EPESUS 2:13 - PERJANJIAN BARU NALCA YUBA

¹³ ”Ugunda youmaʾ dara, mok ululum bok, wenyek dara, Kristus Yesus ab neikaʾ kwebdangoka ululumaʾ ara, Kristus eneng adya oka doro dil yousuk.”

EPESUS 2:13 ပူးပေါင်းရင်းမြစ်များ

YOHANES 10:16

Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

RASUL 15:14

Simon bedya wen nuk lesilaʾ ara, Imik Neyung adya men youboka Yahudi gom nim eneba nadya mabo silibaʾ danok aboka sik gangganek ab hnon seleb domok adya, sikenek diri ulusuk anyek laga amasuknya nenesa lesil.

RASUL 2:39

Anasa, Imik Neyung adya lebsukaʾ ara, ugun nong amba ugunja mab emba hnon, sik mok sam ulumak nim emba hnon, ulumla. Nunja Wenelesilnya Imik Neyung adya yoululum aboka youblesil nim nidyaʾ amba ulumla,” hyok.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

EPESUS 2:12

Youmaʾ dara, ugunda Kristus ab neikaʾ ganya kweldanaʾ orok nim, ugunda Imik Neyung adya weboka dobnenggusuk nim, beiyik nim ululum. Ugun Imik Neyung adya wanaʾ uboka perobaʾ eleganesin henggusuk nim ek ululum. Ugunda Israeli soko enyek anara, perobaʾ anyek dobnemab nimi senenaʾ orokaʾ ak uboka, Imik Neyung ugunjaʾ ganya lomok unaʾ orok nim ek ululumaʾ anyek seiniwanalum.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 2:6

Dara, Imik Neyung adya, nub Kristus anya, somoknaʾ ak ab embengaʾ nenewoka suboka bukiyiwousuukanya, Kristus Yesus lomok imik heikek sam neikaʾ beibsuk.

IBRANI 9:18

Wera anasa, men unuwanalum an yub ulumokaʾ anaba, eneng adya ok unulumek.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.