnya bedya dara, geremseng nongaʾ anyek hyak pebdangalam aboka gigiwok. Dilinaʾ ak ulumak nim era, anaso ununggulumak bok, sokok an salyaʾ lelem ulumak nim era, sik moumen ak, yokaʾ ubnaʾ ara, hyak geremsengaʾ anyek unuldalamak,” hyok.

LUKAS 22:31

”Simon o, Simon o, anda nak kebnelom! Gandum glakaʾ gwereklemak dara, anadya perobnya nera laga nenewoka malyinya nera lobnobaʾ aboka ulumak sok, Satan bedya ugunuk sene sunuwosununaʾ aboka galaweisil.

YOHANES 12:31

Wera, sokok an yana lelewanamla salek era, seleb yalaʾ anasa, sikja dubnya bera eleboka boboganamla.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 13:27

Dara, Yudas bera ban gwanenga dol yabok sab-sab enyek, Satan bisaʾ ara aljaʾ ganya lomok wekel yeilimok. Dara, Yesus adya, ”Or anja unuwonun senemennya nera, berra unul yabalom,” hyok.

YOHANES 14:30

Sokok an dubnya bera, yanggan sum oka dalaʾ anasa, nara ugunublaboka nauba sabdanggunumab. Alda nablabokonya gomaʾ.

YOHANES 15:19

Ugunda sokok anyebaʾ ak ulusom dara, aljinya nek anasa, wanaʾ nauba ulumnesuso bok, ugunda sokok anyebnya unggululumaʾ anasa, nadya sokok ab ugunuk dosisaʾ anasa, ugunuk lek senelesil.

YOHANES 16:11

Sokok an dubnya bek seleb yana lelewoka igin yakaʾ alsamba seleb ulumlaʾ anasa, yana lelesinaʾ ak meknewoka seinilimak.

YOHANES 7:7

Soko nim edya dara, ugunuk ara lek senenggulusak bok, nak dara, sikja unulumakaʾ anyek, malyaʾ aboka pyagaʾ geblamnaʾ anasa, sikda nak lek senelenyak.

YOHANES 8:23

Dara, onoʾ Yesus adya sikenek ara, ”Ugunda sokok ab yeililum, nara imik ab yeilimsa. Ugunuk dara, anyagan sokoknya nek ululum, bok nak dara, anyagan sokoknya bek unggulumna.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

RASUL 19:35

Bok, Epesus heik momnya dolomoknya bedya, ”Mem, salyaʾ iriri aboka lelelum ara mem,” aboka eimik namenaʾ nenemok. Dara al adya lelemok ara, ”Ugunda Epesus nang o, Epesus heik nong anyek, hyak senenggom bisaʾ dubnya alja e ab, onoʾ alja imik ab sam yinggilimok sununaʾ girik ab, ugunda meewoka bo ululumaʾ ara, soko nang nidyaʾ ella ulumak.

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

1 KORINTUS 5:10

Ban nadya wenyasenya nera, anyagan soko nim era, gela salanaʾ hwam nang hnon, hmabaʾ ganya bolomak nimi hnon, sondaʾ anasa meka lelewoka lelemak nimi hnon, bisaʾ ak molowoka giblemak nimi hnon, nenyek gobdo bokdangoka ulumnalum aboka, lebnenggubsa. Nera orok! Ugunja nim enyek malya ululum nim aboka, gobdo mok nenewanasom dara, wera ugumbabya sokok an unaʾ loboka yibinesom bok,

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

EPESUS 1:21

Wenewoka bo usinaʾ gom, senenggom dub unaʾ gom, yok-yok migibaʾ gom, wenewoka oruksinaʾ gom, nidyaʾ yok-yok si sinaʾ dub unaʾ gom, wene salek gom, eimik yanamla salek gom, nidyaʾ migib era mek bok, Kristus ak Imik Neyung adya elegok migib era, hyak senenggomaʾ lok soʾ ak elegok.

EPESUS 2:11

Ugun Yahudi gom nim era, ugun nong ara, ”bolaʾ garawanggom nang” anaʾ ara, nim adya bolaʾ garalesikaʾ Yahudi nang edya dara, ugunuk wenyalasak. Dara, Yahudi gom nim o, anyek seiniwanalum. Nera nim adya ganya doboka nang era an wenyan beknaʾ beillilesik.

EPESUS 2:13

”Ugunda youmaʾ dara, mok ululum bok, wenyek dara, Kristus Yesus ab neikaʾ kwebdangoka ululumaʾ ara, Kristus eneng adya oka doro dil yousuk.”

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

EPESUS 6:12

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

2 TIMOTIUS 4:10

Demas bera sokok anyek wanaʾ uboka, nak ara seleb lo binyok. Alda seleb Tesalonika heikek byuk. Kreskes bera alda seleb Galatia moka byuk. Dara, Titus beneba Dalmatia heikek byuk.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

YAKOBUS 1:7

Ban unu ganya eb menegoka unululanya bera, alda ganya pe siklewoka namenaʾ ak unggulumla, alja unulamlaʾ nidyaʾ ara banyek pe unuwanamna senewoka orowek pe gegenggulumla. Anasa wera, ban anaso unululanya bera, alda Wenelesilnya bek ab yokaʾ perobaʾ dobnamna senewoka ganya wenaʾ ara mem.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

1 PETRUS 4:3

Ugunda youmaʾ yuba dobnenggulum salek era, nim Imik Neyung yuba dobnenggom nim edya unulumak ununaʾ seleb ura dakdowolum. Ugunda hyak nauba malya ululum. Ugunda youmaʾ dara, yokaʾ-yokaʾ malya unuweisinya ganya adya hnon, gela salaweisinya ganya hnon, yu meka deregoka ganya uu asin meka delelum, malya unaʾ hwam adya goluwoka, bisaʾ nauba hyak pe giboka, henga kemenaʾ malya dangalamla malya unaʾ eneba unululum.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 YOHANES 4:4

Bok najabo yab, ugunuk dara, Imik Neyung alja mab ululum. Sokok an ululanya nera mek so bok, ugunuk ulusil Geisinya bera, senenggomaʾ migibaʾ ulusilaʾ anasa, wera ugunda sondaʾ anasa ununumnaʾ lelemab alamak nang ek, ugunja seleb oblamagelum.

1 YOHANES 5:19

Soko me nidyaʾ ara bisaʾ adyok salawoka bo ulumla bok, nuk dara, Imik Neyung alja mab ulumabaʾ anyek hnonok ella ulumab.

1 YOHANES 5:4

Anasa wera, Imik Neyung mab ulumak nim era, sokok an malya unaʾ hwam ulumlaʾ ara, migib adya ol lamaklamak. Dara onoʾ nenyek dara, nunja dib senenaʾ adya ara, sokok an yokaʾ-yokaʾ ol lamaklamab.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 16:17

Nen seleb dara, sek lero era alja bomoknya nera, salyaʾ imik yamaro bobogok. An unuwok salek, Imik Neyung adya ekla bunaʾ ak ab, ”Seleb sidyaʾ dakla!” wenyaboka yeiriwoka lel yabok.

WAHYU 20:2

Dara alda youmaʾ eneba ulumoknya senenggom wisa naga bagaʾ era, Iblis goma, Satan goma aboka si silimakaʾ ara an. Wera alda gibnaʾ ara, seribu gibnaʾ lebnamlaʾ anasa aboka, ban gasa heng enedya dibaʾ goubokaʾ ak eibsa.