EPESUS 2:17 - PERJANJIAN BARU NALCA YUBA

¹⁷ Ban nenesa leboka, ugunda Imik Neyung al ara mok geboka ululum Yahudi gom nim ek hnon, Imik Neyung berem ulumak Yahudi nim ek hnon, Kristus adya perob lero yanggan heknaʾ yub era, ugunuk lel elegel yousuk.”

EPESUS 2:17 ပူးပေါင်းရင်းမြစ်များ

MATIUS 10:13

Ugunuk neikaʾ ulumnemab aboka, dobnesak nim ek ara, ugunja gibemunaʾ damok ara, sob e nenyek an ulumnamla. Bok neikaʾ ulumnemab henggunusak ek nim edyaʾ ek ara, gibemun gibnaʾ damok era, ugun damnya saaboka dobnelum.

LUKAS 15:8

”Goma, gela hnon sagobadya rupiah beiyisobok, hnon gaboka weiningganamso dara, gela gera na rupiah aboka hekaʾ hubnamso do? Wera gera alja e sembejaʾ bokoka, wesaʾ yeboka yok pik nidyaʾ ero yabalamsoʾ ara eibnamso.

LUKAS 2:14

”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,” wenyaro giblemek.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

RASUL 2:39

Anasa, Imik Neyung adya lebsukaʾ ara, ugun nong amba ugunja mab emba hnon, sik mok sam ulumak nim emba hnon, ulumla. Nunja Wenelesilnya Imik Neyung adya yoululum aboka youblesil nim nidyaʾ amba ulumla,” hyok.

ROMA 10:14

Bok sikda alak ganya aldib senenggulumak dara, sikda hekaʾ uboka alak bii heneseng do? Sikda al benyaʾ an yub enyek kenggulumak dara, sikda hekaʾ uboka alak ganya aldib senewanaseng do? Al samba yub enyek hnon nekel banggulumak dara, sikda hekaʾ uboka alsamba yub era kebneseng do?

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

EPESUS 4:21

Ugunda aldib alja yuba kelumukanya, al lomok ara dib yub ok ulumlaʾ sunuwoka nekesik dara, anasoʾ ununaʾ ella dangoka dobnenggulum.